Morgunblaðið - 25.01.2020, Blaðsíða 22

22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 25. JANÚAR 2020
25. janúar 2020
Gengi Kaup Sala Mið
Dollari 123.98 124.58 124.28
Sterlingspund 162.84 163.64 163.24
Kanadadalur 94.13 94.69 94.41
Dönsk króna 18.386 18.494 18.44
Norsk króna 13.791 13.873 13.832
Sænsk króna 13.043 13.119 13.081
Svissn. franki 127.92 128.64 128.28
Japanskt jen 1.1308 1.1374 1.1341
SDR 170.94 171.96 171.45
Evra 137.42 138.18 137.8
Meðalgengi/Viðskiptavog þröng 168.2614
Hrávöruverð
Gull 1554.05 ($/únsa)
Ál 1807.0 ($/tonn) LME
Hráolía 62.68 ($/fatið) Brent
Baldur Arnarson
baldura@mbl.is
Fulltrúar verkefnisins 201 Smári
hafa tekið tilboðum í 25 af 80 íbúðum
sem þeir settu á markað suður af
Smáralind um miðjan desember.
Um er að ræða fjölbýlishúsin
Sunnusmára 19-21, 23 og 25.
Síðastnefnda húsið er ætlað fyrir
60 ára og eldri.
Fasteignaþróunarfélagið Klasi
stýrir verkefninu fyrir hönd verk-
efnisins 201 Smári.
Ingvi Jónasson, framkvæmda-
stjóri Klasa, segir íbúðirnar 25 sem
selst hafa undanfarinn mánuð vera
að meðaltali 80 fermetrar og kosta
rétt rúmlega 50 milljónir króna.
Seldu alls 29 íbúðir
Jafnframt hafi 201 Smári selt fjór-
ar íbúðir í eldri húsum frá miðjum
desember, eða alls 29 íbúðir. Má því
ætla að félagið hafi selt íbúðir fyrir
um 1,5 milljarða á um mánuði.
Ingvi segir aðspurður að íbúð-
irnar hafi verið seldar á uppsettu
verði. Einn aðili hafi keypt sex íbúðir
í hverfinu en að öðru leyti hafi ekki
verið um magnkaup að ræða.
Hefur félagið nú selt 141 af 213
íbúðum sem eru tilbúnar eða í
smíðum í nýja hverfinu.
Svæðið er skilgreint sem
miðbæjarsvæði í Kópavogi en þar
verða 675 íbúðir þegar hverfið er
fullbyggt eftir þrjú til fjögur ár.
Fyrsta húsið, Sunnusmári 24-28, fór
í sölu í september 2018.
Mikil sala
íbúða við
Smáralind
 201 Smári selur
fyrir 1,5 milljarða
BAKSVIÐ
Freyr Bjarnason
Stefán E. Stefánsson
Líkurnar á því að Arion banka takist
að selja kísilverksmiðjuna í Helguvík
hafa minnkað að undanförnu.
Þetta sagði Haraldur Guðni Eiðs-
son, upplýsingafulltrúi Arion banka,
í samtali við mbl.is í gær.
Í afkomuviðvörun sem bankinn
gaf út í fyrradag kemur fram að
óvissa sé á mörkuðum með sílikon,
auk þess sem nokkrir framleiðend-
ur hafa dregið úr framleiðslu eða
lokað verksmiðjum. Ónýtt fram-
leiðslugeta er því til staðar sem get-
ur haft neikvæð áhrif á söluferli
verksmiðjunnar.
Meiri áhugi fyrr
Fyrir um ári höfðu helstu fram-
leiðendur heims lýst yfir áhuga á að
taka þátt í viðræðum um kaup á
verksmiðjunni en sá áhugi hefur
dvínað, aðallega vegna breyttra að-
stæðna á erlendum mörkuðum, að
sögn Haraldar Guðna. Bankinn hef-
ur fyrir vikið fært verðmæti eignar-
innar niður um um það bil helming
en það var áður í kringum 5,5 millj-
arðar króna.
Markmið bankans sé að búa þann-
ig um hnútana að verksmiðjan sé
söluhæf. Hann segir bankann vonast
til að selja hana til rekstraraðila sem
hefur reynslu og þekkingu af rekstri
kísilverksmiðju.
Valitor tosar afkomuna niður
Fram kemur í afkomuviðvörun-
inni að allt stefni í að Arion banki
hafi hagnast um einn milljarð á síð-
asta ári, sem er mun minna en síð-
ustu ár. Árið 2018 nam hagnaður
bankans 7,8 milljörðum króna og ár-
ið 2017 nam hann 14,4 milljörðum.
Vandamálin í kringum kísil-
verksmiðjuna og endurskipulagning
Valitors eiga mestan þátt í því. Virði
síðarnefnda félagsins hefur minnkað
gríðarlega á síðustu misserum, sam-
hliða því sem bankinn hefur haft það
í söluferli. Nýjustu vendingar eru
þær að virðisrýrnunarpróf sem gert
var á óefnislegum eignum Valitor
leiddu til þess að stjórnin taldi sig
þurfa að færa þær niður um fjóra
milljarða króna. Kemur sú niður-
færsla til viðbótar við 1,7 milljarða
króna kostnað af völdum félagsins á
síðasta fjórðungi ársins 2019 sem til
kom vegna taps og sölukostnaðar.
Gangi drög að uppgjöri bankans eftir
er ljóst að arðsemi eiginfjár bankans
mun aðeins nema um 0,5% á árinu.
„Félög sem bankinn er með í sölu-
ferli hafa dregið niður afkomu hans á
síðustu fjórðungum. Við leggjum
mikla áherslu á að auka arðsemi af
reglulegum rekstri og í því sambandi
er yfirlýst markmið bankans að ná
um 10% arðsemi,“ segir Haraldur
Guðni, sem tekur fram að rekstur
bankans á fjórða ársfjórðungi síð-
asta árs hafi verið ágætur.
Hann segir að bæði Valitor og
kísilverksmiðjan standi fyrir utan
reglulega starfsemi bankans og séu
félög til sölu.
Til að styrkja reglulega starfsemi
bankans hafi verið gerðar skipulags-
breytingar í lok september í fyrra og
stefna bankans í dag sé að draga úr
áhættu í kringum stærri lánveiting-
ar. Einnig segir hann rétt að benda á
að bankinn hafi á ári hverju skilað
hagnaði og eiginfjárhlutföll hans séu
sterk.
Í lok september síðastliðins nam
eigið fé bankans 196,1 milljarði
króna.
Gengið flöktir nokkuð
Markaðurinn brást illa við af-
komuviðvörun Arion banka þegar
markaðir voru opnaðir í gær. Í
Kauphöll Íslands nam lækkun bréfa
bankans ríflega tveimur prósentum.
Þegar líða tók á daginn rétti verðið
nokkuð úr kútnum og stóð í 0,8%
lækkun lengi vel. Þegar viðskiptum
lauk nam lækkun dagsins 1,24%.
Markaðsvirði bankans stendur nú
í 144,2 milljörðum króna. Sé miðað
við efnahagsreikning hans í lok
þriðja ársfjórðungs er markaðsvirð-
ið 73,6% af bókfærðu eigin fé hans.
Dvínandi áhugi á kísil-
verksmiðjunni í Helguvík
Morgunblaðið/Kristinn Magnússon
Arion Erfiðleikar í rekstri Valitor og sagan endalausa með kísilmálmverksmiðjuna í Helguvík draga dilk á eftir sér.
Sviptingar
» Benedikt Gíslason tók við
starfi bankastjóra í lok júní í
fyrra af Höskuldi Hrafni
Ólafssyni.
» Bankinn hefur á síðustu
misserum þurft að senda frá
sér afkomuviðvaranir vegna
dótturfélaga sinna.
» Í lok september í fyrra
sagði bankinn upp 100
starfsmönnum, eða 12%
þess hóps sem starfaði hjá
bankanum.
 Flest bendir til þess að arðsemi Arion banka verði um 0,5% á árinu 2019
Baldur Arnarson
baldura@mbl.is
Steinþór Jónsson, eigandi og fram-
kvæmdastjóri Björnsbakarís, segir
íslensk bakarí ekki geta staðið
undir þeim miklu
launahækkunum
sem orðið hafi
síðustu ár.
„Starfs-
mannakostnaður
á Íslandi er orð-
inn alltof mikill,
sérstaklega fyrir
framleiðslu-
fyrirtæki eins og
okkar,“ segir
Steinþór.
„Það er grimm samkeppni á
markaðnum. Samkeppnishæfni
fyrirtækjanna hefur hins vegar ekki
aukist að sama skapi. Við hjá bak-
aríunum eigum í samkeppni við inn-
flutning og á meðan krónan er þetta
sterk er innflutningurinn ódýr.
Við getum ekki keypt inn hráefni
á heimsmarkaðsverði, t.d. egg,
smjör og ost. Okkur er gert að
keppa við innfluttar vörur án nokk-
urra vörugjalda en er gert ókleift
að kaupa sömu hráefni nema með
háum gjöldum. Til að mynda er
gjald á kíló af innfluttu smjöri rúm-
lega 600 kr.“
Hefur ekki skilað sér
Ragnar Þór Ingólfsson, formaður
VR, hefur sagt í samtali við
Morgunblaðið að með launahækk-
unum aukist kaupgeta launþega.
Með því aukist sala fyrirtækjanna.
Þannig yrðu hærri laun allra hagur.
Spurður um þetta sjónarmið seg-
ir Steinþór að þetta hafi ekki gengið
eftir í kjölfar lífskjarasamninganna.
Salan dreifist víðar en áður.
Fleiri keppi um markaðinn, þ.m.t.
stórfyrirtækin Ikea og Costco sem
hafi náð töluverðri markaðs-
hlutdeild.
„Það er síðan dýrt að hækka laun
á Íslandi, sökum þess að launatengd
gjöld, t.d. lífeyrissjóðsgreiðslur og
tryggingagjald, eru hlutfall af laun-
um. Síðan má benda á að við búum
við 80% álag á dagvinnukaup á
nóttunni og um helgar en talsvert
af greiddu kaupi í bakaríum er ein-
mitt vegna vinnu á þeim tíma. Við
erum föst í úreltu kerfi sem hreint
og beint hvetur til yfirvinnu en í
mörgum framleiðslu- og
þjónustufyrirtækjum fer starfsemin
fram á kvöldin, nóttunni og um
helgar.“
Launin eru orðin alltof há
 Eigandi bakarís segir dæmið ekki geta gengið upp
Steinþór
Jónsson
NÁNAR Í SÍMA 585 4000 EÐA Á UU.IS
VERÐ FRÁ 122.900 KR.
ÁMANNM.V. TVO FULLORÐNA
7. - 14. FEBRÚAR
ROQUE NUBLO | KANARÍ
Í lok febrúarmánaðar 2018 var tilkynnt að fjármála- og efnahagsráðherra
hefði ákveðið að selja 13% hlut ríkissjóðs í Arion banka til Kaupskila ehf.
sem var dótturfélag Kaupþings. Fyrir hlutinn fékk ríkið 23,4 milljarða
króna. Verðmiðinn var nokkuð gagnrýndur þar sem andvirðið nam lægri
fjárhæð en sem svaraði til hlutdeildar ríkisins í eigin fé bankans.
13% hlutur í Arion banka er í dag að markaðsvirði 18,5 milljarðar
króna. Frá því að ríkissjóður seldi bankann hefur aðalfundur bankans
hins vegar tvívegis samþykkt arðgreiðslur til hluthafa, í hvort sinn að
fjárhæð 10 milljarðar króna. Hlutdeild ríkissjóðs hefði numið 2,6 millj-
örðum króna í þeim greiðslum ef hann hefði haldið í hlut sinn í bank-
anum. Gengi hlutabréfa í bankanum hafa lækkað um 6,72% á þessu ári.
Fékk 23,6 milljarða
RÍKIÐ LOSAÐI UM EIGNARHALD Í ARION BANKA 2018