Dagblaðið Vísir - DV - 15.01.2021, Blaðsíða 24

24 FÓKUS 15. JANÚAR 2021 DV
Hressandi
hugmyndir
að betri
hverfum
Stytta af Kanye West, rennibraut
í gegnum Breiðholt og löggur á
hestbaki eru nokkrar af undarlegri
hugmyndunum sem hafa borist í
verkefnið Hverfið mitt á vegum
Reykjavíkurborgar.
B etri Reykjavík, sam-ráðsvefur Reykja-víkurborgar, er vett-
vangur þar sem borgarbúar
geta gefið álit sitt á hinum og
þessum verkefnum og tekið
þátt í stefnumótun.
Nú hefur verið kallað eftir
hugmyndum í verkefnið
Hverfið mitt þar sem borgar-
búar geta komið hugmyndum
sínum um betra hverfi á
framfæri. Við fljóta skoðun
má merkja sameiginleg þemu
milli hverfa. Íbúa langar í
fleiri leiksvæði, ærslabelgi,
betri aðstöðu fyrir hunda, bætt
umhverfi og fegurri hverfi.
Þar má þá einnig finna nokkr-
ar óvenjulegar hugmyndir sem
skera sig nokkuð úr. n
Erla Dóra
Magnúsdóttir
erladora@dv.is
DANSPALLUR
Ein hugmyndin er um upphitaðan danspall í Laugar-
dalnum. Pallurinn væri í skjóli og þar væru líka hátal-
arar. „Dans er ekki með neina aðstöðu í dag úti og
er frábær forvörn og góð rækt. Það er fjöldi af fólki á
öllum aldri að stunda dans en það er engin aðstaða
sem er öllum opin.“
RÚM Í MIÐJUM LAUGARDALNUM
Stutt og laggóð tillaga barst um rúm í miðjum Laugar-
dal. Rökstuðningurinn var knappur og skýr: „Til þess
að sofa.“
NEÐANSJÁVARGÖNG Á GRANDA
Sú hugmynd hefur verið lögð fram að gera neðansjávargöng fyrir gangandi
frá Granda að Hörpu. „Það væri mikil reynsla að geta skoðað sjávarlífið og
umferð báta neðan frá og mögulega mætti bæta við lýsingu eftir þörfum og
auka á upplifunina. Reykjavíkurhöfn yrði þannig „hringur” og nýir áfanga-
staðir til.”
STYTTA AF KANYE WEST
Sú óhefðbundna hugmynd barst
að reisa styttu af rapparanum
Kanye West á Sundlaugartúni
við Vesturbæjarlaug eða Landa-
kotstúni við Vesturgötu. Rökin
eru eftirfarandi: „Þetta myndi
koma Vesturbæ í heimsfjölmiðla.
Borgin gæti boðið hr. West og frú
Kardashian West að vígja stytt-
una þegar hún verður reist. Það
mun leiða til þess að aðdáendur
þeirra geri sér ferð til að skoða
styttuna og þ.a.l. verða til þess
að þetta væri menningarlegt tákn
Vesturbæjar og jafnvel Íslands.
Friðarsúlan er dæmi um verkefni
sem tengist poppmenningu og
hefur gengið gríðarlega vel og er
þessi hugmynd ekki síðri en hún.”
LEIÐIR FRÁ EFRA-BREIÐHOLTI YFIR Í NEÐRA
Breiðhyltingum virðist umhugað um að fá nýjar leiðir til
að ferðast milli Efra- og Neðra-Breiðholts en nokkrar
ólíkar hugmyndir hafa borist um hvernig það sé fram-
kvæmanlegt. Risarennibraut er ein hugmynd, zip-línur
er önnur, þrekstigi er líka nefndur sem hugmynd og
svo aparóla.
STYTTA AF STELLU Í ORLOFI
Einn vill sjá styttu af frú Stellu
úr myndinni Stella í orlofi
í Hæðargarði, en það var
heimili hennar í myndinni.
Rökin? „Bæði til gamans og
til þess að sýna vinsælasta
kvenkarakter í íslenskri kvik-
myndasögu virðingu. Stella er
goðsögn sem á skilið að fá styttu.“
LIFANDI BÓKASAFN
Ein frumleg hugmynd er um það sem kallast lifandi
bókasafn þar sem hægt væri að bóka samverustund
með sögumanni eða -konu. Þetta væri gert til að
minnka einmanaleika og rjúfa félagslega einangrun.
„Opna aðstöðu og setja upp heimasíðu þar sem hægt
er að bóka samverustund með sögumanni eða -konu,
lifandi bókasafn.“
RÍFA SKUGGAHVERFIÐ
Líklega mun róttæka hugmyndin að rífa Skuggahverfið
eins og það leggur sig ekki ná fram að ganga. En sá
sem stakk upp á því vill losna við það sem hann kallar
„ljótustu blokkir Íslands“. „Þær eru lýti á borginni. Ef
ekki er hægt að rífa þær, þá mætti alla vega gera þetta
að almennilegri borgarmynd með landfyllingu hinum
megin við Sæbrautina þar sem reistir yrðu jafnháir
skýjakljúfar ætlaðir félagsíbúðum.“
„HOLLYWOOD“-SKILTI Í ÖSKJUHLÍÐ
Ein hugmyndin lýtur að skilti í Öskjuhlíðinni að fyrir-
mynd Hollywood-skiltisins í Bandaríkjunum, en hug-
myndasmiði þykir Öskjuhlíðin eiga ýmislegt sam-
eiginlegt með Hollywood. „Öskjuhlíðin er á margan
hátt keimlík Hollywood-hæð. Í fyrsta lagi er einstakt
útivistarsvæði að finna á báðum stöðum. Í öðru lagi
er að finna útsýnispalla á báðum stöðum, Griffith Ob-
servatory og svo í Perlunni. Í þriðja gnæfa bæði Holly-
wood-hæð og Öskjuhlíð yfir borgarland og gefa þannig
hinu daglega amstri uppbrot og veita lífinu lit. Það eina
sem er ólíkt með þessum stöðum er sem stendur að
það er ekkert skilti í Öskjuhlíð.“
LÖGGUR Á HESTBAKI
Einn vill sjá lögreglumenn á hestbaki í miðbænum líkt
og þekkist víða erlendis. „Fyrir utan gagnsemi þess til
almennra lögreglustarfa þá væri það bara krúttlegt.
Gott fyrir ímyndarsköpun lögreglunnar og gaman fyrir
borgara og túrista.“
LITLA HAFPULSAN
Einn vill sjá afsteypu af verki Steinunnar Gunnlaugs-
dóttur, Litlu hafpulsunni, á áberandi stað við Tjörnina.
„Verkið vakti gríðarlega athygli og umræðu. Hún vísar
í söguna á húmorískan máta, því pulsan er hluti af
matar-menningararfleifð okkar frá Danmörku þar sem
hinnar frægu Hafmeyju H.C. Andersen er minnst með
bronsstyttu við ströndina. Með þessu fögnum við ný-
lenduarfleifð okkar og sköpum minnismerki sem með
tímanum á eflaust eftir að verða vinsæll staður fyrir
bæði heimamenn og ferðalanga að taka myndir af.“
GARÐSLÁTTUR
Líklega er það íbúi hokinn af reynslu sem kom með þá
hugmynd að banna hávaðasama vinnu og garðslátt á
sunnudögum. Rökstuðningurinn var eftirfarandi: „Bara
til að njóta sunnudaga án óþarfa hljóðmengunar.“
LAUGARDALUR
BREIÐHOLT
HÁALEITI OG BÚSTAÐIR
HLÍÐAR
VESTURBÆR MIÐBORG
MYND/GETTY