Fréttablaðið - 26.08.2020, Side 4

Ríkisstjórnina
skortir einnig alla
sýn um fjárfestingu og
sköpun starfa.
Ágúst Ólafur Ágústsson,
þingmaður Samfylkingarinnar
ALÞINGI „Við erum að vinna í því að
koma út nefndaráliti. Ég býst við því
að málið verði afgreitt út úr nefnd­
inni öðru hvorum megin við helgi,“
segir Halla Signý Kristjánsdóttir,
fulltrúi Framsóknarflokksins í vel­
ferðarnefnd, um frumvarp félags­
málaráðherra um hlutdeildarlán.
Málið er eitt af þeim sem verða á
dagskrá Alþingis á þingstubbnum
svokallaða, sem hefst næstkomandi
fimmtudag. Halla Signý, sem er
framsögumaður málsins í velferð­
arnefnd, segir meirihluta nefndar­
innar vera að fara yfir umsagnir um
boðaðar breytingartillögur.
Þrátt fyrir að meirihlutinn hafi
í breytingartillögum sínum tekið
tillit til fjölda athugasemda, sem
gerðar voru við frumvarpið á fyrri
stigum, standa enn ýmis atriði út af.
Þannig leggja ASÍ og VR enn mikla
áherslu á að tekjuviðmið einstakl­
inga sem eiga rétt á hlutdeildar­
lánum verði felld brott.
Hlutdeildarlán, sem voru hluti
aðgerða stjórnvalda í tengslum við
lífskjarasamninginn, eru hugsuð
fyrir ungt fólk og tekjulága. Þau
myndu þá nýtast sem útborgun
við íbúðarkaup og bera enga vexti.
Aðeins er lánað fyrir nýju eða
nýlegu hagkvæmu húsnæði. Þó er
gert ráð fyrir undanþágum frá því
skilyrði á landsbyggðinni.
Samband íslenskra sveitarfélaga
og Samtök iðnaðarins leggjast gegn
breytingartillögu um að 20 prósent
lánanna skuli veitt utan höfuðborg­
arsvæðisins og vaxtarsvæða. Telja
þessir aðilar æskilegra að hlutfallið
verði sveigjanlegt þannig að hægt
sé að byggja upp þar sem skortur er
hverju sinni. – sar
Hlutdeildarlán klár úr nefnd öðru hvorum megin við helgi
FÉLAGSMÁL Mikill munur er á hæstu
og lægstu gjöldum fyrir skólamál­
tíðir grunnskólabarna. Seltjarnar­
nesbær tilkynnti nýverið um hækk­
anir á skólamáltíðum sem kosta nú
655 krónur hver í áskrift. Mikil hag­
ræðing hefur verið á Seltjarnarnesi
og halli verið á rekstrinum undan­
farin ár.
Seltjarnarnes er með samning
við Skólamat sem sinnir máltíðum
fyrir ýmis sveitarfélög og niður­
greiðslurnar eru misháar. Gjaldið
er þó langhæst á Seltjarnarnesi en
þar á eftir kemur Kópavogur með
493 krónur, Garðabær með 485 og
Hafnarfjörður 475 krónur.
Skólamatur sinnir einnig Suður­
nesjunum og er verðið þar umtals­
vert lægra, 413 kónur í Grindavík,
408 í Reykjanesbæ og 310 krónur í
Suðurnesjabæ.
Í Reykjavík greiða foreldrar 10.050
króna jafnaðargjald. Sem dæmi
þýðir það að hver máltíð í september
kostar 528 krónur, en verð á hverri
máltíð rokkar þó milli mánaða.
Stikkprufa Fréttablaðsins af
ýmsum sveitarfélögum á lands­
byggðinni sýnir að þar eru skóla­
máltíðir umtalsvert ódýrari fyrir
foreldra. Á Akranesi kosta þær 379
krónur, 315 á Hornafirði og aðeins
150 krónur í Fjarðabyggð. Sums
staðar eru þær algerlega gjaldfrjáls­
ar, til dæmis í Rangárþingi ytra.
Akureyri er þó með svipað verð
og á höfuðborgarsvæðinu, eða 446
krónur. – khg
Munurinn á
skólamáltíðum
er margfaldur
Skólamáltíðir eru mun ódýrari á
landsbyggðinni. FRÉTTABLAÐIÐ/ANTON
Það sem þátttakendur uppskera:
• Aukið sjálfstraust, sterkari sjálfsmynd og trú á eigin getu
• Hugrekki til að rétta upp hönd og taka þátt í umræðum
•
Leiðir til að kynnast nýju fólki, bæta samskipti og styrkja sambönd
•
Þor til að koma hugmyndum sínum á
framfæri og hafa áhrif
• Betra skipulag og skýrari markmið
• Jákvætt viðhorf og kvíða/streitustjórnun
Námskeið hefjast:
10 til 12 ára 26. sept. 10.00-13.00 8 skipti með viku millibili
13 til 15 ára 22. sept. 17.00-20.30 8 skipti með viku millibili
13 til 15 ára 12. okt. 17.00-20.30 8 skipti með viku millibili
16 til 19 ára 23. sept. 18.00-22.00 8 skipti með viku millibili
16 til 19 ára LIVE ONLINE 1. okt kl 18.00-21.00 8 skipti með viku millibili 20 til 25 ára 24. sept. 18.00-22.00 8 skipti með viku millibili
20 til 25 ára LIVE ONLINE 8. okt. Kl 18.00-21.00 2x í viku í 4 vikur
18 til 25 ára 9.-11.okt. HELGARNÁMSKEIÐ kl 8.30-16.30
„Ég finn að ég get allt sem mig langar“
Kynntu þér málið á dale.is eða í síma 5557080.
Þú getur skráð þig á ókeypis kynningartíma á dale.is/ungtfolk
ALÞINGI Megináhersla endurskoð­
aðrar fjármálastefnu sem fjármála­
og efnahagsráðherra mun leggja
fram í þingsályktun til Alþingis, er
að auka viðnámsþrótt heimila og
fyrirtækja í landinu. Um er að ræða
breytingu á gildandi fjármálastefnu
fyrir árin 2018­2022. Markmiðið er
að bregðast við þeirri efnahags­
kreppu sem skapast hefur vegna
kórónaveiru faraldursins með því
að verja og skapa verðmæt störf um
land allt á komandi misserum.
Sett eru markmið um að halli á
heildarjöfnuði A­hluta hins opin­
bera verði að hámarki 14,5 prósent
af vergri landsframleiðslu [VLF]
árið 2020, 13 árið 2021 og 10,5 árið
2022, að meðtöldu óvissusvigrúmi.
Í markmiðum stefnunnar er sett
fram óvissusvigrúm í varfærnis­
skyni ef efnahagsforsendur verða
markvert frábrugðnar núverandi
þjóðhagsspá. Umfang svigrúmsins
getur numið allt að 2 prósentum
árið 2020 og 3 árin 2021 og 2022.
Því er spáð að fram undan sé
mesti skellur í afkomu­ og skulda­
þróun hins opinbera frá stofnun
lýðveldisins, ef frá eru taldar
af leiðingar bankahrunsins 2008.
Fjármála­ og efnahagsráðuneytið
segir sterka stöðu ríkissjóðs gera
það að verkum að mögulegt sé að
veita sterka viðspyrnu gegn þeim
tekjubresti. Skuldir ríkissjóðs verði
svo auknar til þess að létta byrðar
heimila og fyrirtækja. Aðhaldsráð­
stafanir verða látnar bíða.
Farið verður í öflugt átak í fram­
kvæmdum og arðbærum fjárfest­
ingum í menntun, rannsóknum,
nýsköpun, grænum lausnum og
stafrænni, opinberri þjónustu.
Við núverandi aðstæður í þjóðar­
búskapnum er ekki gert ráð fyrir
skörpu gengisfalli eða verðbólgu.
Útlit er fyrir að veiking gengis
krónunnar verði ekki jafn mikil og
í bankahruninu og af þeim sökum
mun hallarekstur ríkissjóðs við
núverandi aðstæður ekki leiða til
aukinnar verðbólgu.
Í endurskoðaðri stefnu nú eru
lagðar til breytingar á af kom­
umarkmiðum fyrir árin 2020­2022.
Gert er ráð fyrir að halli á afkomu
ríkissjóðs verði ekki meiri en 11
prósent árið 2020. Eftir það er gert
ráð fyrir að afkoman fari batnandi
og að hallinn verði ekki meiri en 9
prósent 2021 og 7 árið 2022.
Í endurskoðaðri stefnu nú eru
lagðar til breytingar á skuldamark­
miðum fyrir árin 2020­2022. Þannig
er gert ráð fyrir að skuldir ríkissjóðs
verði ekki hærri en 38 prósent af
VLF árið 2020. Eftir það er gert ráð
fyrir að hægi á skuldaaukningunni
og að skuldir verði ekki hærri en 47
prósent árið 2021 og 56 árið 2022. Þá
eru sett markmið um að skuldir A­
hluta sveitarfélaga verði ekki meiri
en 7 prósent árið 2020 og 8 árin
2021–2022.
Breytingar á afkomu­ og skulda­
markmiðum fela í sér að markmið
fjármálastefnu munu ekki uppfylla
töluleg skilyrði 7. greinar laga um
opinber fjármál árin 2020–2022.
Í því felst að halli hins opinbera
verður umfram það 2,5 prósenta
viðmið sem gert er ráð fyrir í lögun­
um, heildarjöfnuður verður ekki á
gildistíma stefnunnar, skuldir hins
opinbera fara talsvert yfir 30 pró­
sent viðmið laganna 2020–2022 og
útlit er fyrir að skuldahlutfallið fari
hækkandi. Í greinargerð með til­
lögunni segir að óráðlegt sé eins og
sakir standa að hið opinbera magni
upp óumflýjanleg samdráttaráhrif
sem hlytust af því að uppfylla mark­
mið um af komu og skuldastöðu í
gildandi fjármálastefnu.
„Hin nýja stefna staðfestir að
eitt stærsta áhyggjuefnið er aukið
atvinnuleysi og því er nöturlegt að
stjórnarflokkarnir hafi fellt tillögur
Samfylkingarinnar um að hækka
hinar lágu atvinnuleysisbætur,“
segir Ágúst Ólafur Ágústsson, full­
trúi Samfylkingarinnar í fjárlaga­
nefnd í samtali við Fréttablaðið.
„Ríkisstjórnina skortir einnig alla
sýn um fjárfestingu og sköpun
starfa. Fjármálastefnan sýnir að hin
pólitíska barátta vetrarins snýst um
að hlífa þeim sem reiða sig á opin­
bera þjónustu, það eru aldraðir,
námsmenn, öryrkjar, sjúklingar
eða fátækt fólk. Það kemur ekki til
greina að þetta fólk verði láta taka
höggið.“ hjorvaro@frettabladid.is
Beita ríkissjóði til viðspyrnu
Fjármála- og efnahagsráðherra hefur lagt fram þingsályktunartillögu um breytingu á gildandi fjármála-
stefnu. Þar koma fram viðbrögð við efnahagskreppu sem orðið hefur vegna kórónaveirufaraldursins.
Bjarni Benediktsson hefur lagt fram breytingar á gildandi fjármálastefnu. FRÉTTABLAÐIÐ/ANTON BRINK
Hlutdeildarlán sem voru
hluti aðgerða stjórnvalda í
tengslum við lífskjarasamn-
inginn eru hugsuð fyrir ungt
fólk og tekjulága.
2 6 . Á G Ú S T 2 0 2 0 M I Ð V I K U D A G U R4 F R É T T I R ∙ F R É T T A B L A Ð I Ð