Morgunblaðið - 06.02.2020, Page 18

18 FRÉTTIRInnlent
MORGUNBLAÐIÐ FIMMTUDAGUR 6. FEBRÚAR 2020
Sundaborg 7-9 | 104Reykjavík | Sími 511 4747 | www.northwear.is
Starfsmannafatnaður
Einkennisfatnaður
Höskuldur Daði Magnússon
hdm@mbl.is
„Við erum öll svo hamingjusöm hérna nú
þegar farið er að létta á fjárhagserfiðleikum
sveitarfélagsins. Tónlistarskóli er ekki
skylduverkefni sveitarfélaga og það hefði
verið auðvelt að skera þar niður þegar hart
var í ári. Auðvitað þurftum við að halda vel
um budduna en skólinn fékk samt að dafna
og það er virðingarvert.
Það ber að þakka fyrir að
þannig skuli hafa verið
tekið á málum í sveitarfé-
laginu og nú sjáum við ár-
angurinn,“ segir Haraldur
Árni Haraldsson, skóla-
stjóri Tónlistarskóla
Reykjanesbæjar.
Skólinn fagnar tuttugu
ára afmæli á þessu skóla-
ári og á þeim tímamótum
er hann orðinn stærsti tón-
listarskóli landsins með hátt í níu hundruð
nemendur. Alls eru um 410 nemendur í hefð-
bundnu námi við tónlistarskólann og um það
bil 480 í forskóla. Sú kennsla fer fram í fyrsta
og öðrum bekk grunnskólanna í sveitarfé-
laginu.
„Forskólinn er markvisst undirbúnings-
nám fyrir áframhaldandi tónlistarnám og þá
á hljóðfæri. Þau börn sem sækja um skóla-
vist í tónlistarskólanum að loknum öðrum
bekk kunna orðið heilmikið. Það hefur verið
frábært samstarf milli okkar og grunnskól-
ans um þetta fyrirkomulag,“ segir Haraldur.
Á sunnudag er einmitt árleg hljóðfærakynn-
ing fyrir nemendur sem ljúka öðrum bekk í
vor, forskóla 2, en þá geta áhugasamir nem-
endur heimsótt tónlistarskólann og fengið að
prófa flest þau hljóðfæri sem kennt er á í
skólanum, sem ýtir enn frekar undir áhug-
ann og hjálpar þeim við að gera upp hug sinn
varðandi hljóðfæranám.
Stíf afmælisdagskrá í vetur
Mikil fólksfjölgun hefur verið í Reykja-
nesbæ síðustu ár og þar búa nú um 19.500
manns. Fjölgunin hefur auðvitað skilað sér í
forskóla tónlistarskólans en að sögn Har-
aldar hefur ekki orðið umtalsverð fjölgun
nemenda í skólanum sjálfum. Það skýrist að
hans sögn til að mynda af því að ekki er
hlaupið að því að fá tónlistarkennara í dag.
„Tveir þriðju af kennarahópnum koma af
höfuðborgarsvæðinu og það er enn töluverð-
ur skortur á fólki í þessa kennslu. Því miður
hafa ekki nægilega margir lagt þetta fyrir
sig á undanförnum árum. Mér sýnist þó að
smátt og smátt sé að rætast úr því, ég horfi
með bjartari augum fram á veginn hvað þetta
varðar heldur en fyrir t.d. átta til tíu árum.“
Haraldur hóf störf við Tónlistarskóla
Njarðvíkur haustið 1982 og tók við stjórn
skólans tveimur árum síðar. Þegar Tónlist-
arskóli Reykjanesbæjar varð til árið 1999 var
hann ráðinn skólastjóri. Ýmislegt hefur verið
gert í tilefni tuttugu ára afmælis skólans og
verður áfram út skólaárið.
„Við byrjuðum á því að setja upp söngleik-
inn Fiðlarann á þakinu. Það voru þrjár vel
sóttar sýningar í Stapa og lukkaðist gríðar-
lega vel. Síðasta laugardag vorum við gítar-
sveitadag þar sem við fengum til okkar góða
gesti. Hér var mikið æft, bæði í smærri hóp-
um og saman og dagurinn endaði með glæsi-
legum tónleikum í Bergi, einum af sölum
Hljómahallar. Svo ætlum við að vera með
stóran afmælisviðburð 8. mars næstkomandi
í Stapa, Hljómahöll, sem liðlega 200 nem-
endur taka þátt í ásamt kennurum. Þar verða
sýnd stór hópaatriði og við fáum til okkar
góðan gest, þekktan tónlistarmann héðan úr
Reykjanesbæ. Í vor ætlum við síðan að halda
700 manna lúðrasveitamót, landsmót yngri
skólalúðrasveita. Þá verður allt undirlagt af
lúðrasveitarfólki í bæjarfélaginu.“
Gamlir nemendur við kennslu
Haraldur segir að það geti verið snúið að
mæla árangur af tónlistarnámi og mæli-
kvarðarnir geti verið ýmiskonar. Ekki leggja
allir nemendur í tónlistarskólum tónlistina
fyrir sig en hann segir það ekki höfuðmálið.
„Ég er stundum spurður um það hvort
eitthvað komi út úr náminu. Hvort skólinn
skili einhverju. Það er auðvitað erfitt að
mæla árangurinn og meta útkomu, en við er-
um að búa til hlustendur og njótendur og
margir spila áfram fyrir sjálfa sig og sem
áhugamenn í samspilum eftir að hafa verið
hér við nám. En ég bendi oft á að margir
kennarar við skólann voru áður nemendur
hér. Þeir luku síðan tónlistarnámi á há-
skólastigi og ákváðu að fara að vinna við
gamla tónlistarskólann sinn. Fyrrverandi
nemendur sem komu aftur heim. Þetta er
áþreifanlegur árangur ef menn vilja vera í
þannig mælingum. Við erum gríðarlega stolt
af þessu starfi.“
Orðinn stærsti tónlistarskóli landsins
 Tónlistarskóli Reykjanesbæjar fagnar 20 ára afmæli  Nemendur hátt í 900 og aldrei verið fleiri
 Skólinn hefur dafnað þrátt fyrir mögur ár í sveitarfélaginu  Fjölbreytt dagskrá í tilefni afmælis
Líflegt starf Um 900 nemendur eru í Tónlistarskóla Reykjanesbæjar og framtíðin er björt.
Haraldur Árni
Haraldsson
Gunnar Ármannsson, lögmaður
verktaka- og þjónustufyrirtækisins
VHE, segir það rangt sem fram kom
í ViðskiptaMogganum í gær að
samningi VHE
við Upphaf hafi
verið rift. Þessu
hafi verið haldið
fram í fyrirsögn
með umræddri
grein um lok sam-
starfs félaganna
vegna uppbygg-
ingar 129 íbúða á
Kársnesi.
Fréttin sem
Gunnar vísar til
byggðist á samtali við framkvæmda-
stjóra Upphafs sem staðfesti að í
janúar hefði samstarfi VHE og Upp-
hafs verið slitið. Samkomulag hefði
náðst um verklok á Hafnarbraut 12.
Ekki var fjallað um vanefndir.
Verksamningi ekki rift
Gunnar telur fyrirsögn greinar-
innar draga upp ranga mynd.
„Það að halda því fram að sam-
komulagi hafi verið rift þýðir að van-
efnd hafi verið fyrir hendi af hálfu
VHE ehf. sem hafi réttlætt það van-
efndarúrræði að verkkaupi hafi get-
að rift verksamningi. Svo var ekki.
Í fréttinni kemur fram að það hafi
tafist að afhenda fyrstu íbúðir í
Hafnarbraut 12 vegna erfiðrar stöðu
Upphafs og annarra utanaðkomandi
þátta,“ segir Gunnar.
Sammála um að fá aðra aðila
„Það er einnig rétt að geta þess að
þegar Upphaf hafði tryggt sér fjár-
magn til að klára verkefnið voru í
byrjun viðræður á milli VHE ehf. og
Upphafs um að VHE ehf. myndi
ljúka við verkefnið. Þær viðræður
þróuðust síðan þannig að aðilar voru
sammála um að rétt væri að fá nýja
aðila að verkinu til að ljúka við það.
Áfram eiga þó fyrirtækin, Upphaf og
VHE ehf. (Nesnúpur systurfélag
VHE ehf.), í samstarfi um byggingu
138 íbúða í Skarðshlíð í Hafnarfirði.
Það er beinlínis rangt að sam-
komulagi hafi verið rift. Það er röng
frásögn af atburðum og setur VHE
ehf. og starfsmenn þess í mjög nei-
kvætt ljós.“ baldura@mbl.is
Morgunblaðið/Kristinn Magnússon
Uppbygging Málið varðar uppbyggingu 129 íbúða á Hafnarbraut 12.
Samkomulagi við
VHE var ekki rift
 Lögmaður VHE gagnrýnir umfjöllun
Gunnar
Ármannsson