Morgunblaðið - 25.01.2020, Blaðsíða 4

4
MORGUNBLAÐIÐ LAUGARDAGUR 25. JANÚAR 2020
Höskuldur Daði Magnússon
hdm@mbl.is
„Við hjá Isavia fylgjumst vel með þró-
un mála í tengslum við kóróna-
veiruna. Við erum í góðu sambandi
við embætti sóttvarnalæknis og fáum
upplýsingar um málið beint þaðan.
Við höfum fylgst
með nýjustu frétt-
um af gruni um
smit í Finnlandi
en á þessari
stundu hefur ekki
þótt ástæða til að
virkja sérstakan
viðbúnað vegna
þessa. Komi til
þess þá er sérstök
viðbragðsáætlun
vegna sóttvarna á
Keflavíkurflugvelli til staðar og unnið
yrði eftir henni,“ segir Guðjón Helga-
son, upplýsingafulltrúi Isavia.
Útbreiðsla kórónaveirunnar svo-
kölluðu heldur áfram og sóttvarna-
yfirvöld hér á landi eru „á tánum“
eins og aðstoðarmaður landlæknis
orðaði það í samtali við mbl.is í gær.
Eftir fundarhöld í gær var kynnt að
Þórólfur Guðnason sóttvarnalæknir
hefði í samvinnu við almannavarna-
deild ríkislögreglustjóra hafið vinnu í
samræmi við fyrirliggjandi við-
bragðsáætlanir um alvarlega smit-
sjúkdóma, CBRNE, og viðbragðs-
áætlanir um sóttvarnir á alþjóða-
flugvöllum. Ferðamálastofa verður
embætti landlæknis innan handar við
að koma upplýsingum um veiruna og
aðgerðum gegn henni til erlendra
ferðamanna á Íslandi.
Ásdís Ýr Pétursdóttir, upplýsinga-
fulltrúi Icelandair, segir að flugfélag-
ið fylgi leiðbeiningum landlæknis. „Þá
erum við einnig í nánu samstarfi við
Medaire sem er alþjóðleg læknaþjón-
usta sem sérhæfir sig í lækningum og
forvörnum um borð. Á þessu stigi er-
um við að leggja áherslu á upplýs-
ingagjöf og aukna vöktun. Viðbragð-
sáætlanir hafa hins vegar ekki verið
virkjaðar að svo stöddu samkvæmt
leiðbeiningum landlæknisembættis-
ins.“
Árangurslítið að mæla hita
Í samantekt á heimasíðu Embættis
landlæknis segir að viðbrögð við
kórónaveirunni hér á landi séu í
fyrsta lagi aðgerðir á Keflavíkurflug-
velli til að greina sýkta og hugsanlega
smitaða einstaklinga og koma þannig
í veg fyrir frekari útbreiðslu hér á
landi.
Segir þar að farþegar sem koma til
landsins muni fá skilaboð þess eðlis að
ef þeir eru með merki um öndunar-
færasýkingu og hafa verið í borginni
Wuhan í Kína undanfarnar tvær vik-
ur, eða hafi verið í samgangi við ein-
staklinga með grunaða eða staðfesta
sýkingu, þá þurfi að gera á þeim
læknisfræðilegt mat á Keflavíkur-
flugvelli. „Framhald aðgerða ræðst af
læknisfræðilegu mati en einangrun
mun koma til greina,“ segir á heima-
síðu landlæknis. Ennfremur að fólk
sem fellur undir ofangreinda skil-
greiningu sé beðið að gefa sig fram,
jafnvel þótt það sé einkennalaust. Það
geti vænst þess að verða sett í sóttkví.
Sóttvarnayfirvöld á Íslandi telja
ekki ástæðu til að hitamæla alla far-
þega eða leggja fyrir þá spurninga-
lista á Keflavíkurflugvelli. Slíkar að-
gerðir hafi reynst bæði kostnaðar-
samar og árangurslitlar að mati
yfirvalda.
Í öðru lagi segir að allar heilbrigð-
isstofnanir á landinu hafi verið upp-
lýstar um hina nýju veiru. Þær hafi
verið hvattar til að uppfæra sínar við-
bragðsáætlanir og undirbúa viðbrögð
og einangrunaraðstöðu.
Gætu þurft að setja fólk í einangrun
 Heilbrigðisyfir-
völd og stjórn-
endur í ferðaþjón-
ustu bregðast við
kórónaveirunni
AFP
Kína Heilbrigðisstarfsmenn í borginni Wuhan í Kína klæðast hlífðarfatnaði til að verjast sjálfir smiti af völdum kórónaveirunnar sem breiðist hratt út.
Kórónaveira
Heimild: WHO/CDC/Kínversk stjórnvöld
Stór fjölskylda veira sem valda ýmsum sjúkdómum, allt frá
kvefi til alvarlegri sjúkdóma á borð við MERS-CoV og SARS
Hundruð tilfella hafa
greinst í Kína og á
þriðja tug hefur látist.
Tilfelli hafa m.a. greinst
í Japan, Taílandi, Kóreu,
Bandaríkjunum, Skot-
landi og Finnlandi
Upphaf smitsins rakið
til fisk- og dýramark-
aðar í Wuhan. Staðfest
að veiran hefur borist
á milli manna
Nýtt afbrigði
Mið-Austurlönd
Öndunarfærasýking
(MERS-CoV)
Heilkenni alvarlegrar
bráðrar lungnabó
(SARS-CoV)
Fyrst greind í
Sádi-Arabíu
árið 2012
Talin upprunnin í
leðurblökum, barst
í kattardýr og í
menn
Greint árið 2003.
Menn smituðust
fyrst í Kína 2002
Barst frá drómedörum
í kameldýr og í menn
Nýlegir faraldrar
Yfir 800 hafa látist
í Mið-Austurlöndum
Nærri 650 létust
í Kína/Hong Kong
2002-2003
desember 2019
í Wuhan í Kína
lgu
Greindist fyrst í lok
2019 ný
kórónaveira
(2019-nCoV)
svipað SARS
Nýtt afbrigði í Kína
Þórólfur
Guðnason
Morgunblaðið/Árni Sæberg
Reykjavík Þessi ferðamaður skoðaði sig um við Sólfarið í gær, við öllu búinn.
Staðfest hefur verið að 897 hafa
sýkst af kórónaveirunni og 26 lát-
ist í Kína af hennar völdum. Smit
hafa verið staðfest víða um Asíu
og í Bandaríkjunum. Þá hafa bor-
ist óstaðfestar fréttir um smit í
nokkrum Evrópulöndum, þ.á m.
Skotlandi og Finnlandi. „Þrátt
fyrir upplýsingar um aukna út-
breiðslu hinnar nýju veiru þá eru
ekki vísbendingar um að hún sé
hættulegri en áður hefur verið
talið,“ segir í umfjöllun um þetta
á heimasíðu landlæknis. María
Mjöll Jónsdóttir, deildarstjóri
upplýsingadeildar utanríkis-
ráðuneytisins, segir að borg-
araþjónustu utanríkisráðuneyt-
isins hafi ekki borist beiðnir um
aðstoð eða ráðgjöf vegna hugs-
anlegs smits af völdum veir-
unnar. Hún segir að utanrík-
isráðuneytið gefi að öllu jöfnu
ekki út ferðaviðvaranir en vísað
er til ferðaviðvarana nágranna-
ríkja sem finna má á vef Stjórn-
arráðsins. hdm@mbl.is
Kórónaveiran breiðist út
 Engar beiðnir
um aðstoð borist
frá Íslendingum
Kína
830
Taíland
4 Singapúr
4
Víetnam
2
Lappland í Finnlandi*
2
Japan
2
Suður-Kórea
2
Taivan
1
Bandaríkin
1
að morgni 24. janúar
Kórónaveiran breiðist út