Íþróttablaðið - 01.10.1991, Side 67
Freyr Sverrisson, fyrrum leikmaður
ÍBK, þjálfaði og lék með Hetti frá
Egilsstöðum sl. sumar. Hann stefnir
örugglega á sæti í 3. sæti á næsta ári.
AUSTFIRÐINGAR í 1.
DEILD
Þótt AUSTFIRÐINGAR hafi aldrei
getað státað sig af því að eiga lið í 1.
deild í knattspyrnu karla hafa margir
leikmenn af Austfjörðum leikið í 1.
deild. Mönnum fyrir austan taldist til
að rúmlega 20 strákar, sem hafa alist
upp á Austurlandi og leikið í 3. og 4.
deild, hafi leikið með liðum í 1. deild.
Það er því spurning hvort þessir, sem
eru enn að, sameinist ekki og rífi eitt-
hvert lið upp fyrir austan. Austfirðingar
eiga ekki heldur lið í 2. deild en Þróttur
frá Neskaupstað heldur uppi heiðri
Austfirðinga í 3. deiid. Höttur á Egils-
stöðum var aðeins marki frá því að
komast upp í 3. deild en liðið hefði
þurft að gera jafntefii við Ægi í síðasta
leik liðsins í úrslitakeppninni til þess að
komast upp um deild.
Reyndar eru það stúlkurnar sem slá
strákunum heldur betur við því næsta
sumar leika tvö lið frá Austurlandi í 1.
deild kvenna. Þróttur frá Neskaupstað
hélt sæti sínu í deildinni og stúlkurnar í
Hetti á Egilsstöðum unnu sig upp í 1.
deild í sumar. Strákar! Ætlið þið að láta
þetta viðgangast?
M-EINKUNNAGJÖFIN
Það verður að segjast eins og er að
M-EINKUNNAGJÖF Morgunblaðsins
fær slæma útreið hjá leikmönnum í 1.
deild ef marka má svör þeirra í skoð-
anakönnun ÍÞRÓTTABLAÐSINS. Lang-
flestir segja að M-einkunnagjöfin gefi
sjaldan rétta mynd af frammistöðu
leikmanna. Er við öðru að búast ef
marka má einkunnagjafir tii leikmanna
eftir suma leiki sumarsins? Til að
mynda fékk ekki einn einasti leikmaður
M í sigri FH á Stjörnunni í júní síðast-
liðnum. Það þykir næsta ótrúlegt að
enginn þeirra 22 leikmanna sem hófu
leikinn hafi sýnt einhverja tilburði.
íþróttafréttamaðurinn hlýtur að hafa
verið mjög illa fyrirkallaður. Það er vfst
annað hvort í ökkla eða eyra, í þessu
eins og öðru, því eftir að KR hafði tap-
aði 0:2 fyrir FH í Hafnarfirði fékk hver
einasti leikmaður KR eitt M eða fleiri
fyrir góða frammistöðu í leiknum. Er
það furða að leikmönnum skuli finnast
lítið til þessa koma!
BANNAÐ AÐ FAGNA
SIGRI!
Nokkrum dögum eftir seinni ÚR-
SLITALEIK VALS OG FH í Mjólkurbikar-
keppninni fékk formaður Vals upp-
hringingu frá vallarstarfsmanni Laug-
ardalsvallarins sem óskaði eftir því að
formaðurinn kæmi niður í Laugardal
hið snarasta. Formaðurinn hélt að
Valsmenn hefðu eyðilagt búningsklef-
ann eða gert eitthvað hroðalegt af sér
og hélt því í snarhasti á fund starfs-
mannsins. Sá tók á móti formanninum
alvarlegur á svip og sagði að svona
umgengni væri Val ekki til fyrirmyndar.
Búningsklefanum hafði verið læst eftir
leikinn og öllum starfsmönnum sagt að
hann yrði ekki þrifinn fyrr en formaður
Vals væri búinn að kíkja á aðstæður.
Þegar dyrnar voru opnaðar sá formað-
urinn ekkert athugavert við klefann
annað en gras undan skóm á gólfinu og
nokkur sjúkrateip sem fylgja öllum
knattspyrnumönnum. Veggirnir voru
skítugir eins og gengur og gerist og því
ekkert athugavert við klefann að mati
formannsins. „Finnst þér þetta hægt?“
spurði vallarstarfsmaðurinn loksins.
„Sérðu kampavínssletturnar í loftinu?"
ÓLIERFIÐASTUR
Norskur dómari, sem dæmdi
á Norðurlandamóti drengja-
landsliða í knattspyrnu sem fór
fram í Vestmannaeyjum í sum-
ar, var spurður álits á ÓLAFI
ÞÓRÐARSYNI. Dómarinn, sem
dæmir í norsku 1. deildinni,
kannaðist heldur betur við Ólaf
og sagði að það væri samdóma
álit dómara í Noregi að hann
væri erfiðasti leikmaðurinn í
deildinni. Hann sagði að ÓIi
væri svo fastur fyrir, harður og
grófur að dómarar ættu alltaf í
mestu vandræðum með hann.
Ólafur er því ekkert lamb að
leika við.
ALBERT Á HEIMLEIÐ
ALBERT GUÐMUNDSSON, fyrrum
leikmaður með Val í knattspyrnu og
fyrrum atvinnumaður í Bandaríkjun-
um, er mikið að velta því fyrir sér að
koma heim næsta sumar og taka að sér
þjálfun ef honum stendur það til boða.
Albert hefur þjálfað lið í neðri deildum
Svíþjóðar með miklum ágætum í nokk-
ur ár en hann hefur fullan hug á því að
reyna fyrir sér á íslandi.
Albert Guðmundsson.
67