Íþróttablaðið - 01.06.1986, Page 50

Gagnrýni
íþróttablaðið leitaði til Guðna Kjart-
anssonar þjálfara íslenska landsliðsins
í knattspyrnu skipað leikmönnum 21
árs og yngri og bað hann að segja álit
sitt á nokkrum framtíðarleikmönnum
landsins. Eftirfarandi leikmenn hafa
allir leikið nokkra A-landsleiki.
ANDRIMARTEINSSON VÍKINGI
„Mjög leikinn og útsjónarsamur leik-
maður - auk þess góður skotmaður.
Vantar sjálfsaga til að verða toppleik-
maður. Hann verður að gera sér grein
fyrir því að oftast þarf að fórna miklu
til að ná toppárangri í knattspyrnu".
GUÐNI BERGSVAL
„Sterkur og útsjónarsamur leikmaður
sem les leikinn vel og er rólegur undir
pressu. Þyrfti e.t.v. að auka snerpu á
fyrstu metrunum. Getur lagt sig betur
fram við æfingar. Til þess að Guðni
verði toppleikmaður þarf hann að hafa
meiri sjálfsaga innan vallar og sérstak-
lega utan vallar“.
HALLDÓR ÁSKELSSON ÞÓR
„Teknískur framherji sem vinnur vel
fyrir liðið í vörn og sókn. Ég tel að
hann þurfi að tímasetja hlaup sín inn í
vítateiginn. Góður framherji þarf að
vera eigingjarn þar af leiðandi þarf
Halldór að auka sjálfstraustið svo hann
þori að minnsta kosti að taka víti!“.
ÓLAFUR ÞÓRÐARSON ÍA
„Duglegur og metnaðarfullur leikmað-
ur sem sættir sig aldrei við tap. Rétti-
lega telur hann sig aldrei vera minni
mann en mótherjarnir þótt málbandið
segi annað. Þyrfti að æfa sig í að reyna
að breyta hraða leiks þegar við á. Einn-
ig verður hann að laga skapið svo það
komi ekki niður á leik hans. Mætti æfa
tækni og mýkt“.
LOFTUR ÓLAFSSON KR
„Hann hefur gott keppnisskap sem
smitar vel út frá sér. Hann er sterkur
varnarskallamaður og tekur vel tilsögn
og leggur sig fram til að verða betri -
eins og hinir gera reyndar líka. Vantar
meiri tækni og snerpu. Missir of auð-
veldlegajafnvægi þegar mótherji leikur
með knöttinn að honum. Hann þarf að
þjálfa sig í að reyna að vera búinn að
taka ákvörðun áður en hann fær knött-
inn. Vantar skallatækni upp við mark
andstæðinganna".
50