Skessuhorn - 13.11.2019, Blaðsíða 4

MIÐVIKUDAGUR 13. nóVEMBER 20194
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Verði ykkur að góðu!
Með Skessuhorni í dag fylgir sérblað um þann mikla matarauð sem við
íbúar á Vesturlandi búum yfir. Þetta er í annað skipti sem Skessuhorn fer í
samstarf við Sóknaráætlun Vesturlands um þetta verkefni, nú með tilstuðl-
an Markaðsstofu Vesturlands. Síðast var það gert haustið 2017 og vakti
framtakið þá athygli út fyrir landshlutann. Eftir því var tekið að við Vest-
lendingar sitjum bókstaflega á gullkistu þegar kemur að gæðum og fjöl-
breytileika hráefnis og úrvinnslu þess. Sama hvort það er fiskur úr sjó eða
vötnum, kjötframleiðsla á landi eða ræktun hverju nafni sem hún nefn-
ist. Við beinum nú sjónum að þeim framleiðendum sem eru að leggja lóð
á vogarskál nýsköpunar og eru að auka virði framleiðslu í heimabyggð.
En einnig þarf ráðagóða veitingamenn sem eru tilbúnir til að matreiða úr
þessu gæðahráefni og bera á borð krásir sem gestir fá ekki staðist.
Sýnt hefur verið fram á að þeir lifa lengst og best sem neyta matar sem
verður til sem næst búsetustað hverju sinni. Þekkt er að margir ferðamenn
sækjast sérstaklega eftir því að prófa þann mat sem framleiddur er þar sem
þeir koma. Þeir vilja komast í sem mesta nálægð við bóndann, sjómanninn
eða ræktandann. Vilja á ferðum sínum kynnast okkur sem best og þar með
matarmenningu okkar, hvernig við komumst af þrátt fyrir harðindi og vos-
búð fyrri alda. Þeir hafa einnig heyrt hversu hreinn sjórinn við strendur
landsins er, vita að lömbin sem ganga sumarlangt á íslenskum heiðum eru
bragðgóð og með öllu laus við lyf og annað inngrip sem þekkt er úr ýmissi
kjötframleiðslu. Þeir vita einnig að hvort sem það eru nautin í fjósinu eða
agúrkurnar úr gróðurhúsunum, þá byggist allt þetta líf á íslenska vatninu,
því hreinasta sem til er. Vatnið og hreint loft er nefnilega hin sanna auðlind
sem gefur Íslandi sérstöðu umfram fjölmörg önnur lönd þar sem umhverf-
ismálin eru ekki í jafn góðu lagi og raun ber vitni.
Með því að hlúa að vestlenskri framleiðslu og matargerð er margt sem
ávinnst. Eftir því sem fæðunni er neytt nær upptökum hennar, því heil-
næmari er hún. En um leið sparast einnig flutningar og dýrmæt sótspor og
við verðum einfaldlega betri við umhverfið. Veitingakonan í ólafsvík segir
einmitt í viðtali í blaðinu að einn af styrkleikum hennar reksturs sé að geta
keypt gott grænmeti frá Lágafelli. Kokkurinn á narfeyrarstofu er búinn að
stúdera kjötnýtingu og er í samstarfi við bónda í næstu sveit og framleiðir
úr lömbunum frá honum lambasteikur og hámarkar um leið nýtingu. nú
eða Krauma við Deildartungu sem býður einn veitingastaða hér á landi
gourmé rétti úr kjöti af geitunum á Háafelli. Svo ekki sé talað um grís-
ina, lömbin og nautin á Hraunsnefi sem veita í lifandi lífi ferðamönnum á
staðnum ómælda ánægju, en eftir þeirra dag veita þeim ekki minni ánægju
sem ljúffengir réttir á diski. Keli vert matreiðir svo úr fiskinum sem fæst
úr sjó hverju sinni, eða úr gæs ef bróðir hans hefur veitt vel þá vikuna. All-
ir skapa þessir veitingastaðir sér sérstöðu sem ómögulegt er fyrir aðra að
keppa við. Þessvegna verða þeir eftirminnilegir - gæðanna vegna.
Verum einnig minnug þess að með því að styðja við það frumkvöðlastarf
sem víða er verið að vinna hér í heimabyggð erum við að styrkja okkar eigin
búsetu. Við erum að stuðla að fjölgun starfa og aukinni velsæld. Hagkerfi
okkar eigin svæðis styrkist með auknum viðskiptum og um leið við sjálf.
Munum það næst þegar við þurfum að taka ákvörðun um hvað og hvar við
ætlum að borða.
Magnús Magnússon
Fyrstu Iceland Airwaves tónleikarn-
ir í Akranesvita fóru fram á fimmtu-
dag, en tónlistarhátíðin stóð yfir frá
6.-9. nóvember. Um sérstaka tón-
leika var að ræða, ætlaða Airwa-
ves Plus miðahöfum. Slíkir mið-
ar tryggja gestum ákveðin fríðindi,
m.a. forgang á sérstaka viðburði
hátíðarinnar. Tónlistarmennirnir
Daði Freyr og Hildur komu fram
í vitanum og stóðu tónleikarnir frá
15 til 17.
Aðsókn var góð, en um 60 manns
gerðu sér ferð í Akranesvita til að
hlýða á tónleikana. „Það eru allir
rosalega ánægðir með tónleikana
og ég er í skýjunum með hvernig
til tókst,“ segir Hilmar Sigvaldason
vitavörður í samtali við Skessuhorn.
„Aðstandendur hátíðarinnar höfðu
samband við mig til að kanna hvort
hægt væri að koma þessu á. Þeir
voru mjög ánægðir með hvernig
til tókst. Ég tel að þetta verði góð
kynning fyrir Akranesbæ og vona
að þetta sé fyrsta skrefið í að tryggja
okkur inn á Airwaves til framtíðar,“
segir Hilmar.
kgk
Ása Hólmarsdóttir, formað-
ur Hestamannafélagsins Dreyra
á Akranesi, hefur sent frá sér vin-
samleg tilmæli til ökumanna: „Ekki
flauta á hestafólk á útreiðum og ekki
aka hratt framhjá þeim.“ Ása seg-
ir að komið hafi upp nokkur tilvik
að undanförnu þar sem ökumenn
á ferð um gamla þjóðveginn inn að
hesthúsahverfinu á Æðarodda hafa
sýnt fullkomið tillitleysi og greind-
arskort þegar þeir hafa ekið framhjá
hestamönnum og fælt undan þeim
hrossin með bílflauti og hraðakstri.
„Þetta er ekki bara spurning um
að knapar (litlir eða stórir) detti af
baki og slasist, heldur geta hrossin
líka lent á bílum og slasað ökumenn
og farþega þeirra,“ segir Ása. „Það
þarf einnig að benda foreldrum sem
eru að keyra börn á reiðnámskeiði
íHestamiðstöðinni Borgartúni að
hámarkshraði í hesthúsahverfinu er
15 km/klst. Því miður er alltof mik-
ið um hraðakstur ókunnugra í hest-
húsahverfinu,“ segir Ása.
mm
Íbúar í Grundarfirði hafa undan-
farna daga fundið smá hristing ann-
að slagið. Ástæðan er sú að starfs-
menn Borgarverks eru á fullu í nám-
unni við Gröf að vinna stórgrýti
fyrir framkvæmdirnar í Grundar-
fjarðarhöfn. Lenging norðurgarðs
mun stórbæta aðstöðu í höfninni.
tfk
Áhugafólk um sveppi ætlar að hitt-
ast í brugghúsi Steðja í Flókadal á
sunnudaginn. Þar verður sett upp
tímabundið rými til að koma saman
og læra, ræða eða einfaldlega prófa
nýeldaða sveppi af ýmsum sort-
um. Bornir verða á borð nýeldað-
ir sveppir með heimagerðu brauði,
súrsaðir ostrusveppir, sveppabaka
og mismunandi kæfur svo eitthvað
sé nefnt. Einnig verður heimalagað
kvass og reishi te í boði.
Ondrej Vasina mun kynna heima-
ræktunartækin sín, Kjetil nybö
frá Landbúnaðarháskóla Íslands á
Hvanneyri mun kynna verkefni sitt
og áhugaverðar nýjungar í sveppa-
fræðum og Sigrún Thorlacius mun
kynna verkefni sitt, Heilun jarðar.
Viðburðurinn er á vegum fyrir-
tækisins Sveppasmiðju, sem Tina
Cotofana starfrækir í Bæjarsveit og
hefst hann kl. 13:00.
kgk/ Ljósm. úr safni/ jm.
Ógætilegur akstur stórhættu-
legur knöpum og hrossum
Stórgrýti fyrir hafnarstækkun
Sveppaáhugafólk kemur saman
Airwaves í Akranesvita
Á toppi Akranesvita að tónleikum loknum. F.v. Daði Freyr Pétursson, Helgi Jens-
son sem lék á gítar með Hildi, Hildur Kristín Stefánsdóttir og Hilmar Sigvaldason.