Fjölrit RALA - 15.04.1996, Page 57

47
Kynbætur 1995
Erfðafræðilegur stöðugleiki vallarfoxgrass við mismunandi veðurfar
og ræktun (132-9279)
Markmið verkefnisins er tvíþætt. I fyrsta lagi að skýra áhrif mismunandi veðurfars og
meðferðar á erfðafræðilega samsetningu og stöðugleika vallarfoxgrass og að meta vöxt og
þroska einstakra arfgerða við þessi skilyrði. I öðru lagi að lýsa hugsanlegum breytingum á
ræktunareiginleikum og erfðafræðilegri samsetningu vallarfoxgrass þegar fræ er ræktað við
önnur skilyrði en þau sem stofninn er aðlagaður. Gerð hefur verið grein fyrir verkefninu áður
(Jarðræktarrannsóknir 1993, bls. 43).
Sumarið 1995 var fylgt áætlun um mat á ýmsum eiginleikum plantnanna. Skráðar voru
einkunnir fyrir vorvöxt, vaxtarlag, strámagn og sjúkdóma. Einnig var metin uppskera tvívegis
og allt klippt. Skriðdagur fyrir fyrri slátt skráður. Mikil afföll eru í tilrauninni og illgresi eða
annað gras nokkuð mikið. Einnig komu fram skemmdir af völdum bakteríunnar Xanthomonas
graminis. Af þeim 2100 einstaklingum, sem í upphafi var plantað út, verða tæplega 1000
metnir 1996.
Kynbætur á háliðagrasi (132-9945)
Sumarið 1994 hófust kynbætur á háliðagrasi. Farið var á 100 bæi víðsvegar á landinu og um
2000 plöntum safnað. f flestum tilvikum var safnað úr túnum sem eru eldri en 30 ára til að
tryggja að grösin hefðu sannað lífsþrótt sinn við íslenskar aðstæður. Fyrsta veturinn voru
plönturnar í gróðurhúsi, en vorið 1995 var hverri plöntu skipt í þrennt og plantað út í
samanburðartilraun í þremur endurtekningum. í hverri endurtekningu eru 1500 plöntur. Að
samanburði loknum verða valdar út plöntur til að mynda grunn að íslenskum stofni af
háliðagrasi. Verkefnið er styrkt af Norræna genbankanum.
Lýsing á vallarfoxgrasstofnum varðveittum hjá norræna
genbankanum (132-9944)
Markmið verkefnisins er að afla ýmissa grunnupplýsinga til þess að unnt sé að lýsa betur
erfðaefni sem varðveitt er í Norræna genbankanum (NGB), auk þess sem ræktunareiginleikar
eru metnir. Alls eru í samanburðinum um 370 vallarfoxgrasstofnar frá NGB auk nokkurra
viðmiðunarstofna. Plantað var út í júní 1994. Endurtekningar eru tvær, sjö plöntur í hvorri.
Sumarið 1995 fór fram mat á ýmsum eiginleikum stofnanna. Vorvöxtur var metin 29.5.
6.-8. júlí voru gefnar einkunnir fyrir uppskeru, vaxtarlag, sprotamagn, hæð o.fl. Einnig var
skráður skriðdagur. Að mati loknu voru allar plönturnar klipptar. 23.-24. ágúst var metin
uppskera, sprotamyndun o.fl. og plönturnar síðan klipptar aftur. Að lokum var gefin einkunn
fyrir haustvöxt. Úrvinnsla fer öll fram hjá Norræna genbankanum og eru öll gögn send
þangað.
Matið verður endurtekið sumarið 1996.