Morgunblaðið - 25.01.2020, Blaðsíða 48

Sinfóníuhljómsveit tónlistarskól-
anna heldur tónleika í dag kl. 16 í
Langholtskirkju. Hljómsveitin, sem
er samstarfsverkefni fjögurra tón-
listarskóla á höfuðborgarsvæðinu,
var stofnuð 2004 og hefur haldið
tónleika árlega að undangengnu
hljómsveitarnámskeiði. Í sveitinni
eru í ár 80 ungmenni á aldrinum 13
til 20 ára. Björgvin Brynjarsson
leikur einleik á saxófón.
80 ungmenni leika
í Langholtskirkju
LAUGARDAGUR 25. JANÚAR 25. DAGUR ÁRSINS 2020
5 6 9 0 9 0 0 0 0 0 9 0 0
Í lausasölu 1.150 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Guðni Valur Guðnason, kringlu-
kastari úr ÍR, er að jafna sig eftir
veikindi og meiðsli sem settu svip
sinn á síðasta keppnistímabil.
Hann ætlar að freista þess að kom-
ast í annað skipti á Ólympíuleika í
sumar en um næstu helgi keppir
hann í aukagrein sinni, kúluvarpi, á
Reykjavíkurleikunum í Laugardals-
höllinni. »41
Guðni Valur stefnir
hátt á ný eftir erfitt ár
Barítónsöngvarinn Oddur Arnþór
Jónsson og hljóðfæraleikarinn fjöl-
hæfi Bjarni Frímann Bjarnason
flytja ljóðasöngva Hugos Wolfs við
texta Eduards Mörike á hádegistón-
leikum í Hannesarholti á morgun,
sunnudag, kl. 12.15. Oddur hefur
hlotið fjölda viðurkenninga í alþjóð-
legum ljóðakeppnum og Bjarni
komið fram víða um Evrópu, bæði
sem strengja- og hljómborðsleikari.
Flytja ljóðasöngva
Hugos Wolfs
ÍÞRÓTTIR MENNING
Steinþór Guðbjartsson
steinthor@mbl.is
Veðrið hefur víða sett strik í reikn-
inginn að undanförnu en það hefur
ekki dregið úr verslun í Bjarnabúð í
Bolungarvík. „Það hefur verið skíta-
veður hjá okkur meira og minna allan
janúar, en verslunin gengur vel,“
segir Stefanía Birgisdóttir, sem
keypti reksturinn 1. janúar 1996 og
hefur verið þar til taks nánast á
hverjum degi síðan. „Ég hef opið 363
daga á ári – ekki á jóladag og nýárs-
dag – og reyni að gera mitt besta,“
segir Stefanía.
Húsið í Hafnargötu 81 hefur verið
eitt helsta kennileitið í Bolungarvík í
100 ár. Það var byggt sem verslunar-
hús 1919 og kostaði 60 þúsund. Þar
hefur alla tíð verið verslun frá 20. jan-
úar 1920. Hinar sameinuðu íslensku
verslanir voru með rekstur í húsinu
1920 til 1926, Bjarni Eiríksson rak
þar samnefnda búð 1927 til 1958,
Benedikt Bjarnason tók þá við af föð-
ur sínum og var með reksturinn þar
til Stefanía keypti af honum.
„Ég var treg til að fara að vinna í
búðinni en Benedikt plataði mig til
þess að vinna hálfan daginn og eftir
fjóra daga var ég farin að vinna allan
daginn og sjá um reksturinn,“ segir
Stefanía. „Hann var orðinn fullorðinn
og einhvern veginn æxlaðist það svo
að ég keypti af honum.“
Ekki stórt kolefnisspor
Stefanía segir að ein mesta breyt-
ingin hafi verið þegar Bolungarvíkur-
göngin voru opnuð 2010. „Þá fórum
við að fá fólk úr nágranna-
byggðarlögunum,“ segir hún. Bætir
við að áður hafi verið lítið um að fólk
færi frá öðrum stöðum í verslunar-
leiðangur til Bolungarvíkur. „Ég tel
mig vera með gott og fjölbreytt vöru-
úrval og góða þjónustu og viðskipta-
vinir kunna að meta það.“
Bjarnabúð er ekki aðeins í aldar-
gömlu nánast óbreyttu húsi, heldur
minnir búðin í mörgu á gamla tíma.
Þar má kaupa ferskar matvörur og
nýlenduvörur, leikföng og gjafa-
vörur, bækur, fatnað og garn.
„Nefndu það bara. Ég er með sitt lít-
ið af hverju og það er gott, það styður
hvað við annað. Ég vanda innkaupin
og geri hlutina eftir mínu höfði.“
Efri hæð hússins hefur verið út-
búin sem vísir að safni. „Engu hefur
verið hent og hérna eru til dæmis
gamlar bækur og peningakassar, inn-
réttingar frá fyrri tíð, sloppar með
nótubókum og pennum og fleira. Mér
finnst mikilvægt að varðveita söguna
og svo er gaman að vera með búð sem
er ekki eins og allar hinar excel-
búðirnar – allar steyptar í sama mót-
ið.“
Olgeir Hávarðarson, eiginmaður
Stefaníu, tekur þátt í rekstrinum
þegar hann er ekki á sjó. „Ég er mest
ein í búðinni en hann er hérna með
annan fótinn og aðstoðar mig,“ segir
Stefanía. Bætir við að hún taki sér
sjaldan frí en þegar það gerist hlaupi
vinir og vandamenn í skarðið. „Mér
finnst mjög gaman í vinnunni og það
er gaman að koma hingað en bind-
ingin er það eina neikvæða.“
Stefanía heldur reglulega konu-
kvöld í búðinni og hellir upp á kaffi
fyrir viðskiptavini þegar tími gefst til.
„Fólk hittist hérna og spjallar, finnst
andrúmsloftið notalegt og ég reyni að
lífga upp á tilveruna,“ segir hún og
leggur áherslu á að hún breyti helst
engu, haldi gömlum innréttingum og
láti frekar gera við en að kaupa nýtt.
„Kolefnissporið er ekki stórt í þessari
verslun.“
Venjulega eru daglegir vöruflutn-
ingar frá Reykjavík til Bolungar-
víkur en veður hamlar stundum för.
„Þetta hefur verið smá puð í janúar
en það hefur allt sloppið til,“ segir
Stefanía, sem er formaður þorra-
blótsnefndar, en árlegt þorrablót
verður í Bolungarvík í kvöld.
Opið 363 daga á ári
Ljósmyndir/Helgi Hjálmtýsson
Í Bjarnabúð Hjónin Olgeir Hávarðarson og Stefanía Birgisdóttir.
 Stefanía Birgisdóttir hefur staðið vaktina í Bjarnabúð í nær
aldarfjórðung  Verslun í sama húsi í Bolungarvík í 100 ár
Hafnargata 81 Verslunarrekstur hefur verið í húsinu í 100 ár.