Fréttablaðið - 29.02.2020, Page 96

ÉG FÆ SJÁLF MIKIÐ
ÚT ÚR ÞVÍ AÐ SKRIFA
BÆKUR UM NÚTÍMAFÓLK, SEM
GLÍMIR VIÐ ALLS KYNS VIÐ-
FANGSEFNI SAMTÍMANS, OG
ALLTAF SMÝGUR EINHVER
HÚMOR INN Í SÖGURNAR, ÁN
ÞESS AÐ ÉG ÁKVEÐI ÞAÐ
BEINLÍNIS.
Andlitslausa konan er fimmta bók Jónínu Leósdóttur um eftir-launaþegann Eddu sem býr í vesturbæ R e y k j a v í k u r o g
glímir við flókin sakamál.
Um efni bókarinnar segir Jónína:
„Í þetta sinn ákvað ég að kippa
Eddu aðeins út fyrir hennar venju-
lega radíus í vesturbæ Reykjavíkur
og hefja leikinn á Þingvöllum.
Hún fær boð um að vera viðstödd
brúðkaup í litlu kirkjunni þar á
gamlársdag en reyndar munaði
litlu að hún af þakkaði því boðið
barst í tölvupósti og með dónalega
stuttum fyrirvara, fannst henni. En
þar sem ömmustelpan, Dagný Edda,
fær það verkefni að taka myndir í
brúðkaupinu getur Edda ekki verið
þekkt fyrir annað en að mæta. Það
spillir heldur ekki fyrir að Finnur,
nágranni hennar, samþykkir að fara
með henni.
Á Þingvöllum er hræðilegur
glæpur framinn fyrir allra augum
og Edda gerist auðvitað sjálfskip-
aður stjórnandi á vettvangi þar til
lögregla og sjúkralið mæta á stað-
inn. Hún sleppir þó ekki tökum á
málinu heldur blandar sér áfram
Hræðilegur glæpur framin á Þingvöllum
Jónína Leósdóttir sendir frá sér fimmtu bók sína um eftirlaunaþegann Eddu. Þar er meðal annars kíkt inn
í heim stjórnmálanna. Síðasta bókin í seríunni, allavega í bili. Er að þreifa sig áfram með aðrar persónur.
Helst vildi ég skrifa fram á grafarbakkann, segir rithöfundurinn Jónína Leósdóttir. FRÉTTABLAÐIÐ/SIGTRYGGUR ARI
Kolbrún
Bergþórsdóttir
kolbrunb@frettabladid.is
í rannsóknina á þessu voðaverki,
eins og hennar er von og vísa.
Þegar ömmustelpan flækist inn í
alvarlega atburðarás í tengslum við
áramótapartí á Seltjarnarnesi brett-
ir Edda einnig upp ermar, enda eru
skilin á milli hjálpsemi og afskipta-
semi ekki alltaf skýr hjá henni. Svo
munar hana ekkert um að vaka yfir
sjúklingi á Landspítalanum og hafa
ofan af fyrir pakistönskum gesti úr
brúðkaupinu sem talar takmarkaða
ensku. Hún er, sem sagt, sjálfri sér
lík, blessunin.“
Kíkt inn í heim stjórnmálanna
Þarna er meðal annars fjallað um
veislu sem forsætisráðherra ætlar
að halda á Þingvöllum. Er pólitískur
þráður í bókinni þar sem þú ert að
nýta innsýn þína í stjórnmálin?
„Upphaf lega ætlaði ég bara að
nota Þingvallabæinn sem eitt af
sögusviðum bókarinnar en alls ekki
blanda stjórnmálamanni í sögu-
þráðinn. Í kjölfar glæpsins tekur
Edda húsið eiginlega yfir af sinni
alkunnu röggsemi en til þess að
hún kæmist þangað inn þurfti eitt-
hvert fólk með lyklavöld að vera á
staðnum. Allt í einu var ég svo búin
að slá upp áramótagleðskap sem
dregur pólitískan dilk á eftir sér.
Þessi þáttur f léttunnar þróaðist
nánast óvart og af praktískum
ástæðum en ég hafði lúmskt gaman
af að láta Eddu kíkja aðeins inn í
heim stjórnmálanna og þetta hús
sem fáir hafa tækifæri til að skoða.
Og fyrst hún var komin inn á gafl
í Þingvallabænum varð ég að láta
hana hitta ráðherrahjónin.“
Þetta er fimmta bókin um Eddu,
koma ekki örugglega f leiri bækur
um hana?
„Ég stefndi alltaf á að hafa bæk-
urnar fimm og þetta er sú síðasta
í bili. Viðtökurnar hafa að vísu
verið framar öllum vonum svo það
er hugsanlegt að við Edda tökum
aftur upp þráðinn síðar. En í augna-
blikinu erum við í hvíld hvor frá
annarri.“
Eru f leiri bækur frá þér um eitt-
hvað allt annað í farvatninu?
„Já, núna er ég að þreifa mig áfram
með aðrar persónur. Mér líður hins
vegar vel á þeirri hillu, sem ég hef
verið á með Eddu, þannig að ég held
mig trúlega á svipuðum slóðum. Ég
fæ sjálf mikið út úr því að skrifa
bækur um nútímafólk, sem glímir
við alls kyns viðfangsefni samtím-
ans, og alltaf smýgur einhver húmor
inn í sögurnar, án þess að ég ákveði
það beinlínis.“
Vill skrifa fram á grafarbakkann
Ég vil ekki hljóma of dramatísk en
ætla samt að spyrja hvort þú gætir
hugsað þér lífið án þess að skrifa?
„Nei, ég fæ hroll við tilhugsun-
ina. Helst vildi ég skrifa fram á
grafarbakkann, hvort sem hann
er nú skammt eða langt undan. Ég
geri mér þó grein fyrir því að bæði
líkamleg og andleg heilsa getur sett
strik í þann reikning. Mamma mín
fékk til dæmis heilabilun og ég get
varla ímyndað mér nokkuð erfiðara
en að enda lífið þannig.
Ég er mjög meðvituð um að allt
veltur á heilsunni og að ég á dásam-
legum sjúkraþjálfara mikið að
þakka. Það er nefnilega ekkert gott
fyrir líkamann að sitja við skriftir
sjö daga vikunnar og sjúkraþjálf-
unin er mér lífsnauðsyn. Flesta daga
geng ég líka þrjá kílómetra á bretti,
þótt ég beri það kannski ekki með
mér, og ég hef verið grænmetisæta
í yfir þrjátíu ár. Vonandi næ ég því
að skrifa margar bækur til viðbótar
við þær átján sem þegar eru komnar
á prent.“
FLUG OG GISTING Á HÓTEL
BRANDAN MEÐ MORGUNVERÐI
Gisting á Hótel Brandan sem er glænýtt
4 stjörnu umhverfisvænt hótel í Tórshavn.
Smyril Line · Fornubúðir 5 · 220 Hafnarfjörður · S: 470-2803 · booking@smyrilline.is · www.smyrilline.is
í tveggja manna herbergi
fyrir einstakling í tveggja manna herbergi
ISK 72.790
ISK 98.290
á mann
á mann
TAKTU FLUGIÐ
TIL FÆREYJA
8 -11. maÍ.
Flug og
hótelgisting
í 3 nætur
2 9 . F E B R Ú A R 2 0 2 0 L A U G A R D A G U R48 M E N N I N G ∙ F R É T T A B L A Ð I Ð