Fréttablaðið - 08.02.2020, Blaðsíða 78

Velgengni Hildar
kemur ekki á óvart
Mamma Hildar Guðnadóttur segir hana aldrei gefast upp og að
velgengnin komi því ekki á óvart. Sama gildir um vini tónskáldsins
sem getur mölbrotið blað í kvikmyndasögunni á sunnudagskvöld.
Emmy, Grammy og BAFTA, sigurför Hildar Guðnadóttur getur náð hámarki á Óskarnum. NORDICPHOTOS/GETTY
NÆRMYND
Hildur Guðnadóttir
Fædd: 4. september 1982
Menntun: Sellóleikari og próf í tón-
smíðum frá Listaháskóla Íslands
Starf: Tónskáld
Ingveldur Guðrún Ólafsdóttir
tónlistarkona og mamma
„Hildur ólst upp hjá foreldrum
sem voru bæði í tónlistarnámi og
mátti frá fæðingu hlusta á æfingar
þeirra, fara með á æfingartónleika
og jafnvel bara með í skólann,“
segir Ingveldur Guðrún Ólafs-
dóttir, tónlistarkona og mamma
Hildar, um krókinn sem beygðist
heldur betur snemma.
„Þegar við komum heim úr námi
fékk hún ekki inni í leikskóla og ég
ákvað að setja hana í tónlistarnám
á selló hjá Suzuki-skólanum þegar
hún var fjögurra ára þannig að hún
hefði eitthvað við að vera.
Áhuginn á tónlistarnáminu var
mismikill eins og gengur og gerist
en það er svo lýsandi fyrir hennar
karakter að gefast aldrei upp,“
heldur Ingveldur áfram. „Aðeins
einu sinni talaði hún um að hætta
en ákvað samt að klára veturinn.
Hún hefur alltaf verið gríðarlega
markviss, stefnuföst, sjálfstæð
og gríðarlega vinnusöm þannig að
þessi mikla velgengni kemur mér
því ekki á óvart.“
Ingveldur segir óhætt að bæta
við að Hildur sé mjög þolinmóð og
glaðvær. „Hún var strax frá fyrsta
degi einn besti félagsskapur
sem hægt er að hugsa sér og er
ein besta mamma í heimi,“ segir
mamman.
„Það má kannski bæta hóg-
værðinni við. Hún hefur alltaf
verið gríðarlega hógvær og var
aldrei barnið sem kallaði á athygli
en hún fékk mikla athygli fyrir
prúðmennsku og kurteisi.“
Ingibjörg Birgisdóttir
hönnuður og vinkona Hildar
„Við Hildur kynntumst í mennta-
skóla en urðum bestu vinkonur í
um tvítugt. Við bjuggum saman
í lítilli íbúð í eitt og hálft ár áður
en hún flutti til Berlínar og hún er
ein þægilegasta sambýlismann-
eskja sem hægt er að hugsa sér.
Hún útbýr fyrir þig beyglur með
osti og bönunum á meðan hún
syngur með Sade og reytir af sér
fimmaurabrandara. Þótt það skíni
kannski ekki í gegnum tónlistina
hennar er hún alveg ótrúlega björt
og glaðvær persóna og hefur mest
smitandi hlátur sem til er, fyrir
utan mömmu hennar kannski. Hún
er mikill vinur vina sinna og er alltaf
til staðar sama hve mikið gengur
á í hennar lífi. Hún er líka mikill
peppari og það er fátt betra en að
heyra í Hildi þegar kona er óviss
eða óörugg um eitthvað.
Fyrir utan fjölskylduna hefur
tónlistin skipað stærstan sess
í hennar lífi. Þegar við bjuggum
saman æfði hún sig tímum saman
á sellóið og var alltaf að grúska í
einhverjum nýstárlegum leiðum
til að koma tónlist sinni á fram-
færi. Ég man að einu sinni kom
hún heim með faxtæki sem henni
hafði áskotn ast og stóð alltaf til
að breyta því þannig að hún gæti
notað það í tónlistarsköpun sinni.
Þetta tæki bjó með okkur þangar
til við fluttum út.
Hún er mesti vinnuþjarkur sem
ég þekki og árangur hennar er af-
rakstur mikillar vinnu. Hún hefur
líka alltaf verið ótrúlega dugleg við
að tileinka sér nýungar og aðferðir
og festist því aldrei í sama farinu.
Hún er búin að gera svo ótrúlega
flotta hluti sem fólk hefur ekki
hugmynd um af því að hún hefur
ekki fengið það lof sem hún á skilið
fyrir vinnu sína. En hún er loksins
kominn þangað sem hún á að
vera og það verður spennandi að
fylgjast með framtíðar verkefnum.
Kristín Björk Kristjánsdóttir
tónskáld
„Hildur er mjög heil og ljósrík
vinkona og mér þykir óendanlega
vænt um hana,“ segir tónskáldið
Kristín Björk Kristjánsdóttir,
einnig þekkt sem Kira Kira, um
sína gömlu, góðu vinkonu. „Hún
passar upp á fólkið sitt, forgangs-
raðar því alltaf fram yfir vinnuna
og heiðrar falleg lífsgildi í einu og
öllu,“ heldur Kristín áfram og telur
upp „þakklæti, auðmýkt og góð
hláturs köst. Það er aldrei neitt
kjaftæði þar á bæ.“
Hans Jóhannsson
fiðlusmiður
„Ég hef þekkt Hildi síðan hún hékk
með dóttur minni á unglingsár-
unum, en síðar urðum við góðir
félagar gegnum sameiginlega
vini og höfum brallað heilmikið
saman,“ segir Hans Jóhannsson,
fiðlusmiður og faðir Elínar Hans-
dóttur, myndlistarkonu og vin-
konu Hildar.
„Einu sinni létum við rafmagns-
sellóið hennar sem ég smíðaði
fyrir hana stýra heilum strengja-
kvartett rafrænt á tónleikum
í Amsterdam,“ segir Hans um
sérstakt sex strengja rafmagns-
selló sem hann smíðaði fyrir kvik-
myndatónskáldið.
„Það sem mér finnst einkenna
Hildi er ómótstæðileg jákvæðni
og hvernig hún er alltaf til í að
prófa allar mögulegar tilraunir,
með bros á vör, þótt möguleikinn
sé fyrir hendi að þær mistakist.“
Fríða Björk Ingvarsdóttir
rektor Listaháskóla Íslands
Fríða Björk Ingvarsdóttir, rektor
Listaháskóla Íslands, hefur þekkt
Hildi jafn lengi og fiðlusmiðurinn
eiginmaður hennar, og sendi tón-
skáldinu hlýjar kveður á Facebook
eftir að hún hlaut BAFTA-verð-
launin: „Hjartanlega til hamingju
með þessa miklu vegsemd. Við
erum svo stolt af þér hér fiðlu-
smiðshjónin – það er ekkert meira
nærandi heldur en að fylgjast með
velgengni gamalla heimaganga
barnanna sinna á vegum listar-
innar. Svo ekki sé talað um þegar
heimsbyggðin stendur á öndinni
yfir snillinni!“
„Hildur er fyrst og fremst góður
og íhugull listamaður. Hún býr
yfir listrænu áræði en jafnframt
góðum skilningi á tíðaranda og
aðferðafræði, auk vilja til að ganga
þvert á hefðbundin listræn mæri,“
segir Fríða Björk í samtali við
Fréttablaðið og leggur áherslu á
að ferill hennar var löngu orðinn
farsæll og áhugaverður „áður en
vegferð síðustu missera hófst
þannig að hún hefur verið frum-
kvöðull og í þeim skilningi einstök
fyrirmynd fyrir konur sem vilja
hasla sér völl utan hefðbundinna
hlutverka í tónlist eða sem hljóð-
færaleikarar, ekki bara hér á landi
heldur einnig erlendis.“
Söguleg sigurganga Hildar Guðnadóttur getur mjög líklega náð hámarki á Óskarsverðlaunahátíð-inni aðfararnótt mánu-d ag si n s . Í nær my nd
Fréttablaðsins af kvikmyndatón-
skáldinu ber móður hennar og
góðum vinum saman um að eðlis-
læg bjartsýni hennar, staðfesta og
þolinmæði skili henni nú ríkulegri
og verðskuldaðri uppskeru sem
kemur þeim sem þekki hana alls
ekki á óvart.
8 . F E B R Ú A R 2 0 2 0 L A U G A R D A G U R30 H E L G I N ∙ F R É T T A B L A Ð I Ð