Skessuhorn - 26.02.2020, Page 4

MIÐVIKUDAGUR 26. FEBRúAR 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Sílikonblandað dévaff
Ég er mikill hugsuður. Get hugsað og hugsað, jafnvel svo tímunum skiptir,
ekki síst þegar ég ligg andvaka í rúminu langt fram á nótt. Í slíkum svefn-
vandræðum er ég stundum bæði búinn að telja kýrnar í fjósinu, fjórum
sinnum frá fimmhundrað og niður að núlli og meira að segja búinn að telja
það sem ég held að sé í buddunni. Það er reyndar fljótlegast. Þegar ég er
svo búinn að reyna að festa svefn í svona þrjá, fjóra tíma án árangurs, þá
geri ég það sem má alls ekki við slíkar aðstæður, ég fer í símann og á netið.
Einmitt það sem sterklega er varað við.
Á mánudagskvöldið var ég svo óheppinn að ég ætlaði aldrei að festa
svefn. Aulaðist þá til að opna í símanum vefsíðu sem heitir dévaff. Nú veit
ég ekki hvort þið lesendur góðir kannist við þessa síðu. Fyrir nokkrum
árum var þar að finna hvatskeyttar fréttir um fólk, stjórnmál og skúrka í
viðskiptum, allt þar til einhver mógullinn norðan úr landi fór í kaupstaðar-
ferð, keypti útgáfufyrirtækið og henti starfsmönnum þess út. Í seinni tíð er
dévaff því aðallega orðin síða sem hefur að geyma svona alls konar, en þó
allt annað en skrif um skúrka í viðskiptum. Sitt lítið af því sem kallað hefði
verið hégómi í mínum ungdómi. En nú skilst mér að hégóminn sé einmitt
það sem selur, skapar flesta smellina, og einmitt smellirnir „meika money“
fyrir norðlenska mógúlinn sem enginn fjölmiðill skrifar lengur um, af því
hann á þá alla! Margir af okkar helstu vefmiðlum hafa hins vegar svona sér-
stakt hégómahorn, eins og til dæmis hún Marta Smarta á Moggavefnum,
en á dévaffi hefur ekki tekist að halda hégómanum aðskildum frá öðru efni,
enda býsna erfitt því lítið er af því.
Samkvæmt dévaff vefnum þessa andvökunótt var mest lesið það sem kall-
að er Vikan á Instagram. Sjálfur er ég ekki þátttakandi á Instagram, ákvað
fyrir löngu að reyna að eiga eitthvað prívatlíf og læt Facebook duga. Hún
er fín svo langt sem hún nær. Reyndar er allt unga fólkið fyrir löngu farið
af Facebook, fór þegar foreldrar þeirra, ömmur og afar urðu virkir þátt-
takendur og fóru þar líka að skipta sér af unga fólkinu. Í menningarþætt-
inum Vikan á Instagram eru birtar myndir, „sjálfur“, sem fólk tekur af sér
við hinar ólíklegustu aðstæður. Oftast er þetta ungt fólk en á því eru undan-
tekningar. Til dæmis var Bubba Morthens þarna að finna. Mest eru þetta
ungar konur sem blaðamenn dévaff ná í myndir af á Instagram og birta
sem sínar eigin. Fallegar stelpur vissulega og meira að segja langoftast í
fötum, þótt efnismagnið í fötunum beri þess skýr merki að fataiðnaðurinn
í Kína er í þrengingum vegna flensu. Lesendur geta þannig í einu vetfangi
fengið að vita hvað þessar stúlkur voru að bardúsa um helgina. Eiginlega
svona menningarfréttir með fyrirsögnum á borð við; „Jóhanna Helga hefur
það einfalt“, „Unnur horfði á sólsetrið með kærastanum“, „Katrín Kristins
skálaði með hagfræðingum“ eða „Andrea Röfn sötraði kaffi.“ Allt eitthvað
sem skaðar ekki að vita, en vissulega hægt að lifa án. Mjög inspírerandi
lestur fyrir okkur þessa gömlu sem liggja andvaka heilu næturnar. Ég verð
að segja að eftir þennan lestur hef ég mestar áhyggjur af óhóflegri plast-
efnanotkun ungra kvenna sem þarna birtast. Þrátt fyrir að vera í grunn-
inn fallegar ungar konur hafa þær fundið þörf fyrir að láta sprauta sílikoni
eða öðrum plastefnum undir húð og eru því t.d. með risastór kinnbein eða
varasvip eins og skilgetnar dætur Andrésar Andar. Væntanlega eftir því sem
árin líða og aldurinn færist yfir mun mesti ljóminn þó hverfa, þótt Andrés
pabbi þeirra verði alltaf eins.
En á endanum náði ég að sofna skömmu fyrir sólarupprás, en staðráðinn
í að færa þessa miklu uppgötvun mína í tal. Hafi einhver lesenda minna átt
eftir að uppgötva hina stórkostlegu dévaff síðu hvet ég viðkomandi til að
kíkja þar við.
Magnús Magnússon
Mennta- og menningarmálaráðu-
neytið hefur staðfest breytingu á
heiti brautar umhverfisskipulags í
landslagsarkitektúr við Landbún-
aðarháskóla Íslands. FÍLA, Félag
íslenskra landslagsarkitekta, hvatti
brautina til nafnabreytingar við að-
ild félagsins að umsókn brautarinn-
ar til IFLA, International Federa-
tion of Landscape Architecture,
um viðurkenningu á náminu. „Þessi
breyting gerir okkur kleift að tengja
námið enn betur við fag landslags-
arkitekta og gera sýnilegra,“ segir
Kristín Pétursdóttir brautarstjóri.
Aukin áhersla er á tengingu manns
við náttúruna og mikilvægt að sjálf-
bærni og vistvæn nálgun sé í fyrir-
rúmi. „Náttúran hefur aldrei verið
eins mikið í brennidepli og mikil-
vægt að vanda til verka til fram-
tíðar. Hvort sem það er að vernda
viðkvæmar náttúruperlur eða hanna
umgjörð sem fellur vel að umhverf-
inu þá sameinar landslagsarkitekt
þekkingu á sviði náttúru- og um-
hverfisvísinda jafnt og þekkingu á
byggingarfræði og hönnun.
Landbúnaðarháskóli Íslands hef-
ur menntað fólk í umhverfisskipu-
lagi eða bakkalár námi í landslags-
arkitektúr í nítján ár með góðum
árangri og það er því spennandi að
þróa námið enn frekar með nafna-
breytingunni,“ segir í tilkynningu
frá LbhÍ.
Háskóladagurinn
næsta laugardag
Kynning á öllu háskólanámi á Ís-
landi fer fram í Reykjavík 29. febrú-
ar nk. frá kl 12-16. „Landbúnað-
arháskóli Íslands mun kynna BS
nám í landslagsarkitektúr og MS
nám í skipulagsfræði sérstaklega í
húsakynnum Listaháskóla Íslands í
Laugarnesi. Hægt verður að skoða
verkefni og spjalla við nemendur
og kennara ásamt því að fræðast
um skólann almennt. Landbúnað-
arháskólinn mun einnig kynna sitt
nám á Háskólatorgi í HÍ og HR
ásamt öllu háskólum á Íslandi . All-
ir velkomnir,“ segir í tilkynningu.
mm
Vegagerðin hefur lagt fram frum-
matsskýrslu um mat á umhverfisá-
hrifum vegna breikkunar níu kíló-
metra Vesturlandsvegar um Kjal-
arnes. Skipulagsstofnun úrskurð-
aði í fyrrasumar að framkvæmdin
skyldi fara í umhverfismat. Sveit-
arfélög á Vesturlandi, með Akra-
neskaupstað í broddi fylkingar,
kærðu þá ákvörðun til úrskurðar-
nefndar umhverfis- og auðlinda-
mála sem vísaði kærunni frá nú í
febrúar. Á vef Skipulagsstofnunar
má nú kynna sér niðurstöðu skýrsl-
unnar. Í niðurstöðum segir orðrétt:
„Það er niðurstaða Vegagerðarinn-
ar að á heildina litið verði ekki um-
talsverð umhverfisáhrif af fram-
kvæmdinni.“
Eins og lesendur þekkja áformar
Vegagerðin í samráði við Reykja-
víkurborg breikkun Vesturlands-
vegar á 9 km kafla milli Varm-
hóla og Hvalfjarðarvegar. Mark-
mið framkvæmdarinnar er að bæta
samgöngur og auka umferðarör-
yggi vegfarenda. Á stærstum hluta
verður veginum breytt í 2+1 veg.
Jafnframt verða gerð þrjú hring-
torg, vegtengingum fækkað og
lagðir hliðarvegir, göngu-, hjóla-
og reiðstígar. Framkvæmdin fellur
undir tl. 10.07 í 1. viðauka laga nr.
106/2000 um mat á umhverfisáhrif-
um og er því háð mati á umhverf-
isáhrifum. Í frummatsskýrslunni er
gerð grein fyrir fyrirhugaðri fram-
kvæmd og metin áhrif hennar á eft-
irfarandi þætti: Landnotkun, gróð-
ur og vistlendi, fuglalíf, landslag og
ásýnd, menningarminjar, hljóðvist
og umferðaröryggi.
Frummatsskýrsluna ásamt við-
aukum má kynna sér í heild sinni í
íþróttahúsi Klébergsskóla á Kjalar-
nesi, á skrifstofu Reykjavíkurborg-
ar, í Þjóðarbókhlöðunni og hjá
Skipulagsstofnun. Hægt er að gera
athugasemdir og skulu þær vera
skriflegar og berast eigi síðar en
7. apríl 2020 til Skipulagsstofnun-
ar eða með tölvupósti á skipulag@
skipulag.is. Sérstakur kynningar-
fundur vegna skýrslunnar er fyrir-
hugaður fimmtudaginn 27. febrúar
kl. 16:00 til 18:00 í Klébergsskóla á
Kjalarnesi.
mm
Hér má sjá fyrirhugað framkvæmdasvæði og veglínuna á Kjalarnesi samkvæmt
skýrslu Vegagerðarinnar um mat á umhverfisáhrifum.
Vegagerð um Kjalarnes hefur
ekki umtalsverð umhverfisáhrif
Kristín Pétursdóttir brautarstjóri með
staðfestingu ráðherra á breytingu á
nafni brautarinnar.
Umhverfisskipulag verður
landslagsarkitektúr
Á þessum tíma árs eru margir sem
hlúa að smáfuglunum og gefa þeim
korn eða annan mat út í garða sína.
Þeirra á meðal eru mæðgurnar
Auður Pétursdóttir og Ragnhildur
Helga Jónsdóttir í Ausu í Andakíl.
Meðfylgjandi mynd er frá gjafast-
und við útihúsin í Ausu þar sem sjá
má nokkur hundruð af þeim snjó-
tittlingum sem þar þiggja reglu-
lega mat. Frá því í byrjun desemb-
er og fram í síðustu viku höfðu þær
mæðgur gefið smáfuglunum sín-
um 310 kíló af maís og 65 kg af
sólblómafræi. „Þeir eru sannkall-
aðir gleðigjafar,“ segir Ragnhildur
Helga.
mm/ Ljósm. rhj
Smáfuglarnir
margir og
þurfa sitt