Fréttablaðið - 03.12.2019, Blaðsíða 25

Margir framleiðendur keppast
nú við að koma með sportlegar
jepplingsútgáfur af vinsælum
fjölskyldubílum sínum og er Kia
merkið engin undantekning..
Kia er nýkominn með Xceed á
markað sem nokkurs konar jepp-
lingsútgáfu Ceed. Þar bætist hann
í f lóru annarra jepplinga eins og
Stonic og Sportage en einnig Niro
og Soul. En hver er þá munurinn?
Til að byrja með er Kia Xceed ekki
jepplingur því hann verður ekki
fáanlegur með fjórhjóladrifi. Í
raun og veru er hann toguð og
teygð útgáfa Ceed enda deila þeir
ansi miklu. Munurinn liggur í
stærðartölum, Kia Xceed er 85
mm lengri en Ceed og hefur 35
mm meiri veghæð, en auk þess
er skottið 30 lítrum stærra. Líkt
og í Mazda CX-30 er útlitið vel
heppnað og satt best að segja
nokkuð sportlegt. Þegar haft er í
huga að markaðssetningu Kia fyrir
þennan bíl er beint að fólki með
áhuga á sportlegum bílum mætti
nafnið segja meira en að bíllinn sé
einungis stærri útfærsla fólks-
bílsins.
Gott pláss í framsætum
Það sem vekur fyrst athygli þegar
sest er upp í bílinn er hversu
þægileg framsætin eru miðað við
bíl í þessum stærðarflokki. Þau
ná ná vel undir hnésbótina sem
er ótvíræður kostur sérstaklega
í lengri akstri. Það er vel hugsað
fyrir hólfum í hvívetna en minna
er hugsað um aftursætisfarþegana
sem fá þó niðurfellanlegan miðju-
stokk með glasahöldum í Style
útfærslu. Fótapláss er af skornum
skammti og líklega er gert ráð fyrir
að bíllinn henti best fjölskyldum
með ung börn. Ekki er gert ráð
fyrir að þau séu mikið að hlaða
síma eða spjaldtölvur því að engin
tengi eru fyrir slíkt afturí. Þótt
rafstillanleg framsæti með minni
séu ávallt kostur í hvaða bíl sem er
var eitt sem passaði samt ekki. Þar
sem fótarými mætti gjarnan vera
meira í aftursætum var það eigin-
lega galli að ökumannssæti skyldi
færast aðeins aftur við útstig
ökumanns, svo þrengdi verulega
að fótum fyrir aftan. Farangurs-
rými er svipað að stærð og í Mazda
CX-30 eða 426 lítrar og getur
stækkað í 1.378 litra með aftursæti
niðri, en hægt er að fella þau niður
40/20/40 sem eykur hagræði við
að flutning. Helsti ókosturinn við
aðgengi í farangursrými er hversu
hátt þarf að lyfta upp í opið, en
dýptin þýðir að auðvelt er að koma
fyrir töskum af stærri gerðinni.
Samt er varadekk í fullri stærð.
Eldsnöggur í skiptingum
Það er gott að keyra venjulegan
Kia Ceed og það sama má segja
um Xceed, og kemur það nokkuð
á óvart þar sem fjöðrun á að vera
mýkri og bíllinn stærri á alla
kanta. Bíllinn situr vel í beygjum
og það er ekki mikil undirstýring
þótt lagt sé snöggt á hann. Talandi
um að leggja snöggt á stýrið, að þá
virkar stýrið snöggt í hreyfingum
í byrjun en hægir á þegar lagt er
meira á það. Það er eins og það
þrýsti aðeins á móti átaki öku-
mannsins og fyrir vikið virkar
bíllinn aðeins togstýrður. Fjölliða
fjöðrun er að aftan en MacPherson
turnar að framan, en þeir eru með
vökvapúða á framdempurum sem
minnka áhrif á yfirbygginguna
þegar bíllinn lendir í holum eða
ójöfnum. Sjálfskipting er sjö þrepa
Bíllinn sem vantar
Sport í nafnið
Það eru rennilegar línur í Kia Xceed og bungan á vélarhlífinni setur kraftasvip á hann. MYNDIR/TRYGGVI ÞORMÓÐSSON Vélin í Style útfærslu er spræk 1,4 lítra bensínvél.
Tveir stórir litaskjáir eru áberandi í mælaborðinu og efnisval er í betra lagi.
Fótapláss gæti
verið betra í Kia
Xceed og eins
eru þrengsli við
inn- og útstig.
Farangursrými er með því sem best gerist í flokknum.
Sjálfskipting er sjö
þrepa með tveimur
kúplingum og er hún
því eldsnögg að skipta
bílnum upp og niður.
með tveimur kúplingum og er hún
því eldsnögg að skipta bílnum upp
og niður sem eykur við sportlega
aksturseiginleika hans. Þegar
bíllinn er í sportstillingu er hann
duglegur að gíra niður svo að
skiptingar með blöðkum í stýri
verða nánast óþarfar. 1,4 lítra vélin
er nokkuð spræk með sín 140 hest-
öfl en eyðsla var að meðaltali 8,3
lítrar á meðan á reynsluakstrinum
stóð sem verður að teljast frekar
mikið fyrir þennan stærðarflokk.
Brátt fáanlegur
sem tengiltvinnbíll
Samkeppnin er aðallega Toyota
CHR og Mazda CX-30 sem báðir
eru fáanlegir með fjórhjóladrifi
ólíkt Kia Xceed sem ekki státar af
slíku. Ford Focus Active er líka fjöl-
skyldubíll sem fengið hefur sams
konar stækkun á alla kanta eins og
Xceed, og er einnig bara með fram-
drifi en grunnverð hans er aðeins
3.690.000 kr. Grunnverð Xceed er
3.990.777 kr, en Toyota CHR er frá
4.463.000 kr. Mazda CX-30 kostar
hins vegar frá 4.050.000 kr og er
því mun samkeppnishæfari í verði.
Kia Cxeed verður þar að auki fáan-
legur sem tengiltvinnbíll næsta
vor og mun þá kosta 4.390.777 kr.
í grunnútfærslu sem verður 141
hestafl. Í Style útfærslu er grunn-
verð bílsins 4.790.777 á sérstöku
kynningarverði. Þannig kemur
hann með 12,3 tommu skjá í mæla-
borði og 10,2 tommu upplýsinga-
skjá, auk rafstillinga með minni í
framsætum, skynvæddum hraða-
stilli, þráðlausri farsímahleðslu,
JBL-hljómkerfi og ýmsu fleiru. Á
því verði eru því ansi góð kaup í
þessum bíl þar sem sjö þrepa sjálf-
skiptingin er staðalbúnaður.
10 BÍLAR 3 . D E S E M B E R 2 0 1 9 Þ R I Ð J U D A G U R
KOSTIR OG GALLAR
Kia Xceed 1,4
Grunnverð: 3.990.777 kr
Hestöfl: 140/6.000 sn
Tog: 242 Nm/1.500-3.200 sn
Hröðun: 0-100 km 9,5 sek
Hámarkshraði: 200 km
Eyðsla bl.ak.: 5,8 lítrar
CO2 losun: 135 g/km
L/B/H: 4.395/1.826/1.495 mm
Hjólhaf: 2.650 mm
Dráttargeta: 1.000 kg
Eiginþyngd: 1.436 kg
Farangursrými: 426 lítrar
Dekk/felgur: 235x45/18
n Búnaður
n Sjálfskipting
n Eyðsla
n Ekkert fjórhjóladrif
KOSTIR GALLAR