Morgunblaðið - 04.04.2020, Blaðsíða 6

KÓRÓNUVEIRUFARALDUR6
MORGUNBLAÐIÐ LAUGARDAGUR 4. APRÍL 2020
Sóltún 20 • Sími: 552 1400
www.fold.is • fold@fold.is
Íbúðum í öllum hverfum
Reykjavíkur til kaups eða leigu
fyrir opinberan aðila.
- Traustar greiðslur.
- Langur leigutími.
- Nánari upplýsingar á skrifstofu.
Óskum eftir
Atvinnuvega- og nýsköpunarráðuneytið
auglýsir eftir umsóknum um styrki á
málefnasviðum ferðamála-, iðnaðar- og
nýsköpunarráðherra og sjávarútvegs og
landbúnaðarráðherra.
Styrkirnir eru ætlaðir til verkefna sem efla
atvinnulíf og nýsköpun.
Umsóknarfrestur er til 27. apríl 2020.
Umsóknir berist rafrænt í gegnum
eyðublaðavef Stjórnarráðsins.
Allar nánari upplýsingar á anr.is
Styrkir til verkefna
og viðburða
Um miðjan dag í gær var búið að
ráða 116 manns af bakvarðasveit
heilbrigðisþjónustunnar til starfa á
heilbrigðisstofnunum sem ríkið rek-
ur. Þar af voru 72 hjúkrunarfræð-
ingar, 34 sjúkraliðar, fjórir lyfja-
tæknar, þrír læknar, tveir hjúkunar-
fræðinemar og einn læknanemi.
Í gær höfðu 1.033 skráð sig á lista
bakvarðasveitarinnar. Á skrá eru
einstaklingar úr 13 löggiltum heil-
brigðisstéttum sem hafa boðið fram
sína aðstoð. Hafa stéttarfélögin átt
frumkvæði og lagt málinu lið, m.a.
með því að kynna bakvarðasveitina
meðal sinna félagsmanna. Núna hafa
nemar í læknisfræði og hjúkrunar-
fræði bæst á listann, eða alls 123
læknanemar og 27 nemar í hjúkr-
unarfræði. Sumir þeirra hafa þegar
verið boðaðir til starfa, enda verk-
efnin að þyngjast í baráttunni við
kórónuveiruna.
Af skráðum stéttum í bakvarða-
sveit eru hjúkrunarfræðingar flestir,
eða 250. Þar á eftir koma 211 sjúkra-
liðar og 96 læknar. Fimm ljósmæður
hafa skráð sig, 31 tannlæknir og 31
sjúkraþjálfari, svo dæmi séu tekin.
Skráning í bakvarðasveitina hófst
í heilbrigðisráðuneytinu 11. mars sl.
Fer skráningin fram með rafrænum
hætti á vef ráðuneytisins. Fyrsta
daginn komu 110 skráningar og hef-
ur þeim fjölgað jafnt og þétt síðan.
Fyrir um viku voru 780 manns á list-
anum.
Þeir sem skrá sig á listann þurfa
m.a. að tiltaka við hvaða stofnun þeir
myndu helst vilja vinna. Er hægt að
velja fleiri en einn kost í því sam-
andi. Af þessum 1.033, sem skráðir
voru í gær höfðu 488 nefnt Heilsu-
gæslu höfuðborgarsvæðisins, 190
hakað við heilbrigðisstofnun á lands-
byggðinni, 673 eru tilbúnir til starfa
á Landspítala, 98 á Sjúkrahúsið á
Akureyri og 249 er sama hvert þeir
fara til starfa.
Alls eru 509 tilbúnir að sinna sjúk-
lingum með kórónuveiruna, 726 eru
reiðubúnir í klínískt starf, 626 sögð-
ust geta sinnt símsvörun eða fjar-
þjónustu og 776 í aðra nauðsynlega
þjónustu en bakverðir geta einnig
nefnt fleiri en eitt starf sem þeir
gætu helst sinnt. bjb@mbl.is
1.033 bakverðir á skrá
 Búið að ráða 116 manns í bakvarðasveit til að ráðast
gegn kórónuveirunni  Koma úr 13 heilbrigðisstéttum
26 lyfja-tæknar
50 lyfja-fræðingar
Bakvarðasveit heilbrigðisþjónustunnar
1.033 höfðu skráð sig í bakvarðasveitina í gær, 3. apríl
250 hjúkrunar-fræðingar
96 læknar
211 sjúkra-liðar
23 geisla-fræðingar
Heimild:
heilbrigðisráðuneytið
5 ljós-mæður
31 sjúkra-þjálfari
29
lífeinda-
fræðingar
31 tann-læknir96 sjúkra-fl utningamenn
Fjöldi hjúkrunarfræði- og læknanema
16 náttúru-fræðingar í
heilbrigðisþjónustu
Nemar á 1. ári 2. 3. 4. 5. 6.
27 hjúkrunarfræðinemar 9 9 9
123 læknanemar 17 21 11 26 34 14
16 heil-brigðis-
gagnafræðingar
SVIÐSLJÓS
Kristján H. Johannessen
khj@mbl.is
„Skólakerfið hefur síðastliðnar vikur
staðið frammi fyrir gríðarmiklum
áskorunum og það var mikil og flókin
framkvæmd að halda því gangandi. Ég
er því afskaplega stolt af öllum þeim
sem komu að þessari mikilvægu vinnu
og hvernig til hefur tekist,“ segir Lilja
Dögg Alfreðsdóttir, mennta- og menn-
ingarmálaráðherra, í samtali við
Morgunblaðið.
Samkomubann tók gildi á Íslandi 16.
mars síðastliðinn vegna mikillar út-
breiðslu kórónuveiru. Á sama tíma var
framhaldsskólum og háskólum lokað
og tekin upp fjarkennsla. Leik- og
grunnskólum er enn haldið opnum þótt
þar sé starfið takmarkað og í verulega
breyttri mynd. Um þetta hefur verið
fjallað hér í Morgunblaðinu og á mbl.is
og meðal annars rætt við skólastjórn-
endur um þær áskoranir sem skólarnir
standa nú frammi fyrir. Í máli þeirra
var einkum lögð mikil áhersla á velferð
og góð tengsl við nemendur. Undir
þetta tekur menntamálaráðherra.
„Vellíðan og virkni nemenda skiptir
öllu máli á tímum sem þessum. Að uppi
sé festa en um leið sveigjanleiki í kerf-
inu skiptir að mínu mati afar miklu
máli. Þá hefur einnig verið lögð mikil
áhersla á góð samskipti milli lykilaðila
svo tryggja megi gang skólakerfisins,“
segir Lilja Dögg, en undirbúningur
vegna hugsanlegrar röskunar í starf-
semi skóla hófst snemma í febrúar
síðastliðnum.
„Við áttum þá, líkt og nú, meðal ann-
ars í nánu samstarfi við almannavarna-
deild Ríkislögreglustjóra, sóttvarna-
lækni og landlækni. En það var strax
17. febrúar sem undirbúningur hófst.
Þegar loks var orðið ljóst að skólahald
myndi takmarkast að verulegu leyti
hafði þessi hópur átt sjö samráðsfundi.
Núna er svo fundað minnst tvisvar
sinnum í viku þvert á öll skólastig;
leik-, grunn-, framhalds-, og háskóla.
Einnig koma að þessu einstaklingar
frá framhaldsfræðslunni, heildarsam-
tökum foreldra, Sambandi íslenskra
sveitarfélaga og skólastjórnendum svo
eitthvað sé upptalið. Svona höfum við
tekið á þessu verkefni frá upphafi, með
nánu samstarfi og mikilli samvinnu, og
út frá tilmælum og ráðleggingum frá
sóttvarnalækni,“ segir Lilja Dögg.
Vel rökstutt að hafa skóla opna
Sú ákvörðun að halda leik- og
grunnskólum opnum hefur ekki verið
án gagnrýni. Segir Lilja Dögg hins
vegar ráðleggingar sóttvarnalæknis og
gögn frá OECD styðja að hafa þá
opna. Ekki sé þörf á að loka skólum á
þessum skólastigum á meðan veirufar-
aldurinn herjar minna á börn en full-
orðna. Þá segja gögn OECD lokun
þessara skóla munu hafa „gríðarleg“
efnahags- og félagsleg áhrif, en 16-45%
foreldra þyrftu þá að taka sér leyfi frá
vinnu til að hugsa um börn sín.
Lilja Dögg segir nú búið að setja á
laggirnar hóp sem ætlað er að takast á
við hugsanlegt brotthvarf nemenda á
framhaldsskólastigi.
„Það hefur verið aðdáunarvert að
fylgjast með skólameisturum undan-
farið. Þeir hafa skipulagt hringingar í
þá nemendur sem viðkvæmastir eru til
að halda þeim virkum í námi. Ég hef
því góða tilfinningu fyrir árangri,“
segir Lilja Dögg, en sveitarfélög bera
ábyrgð á rekstri leik- og grunnskóla. Í
fyrri umfjöllun hefur komið fram að
Reykjavíkurborg hefur einnig hrundið
af stað átaki til að halda utan um við-
kvæma nemendur. „Mitt meginmark-
mið er að hjálpa viðkvæmustu hópun-
um. Þegar búið er að sigrast á veirunni
mun ég setja allar nauðsynlegar bjarg-
ir af stað.“
Hafa haldið þétt um skólamálin
 Vellíðan og virkni nemenda skiptir öllu máli á tímum sem þessum, segir menntamálaráðherra
 Hófu að undirbúa breytt skólakerfi snemma í febrúar  Funda minnst tvisvar í viku um stöðuna
Morgunblaðið/Eggert
Menntamálaráðherra Lilja Dögg Alfreðsdóttir segir aðdáunarvert að fylgjast með störfum skólameistara.
Skannaðu kóðann
til að lesa lengri
útgáfu á mbl.is