Fréttablaðið - 29.02.2020, Síða 40

Útgefandi: Torg ehf Veffang: frettabladid.isÁbyrgðarmaður: Jóhanna Helga Viðarsdóttir Sölumaður auglýsinga: Ruth Bergsdóttir, ruth@frettabladid.is, s. 694 4103,,
Sú staðreynd að íslenska kokkalandsliðið skuli hafa fengið gullverðlaun í
báðum keppnisgreinum sínum á
Ólympíu leikum landsliða í mat-
reiðslu í síðustu viku er algjörlega
stórkostleg,“ segir Björn Bragi
Bragason, forseti Klúbbs mat-
reiðslumeistara sem á og rekur
kokkalandsliðið. „Það voru bara
þrjár þjóðir sem fengu tvenn gull-
verðlaun og að við skulum vera
ein þeirra, segir mikið um á hvaða
stað við erum komin. Til að gera
sigurinn enn sætari þá eru fimm
af sjö liðsmönnum okkar undir 23
ára aldri og hefðu því í raun getað
keppt í ungliðaflokki. Nú þarf bara
að halda áfram og koma Íslandi
betur á kortið sem áhugaverðum
stað til að upplifa það besta sem
gerist í mat. Við eigum einstakt
hráefni, vegalengdir hér eru stuttar
og við eigum augljóslega frábært
fagfólk. Allt þetta er sannarlega
góður grunnur til að byggja á.“
Keppnisskapið jókst
Fyrir keppnina sagðist Björn Bragi
hafa vonast eftir 5.-8. sæti sem
hefði verið góður árangur að hans
sögn. „Við fengum gullverðlaun
fyrir báðar keppnisgreinarnar,
„Chefs Table“ og „Restaurant of
Nation“. Fyrri keppnisgreinin
„Chefs Table“ var haldin í fyrsta
sinn þetta árið, sem er auka-
áskorun fyrir liðið. Þar er eldaður
sjö rétta matseðill fyrir tólf gesti
auk þess sem útbúa þarf sýningar-
styttu úr súkkulaði. Matseðillinn
samanstendur af brauði og ídýfu,
fingramat, veganrétti, fiskifati,
aðalrétti, eftirrétti og petit four,
sem eru litlir kökubitar þar sem
hver biti er unninn fyrir sig. Síðan
er það liðsins að ákveða hvað
boðið er upp á.“
Þegar ljóst var að íslenska liðið
fengi gullverðlaun fyrir fyrri
keppnisgreinina jókst eðlilega
keppnisskapið hjá liðsmönnunum
að sögn Björns Braga. „Í seinni
keppnisgreininni, „Restaurant of
Nation“ er eldaður þriggja rétta
matseðill fyrir 110 gesti. Nokkrir
diskanna lenda svo hjá dómurum
en keppendur vita aldrei hvaða
diskar það verða nákvæmlega.
Þessi keppnisgrein er líkari því
sem kokkar eru að gera dagsdag-
lega og hefur hingað til verið okkar
sterkasta hlið. Silfur hér hefði
verið vonbrigði, en við lönduðum
öðru gulli.“
Risastökk fram á við
Góður árangur kokkalandsliðsins
á Ólympíuleikunum er risastökk
fram á við að sögn Björns Braga
sem segir liðið lengi hafa nartað
í hælana á þeim allra bestu. „Nú
Æfingar fyrir stórmót eins og Ólympíuleika taka um 18 mánuði.
Íslenska liðið fagnaði vel þegar ljóst varð að það hefði hreppt þriðja sætið.
Andinn í hópnum var frábær og
liðið vann mjög vel saman.
„Ég held að möguleikar fyrir íslenska matreiðslumenn séu mjög miklir,” segir Björn Bragi. FRÉTTABLAÐIÐ/ERNIR
er alveg ljóst að við erum meðal
þeirra bestu í heiminum í dag. Það
er sérstaklega eftirtektarverður
árangur að mörgu leyti. Til dæmis
eru meðlimir liðs Singapore, sem
lentu í 4. sæti, allir í fullri vinnu
við að æfa sig í tólf mánuði fyrir
keppni. Okkar fólk er hins vegar í
fullri vinnu meðfram æfingum.“
Hann segir næsta skref vera
að mynda ungkokkalið, en sú
umræða hafi staðið yfir í 20 ár.
„Við ætlum að senda ungkokkalið í
næstu keppni, sem er að mínu mati
eitt mikilvægasta skrefið sem við
þurfum að taka til að vera áfram
samkeppnishæf á meðal þeirra
bestu í heiminum. Um leið verðum
við með helmingi stærri hóp sem
er að undirbúa sig og æfa fyrir
keppnir.“
Smæðin er kostur
Framtíðin er því mjög björt að
sögn Björns Braga og bara spurn-
ing hvernig tækifærin fram undan
verða nýtt. „Ég held að möguleikar
fyrir íslenska matreiðslumenn séu
mjög miklir en einnig má benda
á að Norðurlandaþjóðir voru í
fjórum af fimm efstu sætunum á
Ólympíuleikunum. Matarferða-
mennska fer ört vaxandi í heimin-
um og gæti skilað miklum tekjum
í þjóðarbúið. Íslensk veitingahús
eru alla jafna mjög góð og að mínu
mati er hlutfall góðra veitingahúsa
hærra hér en víðast hvar erlendis.
Það að fá ungt og hæfileikaríkt
fólk til að keppa í vinnunni sinni
er stórkostleg fjárfesting og þannig
erum við að búa til enn hæfari ein-
staklinga í sínu fagi. Hér á landi er
smæðin að vinna með okkur enda
er hlutfall kokka sem hafa farið í
gegnum keppnisferlið miklu hærra
hér á landi en annars staðar.“
Mikill undirbúningur
Næsta stórmót hjá kokkalands-
liðinu er Heimsmeistaramótið
í matreiðslu sem verður haldið
í Lúxemborg árið 2022. „Næstu
mánuðir fara því í undirbúning og
í að setja saman nýtt lið. Best er að
fá einhverja endurnýjun því það er
gott og hollt að fá inn nýja meðlimi
í bland við þá sem hafa reynslu.
Eftir sumarið byrja svo æfingar
sem standa yfir í um 18 mánuði
sem gerir um 10.000 vinnustundir
í undirbúning og æfingar. Svona
frábær árangur í ár er því sannar-
lega engin tilviljun heldur er búið
að vinna mikið fyrir honum. Núna
í sumar mun svo Sigurjón Bragi
Geirsson keppa fyrir Íslands hönd
í „Global chef challenge“. Keppnin
verður haldin í St. Pétursborg í
Rússlandi og koma keppendur frá
20 löndum, en við unnum okkur
inn keppnisrétt út af árangri
landsliðsins.“
Framhald af forsíðu ➛
Það að fá ungt og
hæfileikaríkt fólk
til að keppa í vinnunni
sinni er stórkostleg
fjárfesting og þannig
erum við að búa til enn
hæfari einstaklinga í
sínu fagi.
HEILDARLAUSNIR
FYRIR HÓTEL OG VEITINGAHÚS
2 KYNNINGARBLAÐ 2 9 . F E B R ÚA R 2 0 2 0 L AU G A R DAG U RKOKKALANDSLIÐIÐ