Morgunblaðið - 04.04.2020, Blaðsíða 43

MENNING 43
MORGUNBLAÐIÐ LAUGARDAGUR 4. APRÍL 2020
SÉRSMÍÐI
Fanntófell hefur sérhæft sig í framleiðslu á borðplötum og sólbekkjum síðan 1987.
Fanntófell ehf. | Gylfaflöt 6-8 | 112 Reykjavík | Sími 587 6688 | fanntofell.is
Sérsmíðum eftir óskum hvers og eins.
Þú kemur með hugmyndina og við
látum hana verða að veruleika með
vandaðri sérsmíði og flottri hönnun.
Djasssöngkonan Stína Ágústs var
beðin um að mæla með listaverkum
sem hægt er að njóta heima hjá sér
í samkomubanninu.
„Ég les svotil aldrei bækur
(menningarfrömuðir taki andköf
hér) en hlusta þeim mun meira á
tónlist og horfi á þætti og kvik-
myndir sem auðga sál og sinni. Ég
hef ágætis reynslu af því að vera
föst í láréttri stellingu heima hjá
mér og ófær um að gera nokkurn
skapaðan hlut og get því miðlað
reynslu af tónlist og sjónvarpsefni
sem heilsubót.
Þær plötur sem ég hef hlustað
hvað mest á síðustu ár eru merki-
legt nokk ekki bara djass. Tran-
quille Emile með Emile Nicolas er
einstaklega vel gerð plata þar sem
viðfangsefnið er ástarþjáning sem
einhverra hluta vegna er svo gott
að hlusta á. Platan sem kom mér í
gegnum heilt sumar af láréttri legu
heitir Everybody’s Heart is Broken
með sænskri hljómsveit sem heitir
Niki & The Dove. Ég hef séð þá
hljómsveit á tónleikum nokkrum
sinnum og er svo yfir mig hrifin af
söngkonunni henni Malin Dahl-
ström að ég féll næstum í yfirlið
þegar hún benti á mig á einum
þeirra.
Þriðja platan sem ég hef verið
gjörsamlega dáleidd yfir heitir All
this I do for glory með saxófón-
undraverkinu Colin Stetson. Ég sá
hann hér í Stokkhólmi fyrr á árinu
og það voru bestu tónleikar lífs
míns. Hann blæs, syngur og slær á
hljóðfærið sem framkallar dáleið-
andi tónlist sem hljómar ekki eins
og neitt annað. Ef maður er svo að
fást við mikinn sársauka þá er af-
skaplega heilandi að hlusta á Mes-
huggah en það verður maður að
gera með allt skrúfað í botn og oft
hentugra að nota heyrnartól til að
æra ekki sambýlisfólk.
Nýtt efni sem er að ná taki á mér
eru t.d. Mi Casa, Su Casa með Ein-
ari Scheving, Guardians of the
Heart Machine með Seamus Blake
og óútgefin plata sem ég, Anna
Gréta Sigurðardóttir píanóleikari
og Mikael Máni Ásmundsson gítar-
leikari erum að vinna í núna. Ég get
haldið endalaust áfram með tón-
listarmeðmæli og geri það glöð ef
fólk hefur samband (ég er á face-
book hehe).
Það er líka aragrúi af lifandi tón-
list aðgengilegur á netinu þessa
dagana þar sem tónlistarfólk (eins
og ég) getur ekki komið fram
vegna samkomubanns.
Ég hef undanfarið verið að hám-
horfa á RuPaul’s Drag Race, sem
kemur líklega ekki mörgum á óvart
sem þekkja mig. Ég get eindregið
mælt með þeim þáttum fyrir fólk
sem langar að hleypa smá fjöri í líf
sitt og hvatningu til að skella sér
bara í glimmerdressið og taka kyn-
þokkafull dansspor þrátt fyrir
sóttkví og böl. Fyrir þau sem eru á
alvarlegri nótum er hægt að mæla
með þáttum eins og Succession,
Killing Eve, Ragnarök og Sex
Education.“
Mælt með í samkomubanni
Heillandi Saxófónleikarinn Colin Stetson heillaði Stínu á tónleikum.
Tónlist og sjónvarps-
efni sem heilsubót
Djassari Stína Ágústs söngkona.
Drottning RuPaul stýrir Drag Race.
Eins og greint hefur verið frá verður
Listahátíð í Reykjavík haldin í ár og
fimmtíu ára afmæli hennar fagnað
með fjölbreytilegum viðburðum.
Vegna kórónuveirufaraldursins mun
hátíðin þó ekki standa yfir í nokkrar
vikur í júní, heldur munu viðburðir
verða settir upp og kynntir út eftir
árinu og mögulega fram á hið næsta.
Dagskrána má nú alla skoða á vef
Listahátíðar, án dagsetninga, og
býðst þim sem áhuga hafa á að fylgj-
ast með því hvenær hinir ýmsu við-
burðir verða settir á dagskrá að skrá
sig þar á póstlista. Hér er stiklað á
stóru yfir margt það helsta.
Margbreytileg tónlist
Breski tónlistarmaðurinn Damon
Albarn flytur ásamt hljómsveit í
Eldborgarsal Hörpu nýjasta verk
sitt The Nearer the Fountain, More
Pure the Stream Flows. Albarn hef-
ur verið tíður gestur hér á landi er
verkið samið út frá íslenskri náttúru.
Sinfóníuhljómsveit Íslands og Ís-
lenska óperan taka höndum saman
um flutning Valkyrkju Richards
Wagner, eins af meistaraverkum
tónlistarinnar á 19. öld. Christine
Goerke fer með hlutverk Brynhildar
og Ólafur Kjartan Sigurðarson með
hlutverk Wotans. Hljómsveitinni
stjórnar Alexander Vedernikov.
Í Eldborg heldur Víkingur Heiðar
Ólafsson einnig einleikstónleika og
flytur fyrir hlé rómaðar útgáfur sín-
ar af verkum efir Rameau og De-
bussy, og eftir hlé Myndir á sýningu
eftir Mussorgsky, í umritun Vladim-
irs Horowitz og hans sjálfs.
Í stjörnuveri Perlunnar verður
flutt verk sem hefur hlotið mikið lof í
Bandaríkjunum, Enigma, nýr
strengjakvartett Önnu Þorvalds-
dóttur sem Spektral Quartet flytur,
ásamt vídeóverki eftir Sigurð Guð-
jónsson. Í Kaldalóni í Hörpu mætast
fjórir djasspíanóleikarar í dag-
skránni Dominia Convo, þær Sunna
Gunnlaugsdóttir, Rita Marcutulli,
Myra Melford og Julia Hülsmann,
og leika saman á tvo flygla.
Í Norðurljósasalnum verða tón-
leikar Gyðu Valtýsdóttur, handhafa
Tónlistarverðlauna Norðurlanda-
ráðs, Epicycle, og á sama stað verð-
ur dagskráin LVB250 þar sem
Beethoven verður hylltur í tilefni af
250 ára fæðingarafmæli.
Í Iðnó mun Tinna Þorsteinsdóttir
á tónleikunum Makrokosmos flyta
samnefnt verk eftir George Crumb,
og í Í Gamla bíói mæta Stuart Skel-
ton & Le Grand Tango og flytja fjöl-
breytta tangótónlist.
Ólík myndlistarverk
Áhrifamikið sigurverk Feneyja-
tvíæringsins í fyrra, hinn litháíski
tónlistargjörningur Sun & Sea
(Marina) sem fjallar um hnattræna
hlýnun, verður flutt á tveimur dög-
um í porti Hafnarhússins.
Önnur sýning í Listasafni Reykja-
víkur sem mun vekja athygi er The
Great Exhibition, umfangsmikil
yfirlitssýning á verkum hins heims-
kunna breska myndlistardúetts
Gilbert & George. Í Hafnarhúsinu
verður einnig sýningin Í leit að töfr-
um – Tillaga að nýrri stjórnarskrá
fyrir lýðveldið Ísland, eftir Libiu
Castro & Ólaf Ólafsson.
Í Listasafni Íslands verður sett
upp innsetning í gagnauknum veru-
leika, Solastaglia, eftir Antoine Vivi-
ani og Pierre-Alain Giraud en að
verkinu kemur alþjóðlegt teymi
listamanna úr ýmsum greinum þar
sem samtímalist og hljóðhönnun er
teflt saman til að skapa upplifun sem
höfðar til allra skilningarvita.
Leiksýningar og útiverk
Í Tjarnarbíó setur LaLaLab upp
Tréð, leiksýningu fyrir börn um leit-
ina að öruggum samastað. Þar verð-
ur einnig Uppljómunargarðurinn
eftir Dalija Acin Thelander, skynj-
unar- og upplifunarsýning fyrir ung-
börn og fullorðna fylgdarmenn
þeirra. Í Tjarnarbíói verður líka
sýnt dansverk Ingu Huldar Há-
konardóttur, Again the Sunset.
Í Borgarleikhúsinu þenja í verk-
inu A Simple Space sjö akróbatar út
mörk hins mögulega í sýningu sem
er samtímis hrá, tryllt og fínleg.
Verkefnið Fjarvera eftir Steinunni
Hildigunni Knúts-Önnudóttur er af
öðru tagi, sett upp á heimilum víðs
vegar um borgina. Og loks má geta
hollenska götuleikhússins Close-Act
Theatre sem mun lita lífið í miðborg-
inni einn daginn.
Vinsælir Yfirlitssýning verður á verkum Gilbert & George í Hafnarhúsinu.
Albarn, Wagner, ung-
barnaleikhús, Crumb …
 Mikill fjölbreytileiki einkennir dagskrá Listahátíðar
Smárabíó býður í dag og á morgun
upp á bílabíó við Smáralind og
verða sýndar kvikmyndirnar Jón
Oddur og Jón Bjarni, Dalalíf og
Löggulíf. „Til að koma til móts við
óskir viðskiptavina okkar og halda
bíómenningunni á lofti á þessum
skrítnu tímum ákváðum við hjá
Smárabíói að bjóða í bílabíó,“ segir
í tilkynningu. Frítt verður á fjórar
sýningar um helgina, í dag kl. 16 á
Jón Odd og Jón Bjarna, kl. 20 á
Dalalíf, á morgun kl. 16 verður aft-
ur sýnd Jón Oddur og Jón Bjarni og
um kvöldið kl. 20 Löggulíf. Tjaldið
verður sett upp á efra plani Smára-
lindar þar sem inngangur Smára-
bíós er og þar sem samkomubann
er í gildi eru gestir beðnir að halda
kyrru fyrir í bílum sínum og koma
með eigin veitingar.
Smárabíó býður í bílabíó við Smáralind
Spaug Eggert Þorleifsson og Karl Ágúst
Úlfsson á veggspjaldi Dalalífs.