Hugur og hönd - 01.06.1995, Side 20

VEFARINN MIKLI
Guörún Vigfúsdóttir
Þeir sem á undanfórnum áratugum hafa sinnt íslenskri ull og framleiðslu úr henni þekkja efalaust flest-
ir til konunnar. Á Isafirði rak hún í áratugi umfangsmikla vefstofu sem framleiddi eftirsóttan tísku-
fatnað úr íslenskri ull, kirkjutextíla og margt fleira og tók þátt í sýningum innan lands og utan, auk
þess að vera áhugasamur og hvetjandi vefnaðarkennari við húsmæðraskóla í meira en jjörutíu ár.
Hún heitir fullu nafni Guðrún Jó-
hanna Vigfúsdóttir og fæddist að
Grund í Þorvaldsdal á Arskógs-
strönd árið 1921. Hún fluttist mjög
ung með foreldrum sínum að Litla-
Árskógi og ólst þar upp. Foreldrar
hennar voru bóndinn Vigfús Krist-
jánsson, sem einnig var hagleiks- og
framkvæmdamaður, og kona hans
Elísabet Jóhannesdóttir. Börn
þeirra urðu sjö og er Guðrún næst
yngst.
Eftir nám í unglingaskóla Svarf-
dælinga var Guðrún í Húsmæðra-
skólanum á Laugalandi í Eyjafirði,
veturinn 1940-41, og þar kynntist
hún vefstólum og vefnaði í fyrsta
sinn. Vefnaðarkennari á Laugalandi
var þá frænka Guðrúnar, Þuríður
Kristjánsdóttir, sem lært hafði vefn-
að í Danmörku. Þuríður á enn
heima í Eyjafirði og var til skamms
tíma að leiðbeina handverkskonum
þar um vefnað. Forstöðukona hús-
mæðraskólans var Dagbjört Jóns-
dóttir. Dagbjört hafði einhvern tíma
haft orð á því, hve vel Guðrúnu færi
að sitja í vefstól, hefur vafalaust þótt
henni farast verkið vel úr hendi.
Guðrún telur að þessi ummæli Dag-
bjartar hafi átt sinn þátt í að vekja
sérstakan áhuga hennar á vefnaði,
jafnvel orðið kveikjan að því sem
seinna varð.
VIÐVEFNAÐ I EYJAFIRÐI
Guðrún hefur getið sér gott orð í
húsmæðraskólanum, því að næsta
vetur er hún ráðin sem aðstoðar-
stúlka við vefnað og óf þá sitthvað
sem skólann vanhagaði um. Þriðja
veturinn fæst Guðrún enn við vefn-
að. Hún er ráðin sem farkennari hjá
Eyfirska kvenfélagasambandinu. Á
þeim tíma voru vefstólar á mörgum
bæjum og ferðaðist Guðrún á milli
1. „Morgunfrú ", samkvœmiskjóll með gullþrœði.
20