Morgunblaðið - 25.01.2020, Blaðsíða 23

Stjórnvöld í Kína tilkynntu í gær að
þau hefðu sett þrettán borgir í sóttkví
í von um að þannig mætti takast að
hemja kórónaveirufaraldurinn. 26
manns eru nú sagðir látnir af völdum
lungnabólgunnar sem veiran veldur.
Sóttkví stjórnvalda nær yfir svæði
þar sem 41 milljón manna býr, en vit-
að er um meira en 800 staðfest tilfelli
í Kína.
Heilbrigðisyfirvöld í Bandaríkjun-
um tilkynntu í gær að kona á sjötugs-
aldri hefði greinst með lungnabólg-
una í Chicago-borg, en ástand hennar
er sagt stöðugt. Þá væru 50 önnur til-
felli til rannsóknar vestanhafs.
Faraldurinn hefur haft mikil áhrif
á kínverskt samfélag, en fresta þurfti
hátíðarhöldum vegna kínverska ný-
ársins í gær. Þá hyggjast Kínverjar
reisa nýtt sjúkrahús í borginni Wuh-
an, þar sem veikin blossaði fyrst upp,
innan næstu tíu daga til þess að mæta
þörfinni fyrir meira sjúkrarými
vegna veirunnar.
Þrettán
borgir í
sóttkví
 Annað tilfelli grein-
ist í Bandaríkjunum
FRÉTTIR 23Erlent
MORGUNBLAÐIÐ LAUGARDAGUR 25. JANÚAR 2020
Stefán Gunnar Sveinsson
sgs@mbl.is
Sex létust í gær og tveir særðust í
skotárás í bænum Rot am See í suð-
vesturhluta Þýskalands. Árásar-
maðurinn var handtekinn skömmu
eftir árásina, en hann var skyldur
öllum fórnarlömbunum, samkvæmt
upplýsingum frá lögreglunni í borg-
inni Aalen, sem fer með rannsókn
málsins. Maðurinn var einn að verki.
Skothríðin hófst stuttu fyrir há-
degi að íslenskum tíma á veitinga-
stað í bænum og sendi lögreglan
mikinn mannafla á vettvang. Var
svæðið lokað af í kjölfarið á meðan
vettvangsrannsóknir fóru fram.
Bæði fórnarlömbin sem særðust eru
enn á sjúkrahúsi og er annað þeirra
enn í lífshættu að sögn lögreglunn-
ar.
Á blaðamannafundi lögreglunnar
kom fram að maðurinn er 26 ára og
íbúi í Rot am See. Hann var með
byssuleyfi og var 9 mm hálfsjálfvirk
skammbyssa skráð á nafn hans, og
mun hún hafa verið notuð í skot-
árásinni. Foreldrar mannsins voru á
meðal þeirra sem létust.
Reiner Möller, lögreglustjórinn í
Aalen, sagði við fjölmiðla í gær að
árásarmaðurinn hefði sjálfur hringt
í lögregluna og tilkynnt eigin glæp.
Var hann handtekinn fyrir utan
heimili sitt skammt frá vettvangi
morðanna.
Ekki er vitað um ástæður árás-
arinnar, en svo virðist sem fjölskyld-
an hafi ákveðið að hittast á nokkurs
konar ættarmóti í bænum. Sá grun-
aði er nú í haldi lögreglunnar en
hann hafði ekki tjáð sig um ástæður
árásarinnar þegar Möller ræddi við
fjölmiðla í gær.
Myrti báða foreldra sína
 Sex létust og tveir særðust í skotárás í bænum Rot am See í Þýskalandi
AFP
Skotárás Vettvangurinn var lok-
aður af eftir skotárásina í gær.
Sænski umhverfissinninn Greta Thunberg tók þátt í
mótmælum unga fólksins gegn loftslagsbreytingum í
Davos í Sviss í gær. Hinni árlegu ráðstefnu þar um
efnahagsmál var slitið í gær, en þetta var í fimmtug-
asta sinn sem hún var haldin. Sagði Thunberg að þeir
þjóðarleiðtogar og viðskiptafrömuðir sem sóttu ráð-
stefnuna hefðu algjörlega hunsað kröfur aðgerðasinna
í loftslagsmálum um frekari aðgerðir.
AFP
Viðskiptaráðstefnunni í Davos lokið
Segir kröfur aðgerðasinna „hunsaðar“
Mateusz Mora-
wiecki, forsætis-
ráðherra Pól-
lands, gagnrýndi í
gær hæstarétt
landsins fyrir að
grafa undan rétt-
arkerfi þess, en
rétturinn úrskurð-
aði á fimmtudag-
inn að dómarar
sem skipaðir
hefðu verið af nýjum ríkisstofnunum
væru ekki óháðir og því ekki hæfir
til að fella dóma. Úrskurðurinn nær
til um 500 dómara í Póllandi.
Morawiecki hét því að hann
myndi vísa niðurstöðu hæstaréttar
til stjórnlagadómstóls Póllands, þar
sem hún hefði áhrif á tugþúsundir
dóma sem þegar hefðu fallið.
Christian Wigand, talsmaður
framkvæmdastjórnar Evrópusam-
bandsins, sagði hins vegar að fram-
kvæmdastjórnin hefði áhyggjur af
lögmæti stjórnlagadómstólsins og
hæfi hans til að fara yfir mál tengd
stjórnarskrá Póllands, en fram-
kvæmdastjórnin og pólsk stjórnvöld
hafa deilt um nokkurt skeið um
sjálfstæði dómstóla.
Ósáttur við niður-
stöðu hæstaréttar
Mateusz
Morawiecki
PÓLLAND
Josip Borrell, utanríkismálastjóri
Evrópusambandsins, tilkynnti í gær
að hann hefði boðið þeim ríkjum sem
enn eiga aðild að kjarnorku-
samkomulaginu við Íran til við-
ræðna í Brussel, í þeirri von að tak-
ast megi að bjarga því.
Viðræðurnar koma eftir að Evr-
ópuríkin þrjú sem standa að sam-
komulaginu, Bretland, Frakkland
og Þýskaland, vísuðu deilunni við Ír-
an til Sameinuðu þjóðanna, og eru
viðræðurnar hugsaðar sem hluti af
því sáttaferli.
Borrell sagði að hann hefði rætt
við fulltrúa allra ríkjanna, þar á
meðal Rússlands og Kína, og að allir
vildu reyna að bjarga samkomu-
laginu. Fundur ríkjanna á að fara
fram í febrúar, en náist ekki sættir
gæti deilan leitt til þess að viðskipta-
þvinganir verði aftur settar á Íran.
Boða til viðræðna
um samkomulagið
EVRÓPUSAMBANDIÐ
Að minnsta kosti tveir létust
snemma í gærmorgun þegar mikil
sprenging varð í verksmiðju í borg-
inni Houston í Texas-ríki. Spreng-
ingin var feiknaöflug og heyrðist um
mestalla borgina.
Verksmiðjan sjálf og nálæg hús
urðu fyrir miklum skemmdum, og
brotnuðu rúður í nágrenninu og
hurðir fuku upp. Þá hrundu loft og
veggir í mörgum húsum sem urðu
fyrir kraftinum úr sprengingunni, en
öryggismyndavélar sýna að mikill
eldhnöttur hafi myndast þegar
sprengingin varð. Þurfti slökkvilið
borgarinnar að reyna að ráða niður-
lögum elds í rústum verksmiðjunnar
í nokkrar klukkustundir eftir
sprenginguna.
Lögreglan í Houston hefur hafið
rannsókn á tildrögum sprengingar-
innar og er farið með málið eins og
sakamál þar til annað kemur í ljós.
Íbúar í nágrenninu lýstu aðkom-
unni við fjölmiðla sem svo að svæðið
væri líkast vígvelli.
Tveir látnir eftir
stóra sprengingu
 Hús skemmdust víða um Houston
AFP
Sprenging Þök gáfu eftir og hrundu sums staðar eftir sprenginguna.