Morgunblaðið - 23.04.2020, Page 42

MORGUNBLAÐIÐ FIMMTUDAGUR 23. APRÍL 2020
Húðfegrun ehf | Vegmúli 2 | Sími 533 1320 | www.hudfegrun.is
Tímapantanir í síma 533 1320
Við tökumvel ámóti ykkur í Vegmúla2
Greiddu fyrir meðferð í dag og nýttu þér tilboðið hjá okkur.
Bókaðu og nýttu meðferðina þegar hentar þér best!
Þreytt vetrarhúð?
HollywoodGlow
–samstundis þétting og ljómi
APRÍL
TILBOÐ
30%afsláttur
• Gerir áferð húðarinnar fallegri
• Eykur kollagenframleiðslu
• Nýjasta lasertækni
Ferðalög á
„Svífur yfir sænum, að þrotum kom-
ið ský. Snýtir sér í bænum.“ Svona
orti Spilverk þjóðanna í laginu Veð-
urglöggur. Og Spilverkið er ekki
eitt um að gera veðrið að meg-
inatriði í skáldskapnum. Ljóðabók
Ólafs Jóhanns Sigurðssonar hét
Nokkrar vísur um veðrið og fleira.
Og veðrið er svo nátengt kaffiboll-
anum að við Íslendingar getum
varla sopið úr fanti eða bauk öðru-
vísi en að víkja talinu að veðrinu.
„Hvað er þessi blíða nema ruglun
reyta, ljóss og logns sem varir alltof
stutt,“ spyrja liðsmenn í sálarveit-
inni Moses Hightower. Og það er
einmitt þessi ruglun reyta sem er
augnablikið sem fararstjórinn
Ragnar Antoniussen vill fanga með
sínu fólki þegar hann leiðir göngur
Ferðafélags Íslands sem heita því
frábæra nafni: Gengið á góða spá!
„Ég hef aldrei hitt á brjálað veður
þegar spáin er góð,“ segir Ragnar
og hlær. „Ég er reyndar kominn
með mjög góða reynslu í að lesa í
allskonar veðurspár og virðist það
duga vel fyrir þetta verkefni.“
Ferðirnar í Gengið á góða spá eru
um helgar og eru ákveðnar á þriðju-
degi eða í hádeginu á miðvikudögum
og þá ætti nú veðurspá að vera orð-
in nokkuð skotheld, segir hann. „Ég
held að flestir geri sér grein fyrir að
þetta er samt alltaf byggt á veð-
urspá – og þær geta að sjálfsögðu
brugðist eins og allir vita. Annars
myndi hópurinn heita „Gengið í
góðu veðri“ og því þorir enginn að
lofa.“
Gamalt verkefni
sem lifnaði á ný
Verkefnið Gengið á góða spá er í
raun gamalt og hafði legið í dvala í
nokkurn tíma hjá FÍ áður en Ragn-
ar endurvakti það með látum. „Þeg-
ar hugmyndin er að ganga til fjalla
þegar veður er gott þýðir auðvitað
ekki að velja ákveðinn stað eða
ákveðna dagskrá með löngum fyr-
irvara. Veðrið ræður þessu. Þetta er
bara skipulagt með tilliti til veð-
urspár sem má alls ekki vera gömul.
Ef það er t.d. mjög góð spá á Vest-
urlandi þá reyni ég að finna
skemmtilegt fjall á því svæði.“
Ragnar segir að sérstaðan við
ferðirnar í Gengið á góða spá sé auð-
vitað sú að þarna sé gengið á vilyrði
um góðviðri og því fái göngufólk yf-
irleitt að upplifa Ísland í blíðunni.
„Það eru auðvitað mikil forréttindi
að vera úti í náttúrunni og njóta
þess í botn í góðu veðri og helst uppi
á fjalli þar sem útsýni er gott. Það er
fátt ef nokkuð betra en að njóta
dýrðarinnar sem þetta land gefur
okkur þegar vel viðrar.“
Hafði engan áhuga á fjöllum
Ragnar er gríðarlega reyndur
fjallamaður og fór í sína fyrstu ferð
sem fararstjóri fyrir FÍ árið 2012.
Flestir fararstjórar hjá Ferðafélag-
inu fengu fjallaástríðuna með móð-
urmjólkinni en því hagar sko ekki
þannig til með Ragnar Antoniussen
sem forðaðist fjöll og tinda í æsku.
Hann ólst upp í Stykkishólmi og
hafði þar allan fjallgarðinn á norð-
anverðu Snæfellsnesi fyrir augunum
alla daga og fjöllin handan Breiða-
fjarðar á Barðaströndinni. Þessi
miklu fjöll kveiktu þó ekki mikla
löngun hjá honum á æskuárunum.
Það þurfti þó ekki nema eina ferð
til fjalla til að snarbreyta Ragnari
fyrir lífstíð. „Fyrir rúmum tuttugu
árum dró konan mín mig í mína
fyrstu fjallgöngu. Það þurfti ekki
nema þessa einu göngu til að heillast
algjörlega. Áhugi minn á náttúrunni
og íslenskum fjöllum vaknaði svo um
munaði og mig fór að langa að sjá
hvað væri handan fjallanna. Þar sá
ég önnur fjöll og víðáttur og það var
því ekkert annað að gera en að fara
þangað líka.“
Það má segja að þessi fyrstu
kynni Ragnars af heimi fjallanna
hafi forritað hann upp á nýtt því
hann gekk í Hjálparsveit skáta í
Reykjavík í framhaldinu þar sem
hann hefur m.a. verið stjórnandi út-
kallshóps. Þar hefur hann líka staðið
fyrir allskonar æfingum og ferðum
ásamt því að hafa yfirumsjón með
nýliðaþjálfun. Ragnar er að auki
með allskyns skírteini upp á að leiða
fólk yfir jökla og hálendi.
Ragnar hefur gengið á óteljandi
tinda frá því að hann fór þessa
fyrstu reisu, reyndar í allskyns veðr-
um, enda er hann meira fyrir að
ganga að vetrarlagi en í sumarsins
algræna skrúði. „Það sem er best
við allar fjallaferðir, sumar, vetur,
vor og haust, er að komast á tindinn,
fjarri ys og þys og fá að sjá eins
langt og augað eygir. Það að geta
farið út og upplifað jarðtengingu og
núvitund í góðri fjallaferð er ómet-
anlegt. Að verða einn í ósnortinni
náttúrunni og sjá engin merki eftir
annan mann eru forréttindi sem við
verðum að halda í eins lengi og hægt
er.“
Jöklarnir heilla mest
„Hvað er þessi jökull nema bleyta,
sem bráðnar innan skamms og gufar
upp,“ segja hagyrðingarnir í Moses
Hightower. Þessi lína er lúmsk og
segir meira um ástandið í nátt-
úrunni en margan grunar. Jöklarnir
hörfa nú hratt vegna loftslagsbreyt-
inga af mannavöldum, en þeir eru
einmitt viðkvæmt undralandið hans
Ragnars. „Minn lífskrafur er útivera
á jöklum á Íslandi. Á hverju ári horfi
ég til þessara hvítu risa og plana
ferðir. Þetta veitir mér bæði orku og
frelsi,“ segir hann.
Það er svolítið þversagnakennt að
segja frá því að Ragnar ólst upp í
návígi við hinn almáttuga Snæfells-
jökul sem togaði samt minna í hann
en biti af Snickers. Í dag er hann
hugfanginn af þessum magnaða
tindi en samt enn meira heillaður af
svæðunum í sunnanverðum Vatna-
jökli. „Þar finnur maður allt sem
þarf í fullkomna fjallgöngu. Skrið-
jökla og háa og bratta hvíta tinda
sem gaman er að kljást við.“
Veðurglöggur gengur
á góða spá
Ragnar pældi álíka mikið í veðr-
inu og annað ungt fólk þegar hann
var strákur, hann var ekkert að lesa
í skýin eða leggja eyrun eftir spám í
útvarpi. Þegar hann heyrði í útvarp-
inu „Þetta er á Veðurstofu Íslands.
Veðurspá,“ setti að honum lang-
dreginn geispa. En núna er það
stöðugt að leita á hann, þetta bless-
aða veður. Og hann er sérfræðingur
í að lesa í veðurkort og leita uppi
allskyns spámiðla á netinu. Það fer
vel á því að þessi fjallakempa sé orð-
inn sérfræðingur í veðri og yrki sín-
ar eigin dægurvísur um veðrið og
fleira. Hann er nefnilega frá þeim
stað á Íslandi þar sem veðurmæl-
ingar urðu fyrst samfelldar. Árið
1845 hóf Árni Thorlacius kaup-
maður veðurmælingar í Stykkis-
hólmi og þar hafa síðan verið gerðar
samfelldar veðurathuganir. Og á
meðan menn gera sínar daglegu
spár í Stykkishólmi gerir Ragnar
Antoniussen sínar eigin.
Jón Örn Guðbjartsson
Gengið á góða spá
Svífur yfir sænum, að þrotum komið ský. Snýtir sér
í bænum.“ Svona orti Spilverk þjóðanna í laginu
Veðurglöggur. Og Spilverkið er ekki eitt um að gera
veðrið að meginatriði í skáldskapnum. Ljóðabók
Ólafs Jóhanns Sigurðssonar hét Nokkrar vísur um
veðrið og fleira. Og veðrið er svo nátengt kaffiboll-
anum að við Íslendingar getum varla sopið úr fanti
eða bauk öðruvísi en að víkja talinu að veðrinu.
Einstakt útsýni Sólarupprás á Snæfellsjökli er engu lík.
Ljósmynd/FÍ myndabanki
Einstaka Ísland Í
góðu veðri á Heklu.