Morgunblaðið - 06.02.2020, Síða 16

16 FRÉTTIRInnlent
MORGUNBLAÐIÐ FIMMTUDAGUR 6. FEBRÚAR 2020
flytur á netið
Eftir 18 ár í Smáralind
lokar búðin 27. febrúar
ÚTSALA
á góðum vörum
Verið velkomin á
drangey.is
Fylgið okkur Facebook og Instagram
Stofnsett 1934
Sigtryggur Sigtryggsson
sisi@mbl.is
Framkvæmdir við nýbyggingu Al-
þingis á Alþingisreitnum hófust í
fyrradag. Steingrímur J. Sigfússon,
forseti Alþingis, og Ragna Árnadóttir
skrifstofustjóri tóku fyrstu skóflu-
stunguna að viðstöddu fjölmenni.
Verktakafyrirtækið Urð og grjót
ehf. sér um jarðvegsvinnuna og hóf-
ust starfsmenn þess þegar handa við
verkið. Urð og grjót átti lægsta tilboð
í þann verkþátt, eða 51 milljón. Voru
það 70% af kostnaðaráætlun.
„Hér fer nú af stað mesta fram-
kvæmd á vegum Alþingis í 140 ár, þ.e.
frá því að Alþingishúsið sjálft reis á
árunum 1880-1881,“ sagði þingforset-
inn í ávarpi sínu.
„En hér mun nú rísa á næstu fjór-
um árum um 6.000 fermetra bygging
sem mun sameina á einum stað, undir
einu þaki, skrifstofur fyrir alla þing-
menn, aðstöðu fyrir þingflokka,
fundaherbergi nefnda og vinnuað-
stöðu starfsmanna þeirra, auk funda-
og ráðstefnuaðstöðu og margt fleira.
Byggingin verður tengd nær öllum
öðrum byggingum Alþingis þannig að
innangengt verður til Skála og þing-
hússins sjálfs auk húsalengjunnar
hér við Kirkjustræti.“
Kostnaðaráætlun er 4,4 milljarðar
króna að viðbættum verðbótum á
byggingartíma. Verklok eru áætluð í
febrúar 2023.
Steingrímur segir að af bygging-
unni muni leiða mikið hagræði og
sparnaður til lengri tíma litið, því
leiga á fjölmörgum stöðum í Kvosinni
á mishentugu húsnæði sé óhentugt og
dýrt úrræði. „Mest um vert er þó að
hér verða skapaðar nútímalegar og
fyrsta flokks vinnuaðstæður fyrir
þingmenn og ekki síður starfsfólk Al-
þingis.“
Hönnunarsamkeppni var haldin
árið 2016 og hlutu Arkitektar Studio
Granda fyrstu verðlaun.
Morgunblaðið/Kristinn Magnússon
Skóflustungan Steingrímur J. Sigfússon flytur ávarp við athöfnina.
Urð og grjót vinnur
fyrsta verkþáttinn
 Nýbyggingin kostar 4,4 milljarða
Stefán E. Stefánsson
ses@mbl.is
Allnokkur samdráttur varð á inn-
flutningi ferskra berja á nýliðnu ári.
Þetta kemur fram í nýjum tölum
Hagstofu Íslands. Kemur samdrátt-
urinn í kjölfar algjörra metára 2017
og 2018 þegar innflutningurinn
jókst gríðarlega. Ekki liggja fyrir
staðfestar skýringar á hinum aukna
innflutningi en það er eflaust ekki
tilviljun að sprenging varð í þessum
efnum um mitt ár 2017, rétt um
sama leyti og stórverslun Costco í
Kauptúni í Garðabæ var opnuð.
Virtist áhersla verslunarinnar á
ferska ávexti, ekki síst berjateg-
undir ýmiss konar, hafa ýtt við öðr-
um stórmörkuðum sem bæði lækk-
uðu verð og juku framboð sitt í
þessum vöruflokkum.
Jarðarberin vinsælust
Sem fyrr var langmest flutt inn
til landsins af jarðarberjum í fyrra.
Þannig skiluðu sér 741,5 tonn af
hinum fræstungnu berjum. Hins
vegar fól það í sér samdrátt frá
fyrra ári um tæp 6% en þá voru
flutt 791,6 tonn til landsins. Inn-
flutningurinn í fyrra var þó marg-
falt meiri en árið 2015 en það ár
voru einungis flutt 417 tonn til
landsins. Aukningin nam því tæpum
66% á þessu fjögurra ára tímabili.
Mestur var innflutningurinn árið
2017, sama ár og fyrrnefnd stór-
verslun var opnuð, og stóð hann þá í
tæpum 870 tonnum.
Hindber, brómber og fleira
Í tollskrárnúmerum er ekki gerð-
ur greinarmunur á nýjum hind-,
bróm-, mór-, lógan-, sól-, rifs- og
stikilsberjum. Samanlagður inn-
flutningur þessara berja var hins-
vegar tæplega 300 tonn í fyrra og
dróst saman um 37,6 tonn frá árinu
á undan. Jafngildir það ríflega 11%
samdrætti. Árið 2018 var metár í
innflutningi þessara berjategunda.
Árið 2015 nam innflutningurinn
212,7 tonnum og því nemur aukn-
ingin frá því ári til ársins í ár tæpu
41%.
Kirsuberin gefa verulega eftir
Á nýliðnu ári voru flutt inn 55,2
tonn af nýjum sætum kirsuberjum.
Er það talsvert meira en árið 2015
þegar innflutningurinn nam 30,5
tonnum. Algjör sprenging varð hins
vegar árið 2017 þegar 161,7 tonn
voru flutt inn af þeim. Annaðhvort
hafa innflytjendur misreiknað sig
herfilega það árið eða gríðarlega
hratt dregið úr neyslu berjanna því
strax árið 2018 dróst innflutning-
urinn saman og nam þá 76,7 tonn-
um. Frá 2017 hefur innflutning-
urinn dregist saman um 66%. Milli
áranna 2018 og 2019 nemur sam-
drátturinn hins vegar 28%.
Innfl utningur ferskra berja 2015-2019
Tonn
1.000
750
500
250
0
2015 2016 2017 2018 2019
Heimild: Hagstofa Íslands
300
213
742
417
870
5531
Kirsuber
Jarðarber
Hindber, brómber, mórber,
lóganber, sólber, rifsber og stikilsber
Kirsuber
28% minni innfl utn-
ingur en 2018
6% minni innfl utn-
ingur en 2018
Hindber
Rifsber
Brómber
Stikilsber
Sólber
Mórber
Lóganber
Jarðarber
Morgunblaðið/Ófeigur
Breytingar Verslunin Costco hafði áhrif á neysluhegðun landans með auknu framboði af ferskum berjum.
Berjaæðið að
renna af lands-
mönnum?
 Mestur hlutfallslegur samdráttur
í innflutningi nýrra sætra kirsuberja