Íþróttablaðið - 01.06.1986, Qupperneq 44

Mexíkó ’86
SOVÉTRÍKIN
Kraftur Sovétmanna er eins greinilegur á vettvangi knattspyrnunnar
og hann er í stjórnmálum þar í landi. Enginn efast um trúmennsku og
hæfileika bestu knattspyrnumanna Sovétríkjanna. Það sem kemur
helst á óvart er hversu sjaldan landsliðið nær toppárangri. Þess besti
árangur er 4.sætið í úrslitum HM 1966 — þegar Eduard Malofeyev
þjálfari þeirra í dag lék með. í Mexíkó 1970 komst liðið í 8 liða úrslit en
tapaði þar 0:1 fyrir Uruguay. Síðast komst liðið í úrslit á Spáni en
árangur þar var ekki mikilisverður. Knattspyrna í Sovétríkjunum hefur
breyst mikið á síðasta áratug. Þar til fyrir 10 árum einokuðu lið frá
Moskvu deildarkeppnina en nú blanda fleiri lið sér í baráttuna. Sovét-
ríkin hafa lengi beðið eftir árangri á heimsmælikvarða og hver veit
nema stundin sé runnin upp.
UNGVERJALAND
Hvert einasta landslið sem Ungverjaland hefur stillt upp — hversu
gott sem það hefur verið á við það vandamál að stríða að vera líkt við
hið frábæra landslið fjórða áratugarins með Ference Puskas í broddi
fylkingar. Þjálfari liðsins í dag gerir ekki kröfur um að liðið leiki eins
vel og gullaldarliðið en hann trúir statt og stöðugt að Ungveijaland
geti vakið athygli í Mexíkó. Heimsmeistarakeppnin hefur ekki farið
blíðum höndum um Ungverjaland síðustu 20 árin. Síðast komst liðið í
lokakeppnina 1966 — en þá tapaði liðið fyrir Sovétríkjunum í 8 liða
úrslitum. Nú þegar landsliðið á afturkvæmt eru Sovétmenn meðal
þeirra fyrstu andstæðinga. Ungverjaland var fyrsta liðið fyrir utan Ítalíu
— að sjálfsögðu til að tryggja sér sæti í úrslitakeppninni. Liðið tapaði
aðeins einum leik í undankeppninni — fyrir Hollandi 0:1 en það var
eftir að þeir höfðu sigrað í riðlinum. En dagar gullaldartímans eru
langt að baki og tími til kominn að klóra aðeins í bakkann.
BÚLGARÍA
Búlgaría tekur í ár þátt í úrslitakeppninni í fyrsta skipti síðan 1974.
Landsliðið hefur aldrei verið nálægt því að vinna heimsmeistaratitilinn
eða Evrópukeppni landsliða en samt hafa margir frægir knattspyrnu-
menn komið frá Búlgaríu. Vutzov þjálfari liðsins er vongóður um að
leikmenn liðsins svo sem Bozhidar Iskrenov og Gergi Dimitrov komi til
með að standast samanburð snillinga annarra landsliða þegar á reynir.
Án efa verður mikil pressa á leikmönnum liðsins því eins og öllum er
kunnugt leikur liðið opnunarleik keppninnar gegn núverandi meistur-
um frá Ítalíu. Þrátt fyrir sigur Búlgaríu yfir Evrópumeisturum Frakk-
lands í undankeppninni má búast við að landsliðið verði ráðgáta í
Mexíkó.
KANADA
Kanada er ein þriggja þjóða sem tekur í fyrsta skipti þátt í úrslita-
keppni HM — hinar þjóðirnar eru Danmörk og írak. Framfarir þeirra
koma þó engum á óvart eftir góðan árangur á síðustu Ólympíuleikum.
Þar komst Kanada í undanúrslit en liðið tapaði fyrir Brasilíu eftir víta-
spyrnukeppni. Kanada tryggði sér þátttökurétt í úrslitakeppninni með
sigri yfir Honduras 2:1 í síðasta leik undankeppninnar. Nýliðinn Carl
Valentine sem reyndar er fæddur í Manchester skoraði sigurmark leiks-
ins. Meginhluti landsliðsmannanna er fæddur í Kanada og hafa þeir
mikinn metnað og stolt til að standa sig vel í Mexíkó því eins og allir
vita hefur knattspyrna átt fremur erfitt uppdráttar í Norður-Ameríku.
Enginn deildarkeppni var í Kanada þegar liðið sigraði í undankeppni
HM og sýnir það ákveðinn karakter. Landsliðsþjálfarinn Toni Waiters á
þó erfitt verk fyrir höndum því liðið er að sjálfsögðu meðal minni spá-
manna í Mexíkó.
44