Morgunblaðið - 04.04.2020, Blaðsíða 41

Eftir ævintýri Stjörnunnar í Evr-
ópukeppninni fóru landsliðsþjálfar-
arnir í El Salvador að skoða mig bet-
ur. Við unnum lið frá Skotlandi og
Póllandi áður en við mættum Inter
Mílanó. Þá tóku menn þetta alvar-
lega sem ég var að gera á Íslandi og
þá vaknaði sú spurning hvort ég ætti
að fá tækifæri. Ég hafði reyndar spil-
að fyrir yngri landslið Bandaríkjanna
en meiðsli árið 2009 höfðu áhrif á
gang mála þar. Það opnaði dyrnar
fyrir El Salvador og ég var alltaf
tilbúinn að spila fyrir El Salvador.
Árið 2012 mætti ég Hetti en árið
2014 mætti ég Inter Mílanó í Evr-
ópukeppni. Veturinn eftir það spilaði
ég landsleik gegn Kólumbíu. Þetta
gerðist ótrúlega hratt þegar maður
spáir í það og maður verður bara að
hafa gaman af þessu. Þetta er sama
íþróttin á Egilsstöðum og á San Siro.
En þetta sýnir að Evrópuleikir geta
opnað margar dyr ef menn standa
sig.“
Talar fjögur tungumál
Pablo ræðir við blaðamann á
ágætri íslensku. Upp úr krafsinu
kemur að Pablo er góður tungu-
málamaður og talar fjögur tungumál.
Enskuna og spænskuna frá uppvaxt-
arárunum en einnig ítölsku vegna
tengingar þangað og nú íslensku.
„Móðurættin er frá Ítalíu og ég
tala því ítölsku. Það er svo fallegt
tungumál og það var talað við mig á
ítölsku stundum sem krakki. En ég
lærði einnig ítölskuna frekar í
menntaskóla. Ég horfði á fótbolta
með lýsingum á ítölsku og það sama
gerði ég varðandi íslenskuna. Fót-
boltinn er áhugamál og ég byrjaði að
fylgjast með honum á íslensku og
þannig lærði ég tungumálið. Fyrstu
orðin sem ég lærði á íslensku voru af
fótboltavellinum.
Restin kemur mjög hratt finnst
mér þegar maður er kominn eitthvað
áleiðis í íslenskunni. Maður á að vera
óhræddur við að prófa sig áfram.
Eins og ég er að gera núna í þessu
samtali. Íslendingar vilja gjarnan
æfa sig á ensku og ræða við mig á
ensku. Ég bið fólk að tala íslensku
því mig langar að læra og það hefur
gengið ágætlega.“
Eiginkonan er sigursælli
Samband Pablos og Rúnu bar
ávöxt í fyrra þegar þau eignuðust
dóttur. Pablo reiknar með því að þau
verði á Íslandi alla vega í nánustu
framtíð.
„Mér finnst geggjað að vera hérna.
Sérstaklega eftir að ég fór að tala
tungumálið. Konan væri alveg til í að
prófa að búa annars staðar einhvern
tíma og upplifa fleiri ævintýri. Hún
hefur alla vega minnst á það og henni
líkaði vel í New York. Hún er í dokt-
orsnámi í HÍ og tækifærin gætu ver-
ið fleiri erlendis en það geta líka ver-
ið tækifæri hérlendis. Þegar mínum
knattspyrnuferli lýkur verður for-
gangsröðunin með öðrum hætti. Hún
hætti sjálf í fótboltanum árið 2018 og
hefur unnið fleiri titla en ég. Ég segi
stundum við hana í gríni að ég þurfi
að vinna jafna marga titla og hún áð-
ur en ég get hætt,“ segir Pablo og
hlær en Rúna varð tvisvar Íslands-
meistari og tvisvar bikarmeistari
með Stjörnunni en hún lék einnig
með Fjölni, Fylki og Val og spilaði
146 leiki í efstu deild.
Spilar á píanó og
vinnur hjá Icelandair
Sjálfur tók hann háskólagráðu
með aðaláherslu á enskar bók-
menntir en með tungumál og klass-
ískan píanóleik sem aukafag. Honum
virðist vera margt til lista lagt og
blaðamaður spyr hvort hann sé flink-
ur píanóleikari. „Ég er ekki mjög
flinkur og áhuginn er meira teor-
ískur. Ég elska tónlist og fylgist vel
með henni.“
Ásamt því að spila með KR starfar
Pablo hjá Icelandair. „Ég hef unnið
síðustu tvö ár hjá Icelandair og byrj-
aði þar í maí 2018. Ég hef kunnað
mjög vel við mig en þessi tími hefur
auðvitað verið upp og niður fyrir
fyrirtækið. Ég var í 75% starfi og er
núna í 50% starfi. Nú taka allir á sig
skerðingu vegna þess sem er í gangi í
heiminum. Það hefur gengið ágæt-
lega upp fyrir mig að vinna hjá þeim
og spila fótbolta.“
Ekki það mikilvægasta í lífinu
Hvernig æfa Íslandsmeistararnir
um þessar mundir? Menn eru
væntanlega hver í sínu horni út af
samkomubanninu sem fylgdi kór-
ónuveirunni?
„Þjálfararnir láta okkur hafa áætl-
un og við æfum bara sjálfir. Snýst
það mest um hlaup og styrk um þess-
ar mundir. Maður verður að fara
sjálfur út með bolta til að sparka. Um
daginn hljóp ég úti í roki og rigningu
í Súgandafirði þar sem við fjöl-
skyldan vorum í heimsókn. Að sumu
leyti er þetta ágæt tilbreyting. Hið
jákvæða við þetta ástand er að mað-
ur eyðir meiri tíma með fjölskyldunni
og það getur verið ágætt fyrir marga
að sjá að fótbolti er bara fótbolti en
ekki það mikilvægasta í lífinu.
Íþróttir eru hins vegar samfélags-
lega mikilvægar og ég hef gaman af
því að fylgjast með öðrum íþrótta-
greinum í íþróttaflórunni hér. Mér
finnst til dæmis mjög gaman að fylgj-
ast með körfuboltaliðinu hjá KR og
sjá þá gera hluti sem ég get ekki
framkvæmt,“ sagði Pablo Punyed í
samtali við Morgunblaðið.
Morgunblaðið/Hari
Íslandsmeistari Pablo Punyed á Hlíðarenda í september 2019, í leiknum þar sem KR-ingar tryggðu sér Íslandsmeistaratitilinn með 1:0-sigri.
Pablo Punyed
» Fæddist í Bandaríkjunum
18. apríl 1990 en flutti þriggja
ára til El Salvador og var þar til
10 ára aldurs.
» Fór aftur til Flórída, stund-
aði háskólanám og lék með
U19 ára liði Bandaríkjanna.
» Kom til Íslands 2012 og lék
22 leiki með Fjölni í 1. deild og
skoraði fjögur mörk.
» Lék með Fylki 2013 og skor-
aði eitt mark í 11 leikjum í úr-
valsdeildinni.
» Lék með Stjörnunni 2014-
15, varð Íslandsmeistari og
skoraði 4 mörk í 39 leikjum í
úrvalsdeild ásamt því að taka
þátt í Evrópuævintýri liðsins.
» Lék með ÍBV 2016-17, varð
bikarmeistari og skoraði eitt
mark í 42 leikjum í úrvalsdeild.
» Hefur leikið með KR frá
2018, skorað fjögur mörk í 42
leikjum í úrvalsdeild og varð Ís-
landsmeistari 2019.
» Valinn í landslið El Salvador í
október 2014, hefur spilað 25
landsleiki og skorað þrjú mörk.
» Hefur spilað 156 deildaleiki
á Íslandi og skorað 14 mörk,
þar af eru 134 leikir og 10 mörk
í úrvalsdeildinni.
» Bróðir hans Renato Punyed
lék með ÍBV og ÍR 2017 en hef-
ur leikið í Noregi síðan og hóf
að leika með landsliði Níkar-
agva á síðasta ári.
ÍÞRÓTTIR 41
MORGUNBLAÐIÐ LAUGARDAGUR 4. APRÍL 2020
Ég læt mér ekki leiðast þótt
íþróttir í beinni útsendingu séu
af skornum skammti um þessar
mundir. Ég finn aðrar leiðir til að
fá minn íþróttaskammt. Sem
betur fer eru hin ýmsu sambönd
og félög orðin dugleg að setja
efni á veraldarvefinn.
Í gær horfði ég á heimild-
armynd um heimsmeistaramót
karla í knattspyrnu árið 2014 í
Brasilíu og skömmu áður heim-
ildarmynd um HM kvenna í
Frakklandi síðasta sumar og HM
karla í Rússlandi sumarið 2018.
FIFA hefur verið duglegt að dæla
inn efni á Youtube.
Sömu sögu er að segja NFL-
deildina í ruðningi. Einhverjir 10-
15 leikir eru nú aðgengilegir þar í
fullri lengd. Þar sem ég byrjaði
ekki að fylgjast með NFL fyrr en
fyrir örfáum árum, veit ég ekki
hvernig stór hluti þessara leikja
fór og því auðvelt fyrir mig að
verða spenntur yfir þeim.
Þá er önnur sería af
Sunderland Til I Die komið á Net-
flix. Fyrsta serían er eitt besta
sjónvarpsefni sem ég hef nokk-
urn tímann horft á. Ég hlakka til
að byrja á seríu tvö. Þættirnir
eru hálfgert stórslys fyrir félagið,
en fyrsta serían var framleidd til
að sýna liðið fara beint aftur upp
í ensku úrvalsdeildina eftir fall.
Það gekk ekki betur en svo að
liðið féll aftur og leikur nú í C-
deildinni. Úr varð miklu betra og
fyndnara sjónvarpsefni fyrir
vikið.
Mér leiðist s.s. ekki þótt
íþróttir í beinni útsendingu séu
af skornum skammti. Ég hef þó
ekki enn lagt í að horfa á síðasta
þáttinn af Take Us Home: Leeds
United. Fyrsta serían fjallar um
síðustu leiktíð hjá Leeds United í
ensku B-deildinni. Fyrstu fimm
þættirnir eru góðir, en ég læt
þann sjötta og síðasta vera.
BAKVÖRÐUR
Jóhann Ingi
Hafþórsson
johanningi@mbl.isHansi Flick mun stýra þýska stór-
liðinu Bayern München næstu þrjú
árin en hann skrifaði í gær undir
framlengingu á samningi sínum við
félagið. Gildir samningurinn til
2023.
Flick, sem hefur verið knatt-
spyrnustjóri Bayern til bráða-
birgða eftir að Niko Kovac var rek-
inn í nóvember, hefur greinilega
heillað forráðamenn félagsins.
Flick stýrði Hoffenheim árið 2005
og hefur síðan þá verið í þjálfara-
teymi þýska landsliðsins og að-
stoðað Joachim Löw.
Hjá þýsku meist-
urunum til 2023
AFP
Bæjari Hansi Flick stýrir stærsta
liði Þýskalands næstu árin.
Ekki verður leikið meira í austur-
ríska handboltanum á leiktíðinni. Bú-
ið er að blása af öll mót á vegum
austurríska handknattleiks-
sambandsins og verða engir meist-
arar krýndir, ekkert lið fer upp og
ekkert lið fellur. Guðmundur Hólmar
Helgason hefur því leikið síðasta leik
sinn með West Wien, en tveggja ára
samningur hans átti að renna út eftir
tímabilið og mun hann ekki semja við
félagið að nýju. „Ég vil þakka starfs-
fólki, þjálfurum og liðsfélögum fyrir
tvö góð ár,“ er haft eftir Guðmundi á
heimasíðu félagsins.
Guðmundur rær
á önnur mið
Ljósmynd/Handball-westwien.at
Akureyringur Guðmundur Hólmar
Helgason yfirgefur West Wien.
Stjórn ensku úr-
valsdeildarinnar í
knattspyrnu sendi
frá sér yfirlýsingu
í gær þar sem
fram kemur að nú
sé ljóst að keppni í
deildinni muni
ekki fara af stað á
ný í byrjun maí
eins og stefnt
hafði verið að.
„Ekki verður haldið áfram með
keppnistímabilið 2019-20 fyrr en
öruggt og rétt er að gera það. Dag-
setning á því er í stöðugri endur-
skoðun í samráði við alla hlutaðeig-
andi, eftir því sem kórónufarsóttin
þróast og við vinnum saman á þess-
um erfiðu tímum,“ segir m.a. í yfirlýs-
ingunni.
Enn fremur er sagt að það sé ein-
dregið markmið að allir leikir sem
eftir eru í deildinni og bikarkeppninni
muni fara fram, þannig að hægt sé að
ljúka tímabilinu af fullri sanngirni.
Það verði hins vegar ekki gert nema
með fullum stuðningi bresku ríkis-
stjórnarinnar og ráðgjöf heilbrigðis-
þjónustunnar.
Óvíst er hvernig leikirnir fara fram
en einhverjir hafa stungið upp á því
að klára tímabilið í ensku úrvalsdeild-
inni í Kína, sem er á batavegi eftir
veiruna.
Frestað leng-
ur í enska
fótboltanum
Gylfi Þór
Sigurðsson