Íþróttablaðið - 01.10.1991, Page 66

ENGAN BIKAR í
VESTURBÆNUM, TAKK!
LEIKMENN Gróttu, sem eru nánast
allir uppaldir KR-ingar, urðu mjög sárir
þegar knattspyrnudeild KR synjaði KSÍ
um leyfi til þess að fá að afhenda
Gróttu bikarinn fyrir sigur í 4. deild í
leikhléi leiks KR og Fram í Samskipa-
deildinni, KSÍ hélt að það yrði ekkert
tiltökumál því margir leikmanna
Gróttu léku fyrir KR til margra ára og
má því segja að um vinafélög sé að
ræða. Nægir þar að nefna Sæbjörn
Guðmundsson, þjálfara KR, og Erling
Aðalsteinsson, markahæsta leikmann
allra deilda. Rök stjórnar KR voru þau
að afhending bikarsins myndi trufla
leikmenn KR og Fram. Leikmenn
Gróttu áttu erfitt með að sætta sig við
þetta og skildu ekki hvernig afhending-
in gæti truflað leikmenn þar sem þeir
væru að sötra te í búningsklefunum á
meðan hún færi fram. Leitað var til
Breiðabliks um að fá að afhenda Gróttu
bikarinn í leik Breiðabliks og Vals og
var það vitanlega samþykkt án um-
hugsunar. Leikmenn Gróttu hugsa ekki
hlýtt til sumra stjórnarmanna KR þessa
dagana en sagan segir að stjórnar-
mennirnir hafi ekki viljað að annað fé-
lag en KR fengi afhentan bikar á KR-
vellinum.
SANNGJÖRN SKIPTI
GRÓTTA lék tvo heimaleiki sína í
úrslitakeppni 4. deildar á KR-vellinum
en það fengu þeir eftir að búið var að
semja við Vesturbæjarrisann. í stað
þessara tveggja heimaleikja fékk KR
leyfi hjá Gróttu til þess að allir heima-
leikir meistaraflokks KR í körfubolta
færu fram í íþróttahúsinu á Seltjarnar-
nesi. Sanngjörn skipti?
Þótt Sæbjörn Guðmundsson (t.h)
hafi leikið með KR um langt árabil
fékk hann ekki að taka við sigurlaun-
unum í 4. deild á KR-vellinum.
BESTIÁRANGURINN??
Þótt VALSLIÐIÐ í knattspyrnu hafi
valdið töluverðum vonbrigðum í sum-
ar, þegar á heildina er litið, er ekki
hægt að líta fram hjá þeirri staðreynd
að liðið er með bestan heildarárangur
allra liða í deildinni. Liðið lék til úrslita
um Reykjavíkurmeistaratitilinn, sigr-
aði í Meistarakeppninni, sigraði í
Mjólkurbikarkeppninni og varð í 4.
sæti í Samskipadeildinni en samt eru
margir óánægðir. Þess má til gamans
geta að Valur hefur aldrei hafnað neðar
en í 5. sæti í 1. deild, frá upphafi.
LANDSLIÐS-
FYRIRLIÐINN
FÉKK EKKERT
STIG
Athygli vekur að Atli Eð-
valdsson, fyrirliði íslenska
landsliðsins í knattspyrnu og
einn markahæsti leikmaður
Samskipadeildarinnar, skuli
ekki fá eitt einasta atkvæði frá
þjálfurum liðanna í lið ársins.
Atli fékk heldur ekkert stig í
fyrra og gefur það til kynna að
íslenskum þjálfurum finnist
lítið til Atla koma. Þá vekur
það líka athygli að önnur
„gömul brýni" í KR fá heldur
ekki stig í kjörinu. Þetta eru
þeir Pétur Pétursson og Ragn-
arMargeirsson. Ragnarátti eitt
sitt besta keppnistímabil með
KR í fyrra en hefur ekki náð að
sýna sömu snilli ísumar. Pétur
átti við meiðsli að stríða fram-
an af mótinu og meiddist síð-
an að nýju í næstsíðasta leik í
deildinnni. Það er spurning
hvort þessir þrír leikmenn séu
að brenna út eða hvort þajlfar-
ar í 1. deild hafi yfirleitt ekkert
álit á þeim.
Bifreiðaeigendur
BÍLAÞVOTTUR — BÓN
Vitið þið að hjá okkur tekur
aðeins 15-20 mín. að fá
bílinn þveginn og bónaðan.
Hægt er að fá bílinn ein-
göngu handþveginn.
Komið reglulega.
Ekki þarf að panta tíma, þar
sem við erum með
færibandakerfi.
Ódýr og góð þjónusta.
BÓN- OG ÞVOTTASTÖÐIN HF.
Sigtúni 3, sími 14820
66