Sjómannadagsblaðið - 07.06.2020, Page 36

36 s j ó m a n n a d a g s b l a ð i ð j ú n í 2 0 2 0
hugtakið sjálfkeyrandi bílar er ekki nýtt af nálinni og ljóst er að
horft er á þá tækni sem framtíðartækni í vegsamgöngum áður en
langt um líður. eins er horft til tækninnar með siglingar í huga.
R agnheiður H. Magnúsdóttir vélaverkfræðingur, sem fylgst hefur nokkuð með
þróun tækni og kosta sjálfsiglandi
skipa, segir flutningafyrirtæki
heims hafa skoðað sjálfkeyrandi
bíla í þaula enda líti þau til
sjálfvirkni sem hagkvæms kostar
fyrir sig í framtíðinni. „Á sama
tíma gera þessi fyrirtæki sér einnig
grein fyrir því að enn sem komið
er er afar erfitt að nýta tæknina á
áreiðanlegan og öruggan hátt. Vegir
breytast stöðugt, umferð manna og
bíla getur verið svo ófyrirsjáanleg
og netlæg landakort eru ekki
uppfærð nægilega eins og sakir
standa. Þróun sjálfsiglandi skipa
virðist þó ekki vera eins krefjandi
viðfangsefni,“ segir Ragnheiður.
Að senda sjálfsiglandi skip yfir
hafið virðist vissulega metnaðar-
fullt, en það er að öllum líkindum
miklu auðveldara en landbundnir
kostir. „Umferð sjávar veitir miklu
meira svigrúm en þéttbyggðar
borgir. Skip þurfa ekki að fylgja
fjölbreyttum vegamerkingum eða
forðast ófyrirsjáanlegar manneskjur
og ólíkt öðrum farartækjum og
vegfarendum þurfa skip sjaldan að
breyta stefnu sinni. Skip verða samt
ekki áhafnalaus strax. Sjálfsiglandi
skip munu að öllum líkindum
þurfa á mannlegri aðstoð og
leiðbeiningum að halda, að minnsta
kosti til að byrja með, en líklegt er
að þegar fram líða stundir muni
gervigreindin leiða til fullkomlega
sjálfsiglandi skipa.“
Yara International
hyggst ríða á vaðið
Ragnheiður segir að fyrirtæki í
sjóflutningum hafi flest áhuga á að
færa sig eins fljótt og auðið er yfir í
sjálfsiglandi skip. Þau muni þó ekki
taka það skref á kostnað slysa og
bilana og því sé enn talsvert í land
áður en kostirnir verði að veruleika
þótt mikil vinna eigi sér stað um
þessar mundir við þróun tækninnar.
verða norðmenn fyrstir til að
senda sjálfsiglandi skip yfir hafið?
Sendum íslenskum sjómönnum árnaðaróskir á sjómannadaginn
Þróun sjálfsiglandi skipa er verkefni
sem ekki virðist jafnkrefjandi og sjálf-
keyrandi bílar, að mati ragnheiðar H.
magnúsdóttur vélaverkfræðings, sem
fylgst hefur nokkuð með þróun og val-
kostum tengdum sjálfsiglandi skipum.
Mynd/Hreinn Magnússon
Yara Birkeland, eitt skipa norsku fyrirtækisins Yara international, sem stefnir á að
senda fyrsta raforkudrifna og sjálfsiglandi skip heims yfir hafið á þessu ári.
Mynd/yara international asa
við erum þegar orðin
vön tilhugsuninni um
sjálfkeyrandi bíla í
stórborgum. sjálfsiglandi
skip ættu því ekki að vera
svo framandi hugsun.