Fréttablaðið - 26.08.2020, Blaðsíða 46

SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is
FÓLK/SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar
Vilhelmsson jonivar@frettabladid.is, FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason
hrannar@frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Guðrún Inga Grétarsdóttir gudruninga@frettabladid.is
VIÐ ERUM AÐ BORÐA
GENABREYTTA HLUTI
SEM ERU AÐLAGAÐIR AÐ OKKAR
ÞÖRFUM. VIÐ ERUM EKKI AÐ
AÐLAGA OKKUR AÐ NÁTT-
ÚRUNNI, VIÐ ERUM AÐ AÐLAGA
NÁTTÚRUNA AÐ OKKUR.
Orkan býður lítrann á lægsta
verðinu í öllum landshlutum
— án allra skilyrða.
LÆGSTA
VERÐIÐ
Í ÖLLUM
LANDS-
HLUTUM
Mér finnst fólk oft mikla hlutina fyrir sér í mat-reiðslu en ég get alveg vottað að matreiðsla
er engin heilaskurðaðgerð,“ segir
meistarakokkurinn Davíð Örn
Hákonarson, stjórnandi matreiðslu-
þáttanna Allt úr engu, sem hófu
göngu sína á Stöð 2 á mánudaginn.
„Mig hefur alltaf langað til að búa
til sjónvarpsþátt þar sem fólk geti
tengt meira við hversu aðgengileg
eldamennska getur verið. Þetta er
bara spurning um að gera mistök
og að prófa sig áfram.“
Aðalstefið í þáttunum er að kenna
áhorfendum hvernig hægt sé að
nýta mat sem best til að sporna
gegn matarsóun. „Það hefur alltaf
farið í taugarnar á mér að fólk hendi
hálfum poka af spínati því hann sé
orðinn eitthvað aðeins slappur.
Þótt bragðið breytist þá þýðir það
ekki að varan sé ónýt. Varan hefur
ekki eyðilagst heldur hefur hún
aðeins breytt um karakter og maður
aðlagar sig að því.“
Brúnir bananar verða út undan
Aðspurður segir Davíð að mat-
arsóun einskorðist alls ekki við
Íslendinga heldur sé hún vandamál
um allan heim. „Ef sóun yrði sýnd í
sinni réttu mynd, hvort sem það er
á heimilum, stórmörkuðum eða hjá
matarframleiðendum, þá myndi
fólki líklega blöskra þegar það sér
hversu miklu er hent.“
Sem dæmi nefnir Davíð að hann
hafi oft séð gámafylli af ávöxtum
sem eru rétt byrjaðir að breyta
um lit á stórum matarmörkuðum
erlendis. „Það vill enginn kaupa
banana sem eru orðnir örlítið brún-
ir. Það er kannski annað ef maturinn
er orðinn súr eða myglaður, en oft
og tíðum hendir fólk mat þegar það
veit ekki alveg hvað það á að gera við
hann.“
Maðurinn og náttúran
„Við erum að borða genabreytta
hluti sem eru aðlagaðir að okkar
þörfum. Við erum ekki að aðlaga
okkur að náttúrunni, við erum að
aðlaga náttúruna að okkur. Og ef
hlutirnir passa ekki inn í okkar
ramma er þeim bara hent,“ segir
Davíð og viðurkennir fúslega að
hann sé ekkert fullkominn í þessu
sjálfur. „Svo lengi sem maður er
meðvitaður um hverju maður er að
henda og í hvaða magni, þá reynir
maður að bæta sig. Ég er alltaf að
halda sjálfum mér á tánum.“
Áður en Davíð flutti til Íslands bjó
hann erlendis í tíu ár sem gaf honum
annað sjónarhorn á íslenska matar-
menningu. „Við erum vön helvíti
góðu hérna á Íslandi, en því er þó
ábótavant að vissu leyti þar sem
veðrátta og staðsetning Íslands
spilar mikið inn í,“ segir Davíð og
nefnir sem dæmi að grænmetisúr-
valið sé frekar slappt. „Við eigum
samt líka mikið af yndislegu hráefni
hérna, eins og þara og annan sjávar-
gróður. Alls staðar í kringum okkur
vaxa bragðbætandi jurtir sem mætti
alveg nota eins og dill og rósmarín
úr búðinni.“
Mynta í tonnavís
Í fyrsta þætti heimsækir Davíð
leikarann Aron Mola þar sem þeir
nýta hráefni úr nærumhverfinu
í eldamennskunni. „Við unnum
mikið með brokkólí og svo fór ég út
í garð og tíndi jurtir sem ég nýtti í
matinn,“ segir Davíð. „Svo tíndi ég
piparmyntu sem vex í Garðabænum
í tonnatali, en fólk veit kannski ekki
af því.“
Þættirnir verða sex talsins og seg-
ist Davíð vera opinn fyrir að vinna
að meira efni í sama dúr. „Mér finnst
gaman að takast á við ný verkefni og
er ánægður með niðurstöðuna.“
Í haust heldur Davíð svo áfram
störfum sem yfirmatreiðslumaður
og veitingastjóri á Hótel Húsafelli
þar sem hefur verið annasamt að
matreiða ofan í Íslendinga í sumar.
„Það var miklu meira að gera en
við áttum von á þar sem flestir við-
skiptavinir okkar eru erlendir ferða-
menn. Það var skemmtileg áskorun
að takast á við þennan nýja kúnn-
ahóp og það verður spennandi að sjá
hvernig haustið þróast.“
arnartomas@frettabladid.is
Matreiðsla er engin
heilaskurðaðgerð
Þættirnir Allt úr engu hófu göngu sína á Stöð 2 í vikunni. Davíð
Örn Hákonarson þáttastjórnandi stefnir á að kenna rétta nýtingu
á mat og að opna augu fólks fyrir hráefnum úr umhverfi þeirra.
Davíð hefur verið búsettur um allan heim. Stöð 2 sýnir nýja þætti þar sem hann er í aðalhlutverki. MYND/AÐSEND
2 6 . Á G Ú S T 2 0 2 0 M I Ð V I K U D A G U R22 L Í F I Ð ∙ F R É T T A B L A Ð I Ð