Fréttabréf Öryrkjabandalags Íslands - 01.09.1999, Blaðsíða 45
Helgi Hróðmarsson fulltrúi:
UPPLÝSINGAR UM NÁMSKEIÐ OG MÓT
Á VEGUM MOBILITYINTERNATIONAL
FYRIR UNGT FÓLK MEÐ FÖTLUN
Nýlega bárust upplýsingar um
ýmis mót sem í boði eru á
vegum Mobility Internat-
ional á næstunni.
6.-7. október n.k. verður í Hel-
sinki, Finnlandi ráðstefna um
sjálfstæða búsetu.
6.-9. október
n.k. verður í Bad
Hofgastein,
Austurríki ráð-
stefna um heil-
brigðis- og trygg-
ingamál og ýmis
félagsleg réttindi.
23.-31. októ-
ber n.k. verður í
Denbighshire,
Norður írlandi dagskrá þar sem
fjallað verður um sjálfboðaliðastörf.
24.-31. október n.k. verður í
Strasbourg, Frakklandi dagskrá þar
sem fjallað verður um leiklist, mis-
munandi form leikhúsa og leikræna
tjáningu. Stefnt verður að því að þátt-
takendur geri vídeómynd sem fjallar
um störf og reynslu þeirra.
7.-14. nóvember n.k. verður í
Mollina, Spáni þjálfunarnámskeið
fyrir fulltrúa ungliðahreyfinga.
9.-14. nóvember n.k. verður í
Búdapest, Ungverjalandi dagskrá
þar sem fjallað verður um samstarf og
þátttöku ungs fólks með fötlun í
skipulagningu ungliðastarfs. Þátt-
takendur fá aðstoð við að nýta sér
þekkingu sína í starfi.
19.-30. janúar 2000 verður í
Strasbourg, Frakklandi þjálfunar-
námskeið sem miðar að því að gera
þátttakendur hæfari til að skipuleggja
námskeið eða fundi þar sem saman
koma fulltrúar landa sem eiga aðild
að Evrópuráðinu auk fulltrúa frá
Miðjarðarhafslöndunum.
I tilboðum á vegum Mobility In-
ternational er meginreglan sú að
þátttakendur séu á aldrinum 16-30 ára.
Einstaka undantekningar eru gerðar
frá þessu sé þess sérstaklega óskað.
Kostnaður við uppákomur á vegum
Mobility International er niður-
greiddur og í sumum tilfellum hafa
fargjöldin einnig verið þátttakendum
nánast að kostnaðarlausu.
Ungt fólk með fötlun frá Islandi
hefur notið góðs af mörgum nám-
skeiðum og mótum á vegum Mobil-
ity International þau ár sem Öryrkja-
bandalag Islands hefur verið aðili að
samtökunum. Þetta fólk hefur öðlast
reynslu, þekkingu og umfram allt
skemmt sér vel. Vonandi sýnir fólk
ofangreindum tilboðum áhuga og
hefur samband við Helga Hróðmars-
son í síma 552-2617 vegna skráninga
eða nánari upplýsinga. Þegar hafa
aðildarfélögum Öryrkj abandalagsins
verið sendar ofangreindar upplýs-
ingar.
Helgi Hróðmarsson.
Frá FAAS
Með fréttabréfi FAAS sem hingað kom í júnílok fylgdi svokallað
Kalmarskjal frá Norrænu Alzheimersamtökunum, tileinkað ári
aldraðra. Yfirskriftin er: Ríkisstjórnir Norðurlanda og Norðurlandaráð
eru hvött til að taka tillit til hins mikla vanda sem er samfara heilabilun.
Skjalið er svo í 10 greinum og ritstjóra sýnist rétt að birta þær í heild
sinni.
1. gr. Heilabilun er sjúkdómur sem veldur varanlegri starfrænni hömlun
og annarri heftingu. Norðurlöndum og viðkomandi alþjóðastofnun-
um ber að viðurkenna það.
2. gr. Heilabilun veldur skerðingu á vitrænni og líkamlegri getu.
Norðurlöndunum ber að móta sameiginlega framkvæmdaáætlun til
þess að tryggja þeim sem eiga við starfræna hömlun að stríða góð
lffsskilyrði með tilliti til líkamlegrar, andlegrar, félagslegrar og
samfélagslegrar velferðar.
3. gr. Minnissjúkdómar er heilabilun sem útheimtir tímanleg úrræði
og rétta greiningu og meðferð.
4. gr. Brotalamir finnast í menntunarmálum starfsfólks sem annast
minnissjúka. Brýnt er að koma á fót áætlun og stefnumótun um
menntun allra heilbrigðisstétta og annarra sem annast minnissjúka.
5. gr. Aðhlynning heilabilaðra útheimtir sérmenntað starfsfólk og
nægilega mönnun til að tryggja sjúklingum faglega og góða
umönnun.
6. gr. Brýnt er að aðstandendur minnissjúkra fái stuðning og aðstoð í
sínum erfiðu aðstæðum.
7. gr. Ný og virkari lyf stuðla að hagnýtingu fyrir samfélagið. Ekki
má hindra dreifingu slíkra lyfja vegna skammtímasjónarmiða um
sparnað. Heilabilaðir verða að hafa möguleika á að afla slíkra lyfja.
8. gr. Bæta ber fræðslu um minnissjúkdóma.
9. gr. Norðurlöndunum ber að leggja fram aukið fjármagn til rannsókna
á meðferð, umönnun og orsökum heilabilunar.
10. gr. Styrkja ber réttarstöðu minnissjúkra og aðstandenda þeirra.
Um leið og þessu er á framfæri komið þá stendur skammstöfunin FAAS
nú fyrir: Félag áhugafólks og aðstandenda Alzheimersjúklinga og annarra
minnissjúkra.
H.S.
FRÉTTABRÉF ÖRYRKJABANDALAGSINS
45