Gríma - 01.09.1940, Blaðsíða 74
10.
Drukknun Skúla Sveinssonar
í Garði 1870.
[Handrit Skúla Þorsteinssonar á Reykjum í Reykjahveríi. Eft-
ir sögn Halldórs Þorgrímssonar, Hólmavaði í Aðaldal].
Um haustið 1870 bjó í Garði í Aðaldal Skúli
Sveinsson, með konu sinni, Kristjönu Flóventsdótt-
ur, á hálfri jörðinni, móti föður sínum, Sveini Jóns-
syni, er þá var aldraður orðinn. Skúli og þeir bræð-
ur hans, Páll og Sigurjón, höfðu verið á hákarlaskip-
um, sem gerð voru út frá Eyjafirði og Siglunesi, og
hafði Skúli numið helztu atriði í siglingafræði af
formönnum þar vestra. Þá var fyrir nokkrum árum
byrjað að halda út hákarlaskipi hér í Þingeyjarsýslu,
og hafði það bækistöð sína á svonefndum Bakka-
krók skammt utan við Húsavík. Skip þetta var nefnt
„Veturliði“ (eða stundum ,,Bakka-Veturliði“), og
hafði formaður á því verið Jakob Guðmundsson frá
Tröllakoti á Tjörnesi. En þetta vor ætlaði Skúli í
Garði að taka við formennskunni, því að Jakob vildi
ekki hafa hana á hendi lengur einhverra orsaka
vegna.
Skúli var forsöngvari í Neskirkju; var hann þar
við messu á pálmasunnudag og stýrði kirkjusöngn-
um að vanda. Daginn eftir lagði hann af stað út í
Bakka til að setja fram skipið og búa til veiða.