Fréttablaðið - 29.02.2020, Side 6

B
irt m
eð fyrirvara um
m
ynd- og textabrengl
Þetta flytur sig ekki sjálft!
Sixt langtímaleiga einfaldar reksturinn
ÞjónustuskoðanirTryggingar og gjöld Hefðbundið viðhaldDekk og dekkjaskipti
Kynntu þér kosti langtímaleigu á
sixtlangtímaleiga.is eða hafðu samband
við viðskiptastjóra Sixt í síma 540 2222
eða á vidskiptastjori@sixt.is.
(Atvinnubílar á langtímaleigu koma hreyfingu á hlutina)
Innifalið í langtímaleigu:
Verð frá:
63.900 kr. á mán án vsk.
Verð með vsk. frá: 79.236 kr. á mánuði.
Pantaðu bílinn á sixtlangtimaleiga.is.
Dregið úr hættu á COVID-19 kórónuveirusmiti
n Gæta vel að hreinlæti, þvo
hendur reglulega með sápu og
nota handspritt. Forðast snert-
ingu við augu, nef og munn.
n Hósta og hnerra í krepptan
olnboga eða í pappír þegar um
kvefeinkenni er að ræða.
n Forðist náið samneyti við ein-
staklinga með hósta og almenn
kvefeinkenni.
n Sýna aðgát í umgengni við
algenga snertifleti á fjölförnum
stöðum, s.s. handrið, lyftu-
hnappa, snertiskjái, greiðslu-
posa og hurðarhúna.
n Heilsa frekar með brosi en
handabandi eða faðmlagi.
n Eldið vel kjöt og egg. Forðist
að koma nærri lifandi dýrum á
markaðstorgum.
HEILBRIGÐISMÁL „Við erum búin að
vera að fylgjast með þróun þessa
faraldurs frá því fyrstu fregnir af
honum bárust og erum ágætlega
undirbúin,“ segir Katrín Jakobs-
dóttir forsætisráðherra um þau
tíðindi að COVID-19 kórónaveiran
sé komin til Íslands.
Fyrsta tilfellið af COVID-19 veir-
unni hérlendis var staðfest í gær.
Um er að ræða karlmann á fimm-
tugsaldri sem hafði dvalið á skíða-
svæði á Norður-Ítalíu. Samkvæmt
upplýsingum frá Embætti land-
læknis er maðurinn ekki alvarlega
veikur.
Maðurinn kom til landsins síðast-
liðinn laugardag en svæðið þar sem
hann dvaldi ásamt eiginkonu sinni
og dóttur var ekki innan skilgreinds
hættusvæðis. Ríkislögreglustjóri
ákvað í kjölfar staðfestingar á smit-
inu að virkja hættustig almanna-
varna í samráði við sóttvarnalækni.
Katrín segir það styrkleika
íslensku þjóðarinnar hvað hún
standi vel saman þegar eitthvað
bjáti á. „Ég veit að við munum
öll leggja okkar af mörkum til að
sporna gegn útbreiðslu faraldurs-
ins. Við njótum þess líka að eiga gott
fagfólk og trausta innviði og getum
tekist á við þetta með sameiginlegu
átaki,“ segir Katrín.
Almannavarnadeild ríkislög-
reglustjóra og sóttvarnalæknir
héldu blaðamannafund þar sem
farið var yfir stöðuna. Þar sátu
landlæknir og fulltrúi Landspítala
einnig fyrir svörum. Fram kom að
vinna stæði yfir við að rekja ferðir
mannsins. Hann er nú í einangrun á
smitsjúkdómadeild Landspítalans.
Þá var greint frá því að vinnu-
staður mannsins og fjölskylda væru
komin í einangrun. Sýni sem tekið
var úr eiginkonu mannsins í gær
reyndist neikvætt.
Þórólfur Guðnason sóttvarna-
læknir sagði á blaðamannafund-
inum í gær að það hefði alltaf verið
vitað að veiran myndi berast til
Íslands. Í leiðbeiningum frá Land-
læknisembættinu segir meðal
annars að draga megi úr hættu á
kóróna veirusmiti með því að gæta
vel að hreinlæti.
„Við munum skerpa á þessum
leið beiningum og síðan verðum við
að sjá hvort ein hverjar f leiri leið-
beiningar muni koma út. Það má
alveg gera ráð fyrir f leiri smitum,
hversu mörgum er ómögu legt að
segja,“ sagði Þór ólfur og bað fólk að
halda ró sinni þrátt fyrir stöðuna.
Katrín segir að stjórnvöld séu vel
undirbúin. „Ráðuneyti, stofnanir
og fyrirtæki hafa unnið viðbragðs-
áætlanir verði útbreiðsla farald-
ursins hröð. Heilbrigðisyfirvöld
hafa haft gott upplýsingaf læði til
almennings með leiðbeiningum
um varúðarráðstafanir og nú ríður
á að við tökum höndum saman og
fylgjum þeim leiðbeiningum vel.“
Ríkisstjórnin ákvað á fundi
sínum í gær að setja á fót sérstakan
stýrihóp ráðuneytisstjóra allra
ráðuneyta um samfélagsleg og hag-
ræn viðbrögð vegna faraldursins.
Útbreiðsla hans hefur haft víðtæk
áhrif um allan heim, bæði sam-
félagslega og efnahagslega. Hluta-
bréf hafa hrunið í kauphöllum og
samdráttur er þegar farinn að gera
verulega vart við sig í ferðaþjónustu.
Markaðsvirði allra félaga á aðal-
lista Kauphallarinnar lækkaði um
135 milljarða í vikunni eða um tæp
11 prósent. Hlutabréfamarkaðurinn
á Íslandi hefur ekki átt verri viku
síðan árið 2009.
Hlutabréfavísitalan Dow Jones
féll um 1,5 prósent í gær eftir met-
fall á fimmtudag þegar hún féll um
4,4 prósent og alþjóðlegir markaðir
hafa ekki fengið sambærilegan skell
síðan í efnahagskreppunni 2008.
Í tilkynningu frá ríkisstjórninni
segir að áhersla sé lögð á að styrkja
samhæfingu stjórnvalda þannig að
unnt verði að grípa til viðeigandi
ráðstafana á hverjum tíma.
adalheidur@frettabladid.is
sighvatur@frettabladid.is
Katrín segir stjórnvöld vel undirbúin
Sóttvarnalæknir, heilbrigðisráðherra, landlæknir, dómsmálaráðherra og yfirlögregluþjónn hjá Ríkislögreglustjóra í gær. FRÉTTABLAÐIÐ/SIGTRYGGUR ARI
Forsætisráðherra segir
að fylgst hafi verið vel
með þróun COVID-19
faraldursins og stjórn-
völd séu ágætlega undir-
búin nú þegar veiran
hafi borist til Íslands.
Mikilvægt sé að almenn-
ingur fylgi leiðbeining-
um viðbragðsaðila.
2 9 . F E B R Ú A R 2 0 2 0 L A U G A R D A G U R6 F R É T T I R ∙ F R É T T A B L A Ð I Ð