Íþróttablaðið - 01.06.1986, Side 20

íslandsmótið 1986
VÍÐIRGARÐI — ANNAÐ
ÆVINTÝRI?
ÍBV - ERFITT SUMAR?
Líklega verður róðurinn erfiður fyrir Víðismenn í
sumar — en hann átti reyndar líka að vera það í
fyrra. Liðið sýndi þá ótrúlegan karakter og bjargaði
sér frá falli í síðasta leik. Keflvíkingarnir þrír sem léku
með liðinu í fyrra hafa yfirgefið Garðinn og gera hann
líkast til frægan á öðrum vígstöðvum. Víðir hefur þó
fengið góðan liðsstyrk í Siglfirðingnum Mark Duf-
field og Helga Bentssyni. Báðir tveir rómaðir baráttu-
jaxlar.
Kjartan Másson gerir sér líklega ekki vonir um sig-
ur í l.deild heldur hlýtur markmiðið hjá honum að
vera að halda sætinu í deildinni. Það að 1000 manna
byggð skuli eiga lið í l.deild er út af fyrir sig mikið
afrek en sú staðreynd sýnir að hægt er að ná árangri
með samstilltu átaki. Fyrir 4 árum lék liðið í 3.deild
en Víðismenn hafa líkast til ekki áhuga á að leika þar
aftur eftir að hafa kynnst hvernig það er að leika „al-
vöru“ fótbolta. Strákarnir í Garðinum unnu stríðið í
fyrra — en frekari barátta er framundan sem gæti
reynst þeim erfið.
ÞJÁLFARI: Kjartan Másson
NÝIR LEIKMENN: Mark Duffield (KS) Helgi Bents-
son (ÍBK) Þór Þorkelsson (Reyni)
FARNIR SÍÐAN 1985: Rúnar Georgsson (ÍBK) Einar
Ásbjörn Ólafsson (ÍBK) Gísli Eyjólfsson (erlendis)
Sævar Júlíusson (UMFN)
Vestmannaeyingar eru á ný komnir í l.deild eftir
stutta dvöl á neðri vígstöðvum. Margir reynslumiklir
jaxlar hafa lagt skóna á hilluna og Tómas Pálsson er
kominn til Selfoss. Liðið er því ungt og ómótað og
gæti átt erfitt sumar fyrir höndum. Þeirra akkur er þó
heimavöllurinn sem hefur reynst utanaðkomandi lið-
um erfiður í gegnum tíðina. Pólverjinn Gregorsz
Bieletovicz er þjálfari liðsins og vænta Eyjamenn
mikils af honum. Hlynur Stefánsson sóknarmaðurinn
snjalli er farinn til Noregs en Karl Sveinsson leikur
með Eyjamönnum að nýju eftir dvöl erlendis.
Aðstaða til knattspyrnuiðkana er mjög góð í Vest-
mannaeyjum því þar eru þrír góðir knattspyrnuvellir
og nýtt íþróttahús. Áhugi fólks er einnig mikill og er
vonandi ekki langt að bíða þar til ÍBV verður
topplið að nýju. Aðeins einu sinni hefur liðið orðið
íslandsmeistari — árið 1979. Markmið þjálfara og
leikmanna hlýtur þó að vera að halda sér í deildinni.
ÞJÁLFARI: Gregorsz Bieletovics.
NÝIR LEIKMENN: Lúðvík Bergvinsson (ÍA) Karl
Sveinsson (var erlendis)
FARNIR SÍÐAN 1985: Hlynur Stefánsson (Noregi)
Tómas Pálsson (Selfossi)
20