Morgunblaðið - 20.06.2020, Side 14

Sigurður Bogi Sævarsson
sbs@mbl.is
Fyrstu hóparnir sem sinna Hálend-
isvakt Slysavarnafélagsins Lands-
bjargar héldu í gær upp á öræfi og
verða næstu dagana í Landmanna-
laugum. Lagt var upp frá Olís í
Norðlingaholti í Reykjavík síðdegis
og þar – og víðar á landinu – voru
vegfarendur teknir talir og þeim
kynnt öryggisatriði á ferðalögum.
Það eru liðsmenn Björgunarsveitar
Hafnarfjarðar sem byrja vaktina í
Laugum, en aðrir koma í þeirra stað
á sunnudag um næstu helgi.
Í Drekagil og Nýjadal
Eftir tíu daga verður björgunar-
sveitarfólk úr öðrum deildum komið
í Drekagil í Dyngjufjöllum norðan
Vatnajökuls og í Nýjadal við
Sprengisandsleið. Þá verða hópar á
vakt í Skaftafelli í júlímánuði og
jafnvel lengur, enda margir á ferð-
inni þar og annars staðar á
Vatnajökulssvæðinu.
„Meðal okkar fólks í björgunar-
sveitunum er eftirsótt að sinna Há-
lendisvaktinni. Á hverju sumri sinn-
ir vaktin, sem um 200 manns úr
sveitum víða á landinu koma að, um
2.000 atvikum og aðstoðarbeiðnum.
Af þeim eru um 15% bráðamál; það
er slys, bráð veikindi eða leit að
týndu fólki og þá þarf að bregðast
skjótt við. Í slíkum tilvikun sannast
gildi Hálendisvaktarinnar mjög
sterkt,“ segir Jónas Guðmundsson,
verkefnisstjóri hjá Slysavarnafélag-
inu Landsbjörg.
Þetta er 15. sumarið sem Hálend-
isvaktinni er haldið úti en hún
stendur fram í ágúst ár hvert. Fljótt
kom í ljós að viðvera af þessum toga
væri nauðsynleg, en forvarnir og
upplýsingagjöf til ferðamanna eru
hér gildur þáttur. Taka fólk tali og
vísa því veginn. Þar með er talið
verkefnið Safetravel þar sem ferða-
menn geta sett inn rafrænar ferða-
áætlanir sem geta skipt sköpum við
leit og björgun eins og oft hefur
komið á daginn.
Morgunblaðið/Eggert
Samtal Jónas Guðmundsson leggur á ráðin. Björgunarsveitarfólk úr Hafnarfirði er með vaktina fyrstu dagana.
Hálendisvaktin er farin
í Landamannalaugar
 200 björgunarsveitarmenn verða á öræfum í sumar
Morgunblaðið/Eggert
Útbúnaður Torfæruhjóli komið fyrir á bílpalli. Allt getur gerst í öræfaferð-
um og tekur viðvera og tækjakostur hjálparsveitanna mið af því.
14 FRÉTTIRInnlent
MORGUNBLAÐIÐ LAUGARDAGUR 20. JÚNÍ 2020
Nýverið varði Elías Mikael Vagn
Siggeirsson doktorsritgerð sína í
varma- og straumfræði við
tækniháskólann Chalmers í Gauta-
borg. Doktorsverkefnið ber titilinn
„Aerodynamics of an Aeroengine
Intermediate Compressor Duct: Ef-
fects from an Integrated Bleed Sys-
tem“ og fjallar um nýtingu og
tölvuhermanir á flæði lofts í af-
mörkuðum hluta flugvélahreyflis.
Flugvélahreyflum, sem eru á nú-
tíma farþegaflugvélum, er venju-
lega hægt að skipta í 3 kerfi, þjöpp-
un, brunahólf og hverfil. Doktors-
verkefni Elíasar fjallar um
tengingu lág- og háþrýstikerfa í
þjöppunarfasa hreyfilsins, segir í
tilkynningu.
Markmið verkefnisins var tví-
þætt. Í fyrsta lagi að skilja betur
hegðun loftflæðis í viðkomandi
hluta hreyfilsins þegar hreyfillinn
þarf að skila minna afli en hann er
hannaður fyrir, t.d. þegar flugvélin
lækkar flugið til lendingar. Í öðru
lagi snerist verkefnið um að beita
þróaðri herm-
unarmódelum en
hingað til hefur
verið beitt í
þessu samhengi.
Elías lauk
stúdentsprófi af
náttúrufræði-
braut frá
Menntaskólanum
á Akureyri árið
2009, BSc-prófi í
vélaverkfræði frá Háskóla Íslands
árið 2012 og MSc-prófi í vélaverk-
fræði frá tækniháskólanum Chal-
mers í Gautaborg árið 2015. Sam-
býliskona hans er Guðrún María
Guðjónsdóttir, sem kláraði MSc-
próf í byggingarverkfræði frá
tækniháskólanum Chalmers í
Gautaborg árið 2016, og eiga þau
saman dótturina Þóreyju Elísabetu
Elíasdóttur.
Foreldrar Elíasar eru Hrafn-
gerður Ösp Elíasdóttir leiðbeinandi
og Siggeir Stefánsson framleiðslu-
stjóri.
Varði doktorsritgerð um nýtingu og tölvu-
hermanir á flæði lofts í flugvélahreyfli
Elías Mikael
Vagn Siggeirsson
Lokamót meistaradeildar í hestaíþróttum fer fram á
Brávöllum á Selfossi í dag. Mótið er haldið í tengslum við
Íslandsmót barna og unglinga sem fram fer á Selfossi
þessa dagana. Keppt verður í tölti og flugskeiði og að því
búnu verður meistari deildarinnar krýndur. Keppni
hefst klukkan 19 en áður verður boðið upp á grillmat og
Ingó veðurguð lætur eitthvað til sín heyra.
Jakob Svavar Sigurðsson, meistarinn frá síðasta ári,
er langstigahæstur fyrir lokamótið og líklegur til að
verja titilinn. Hann er með 38 stig en Viðar Ingólfsson er
með 23 stig. Viðar á þó raunhæfa möguleika á að vinna
muninn upp.
Sjóður stofnaður til stuðnings Eddu Rúnar
Knapar í meistaradeildinni munu keppa til stuðnings
Eddur Rúnar Ragnarsdóttur knapa vegna afleiðinga
slyss sem hún varð fyrir þegar hún féll af hestbaki í maí
sl. Í töltinu munu þeir bera armband og í skeiðinu klæð-
ast þeir bolum merktum „FyrirEddu“.
Stofnaður verður sjóður til að styðja fjárhagslega við
bakið á Eddu Rún og fjölskyldu hennar. Hægt er að sjá
reikningsnúmer á vef meistaradeildar, meistaradeild.is.
Keppa til stuðnings Eddu
 Lokamót meistaradeildar í hestaíþróttum á Selfossi í kvöld
Ljósmynd/aðsend
Meistaradeild Jakob Svavar Sigurðsson stendur best
að vígi í baráttunni um meistaratitilinn.
„Við höfum tekið á móti nokkrum
viðskiptavinum og finnum fyrir
auknum áhuga. Fleiri bókanir berast
nú en undanfarna mánuði. Það er þó
ennþá hægur gangur,“ segir Hlynur
Elfar Þrastarson, framkvæmda-
stjóri Kúkú campers ferðabílaleig-
unnar, um viðskiptin eftir að slakað
var á takmörkunum ferðalaga til
landsins.
„Við finnum fyrir því að áhuginn á
landinu hefur ekkert dvínað. Bókun-
um hefur fjölgað en flestir eru að
spyrjast fyrir um hvernig kerfið hér
virkar og fá upplýsingar um hvort
við teljum að þeir geti komið til
landsins á tilteknum tíma. Maður má
því vera bjartsýnn um framhaldið
fyrir ferðaþjónustuna, ég tala nú
ekki um þegar faraldurinn hjaðnar
enn frekar. Þó má gera ráð fyrir að
hún verði með breyttu fyrirkomu-
lagi,“ segir Hlynur.
Starfsemi fyrirtækja sem leigja út
ferðabíla er mjög árstíðabundin og
liggur mikið í dvala yfir vetrartím-
ann. Bílarnir eru því í geymslu.
Vegna afleiðinga kórónuveirufarald-
ursins hefur sá tími lengst. Jafn-
framt hefur fyrirtækið þurft að nýta
sér úrræði stjórnvalda og fækkað
starfsfólki. Hlynur segir að starfs-
fólk hafi nýtt tímann til að halda við
bílaflotanum. Því sé hægt að ræsa
hann með stuttum fyrirvara og kalla
inn starfsfólk eftir verkefnum. Segir
hann þó nauðsynlegt að fara varlega
í það því ekki sé gott að þurfa að
fækka aftur, ef verkefni minnka aft-
ur í haust.
Sértilboð til Íslendinga
Erlendir ferðamenn hafa borið
uppi viðskiptin hjá Kúkú campers.
Nú hefur fyrirtækið, eins og mörg
önnur ferðaþjónustufyrirtæki, boðið
Íslendingum að leigja sér ferðabíl í
sumar á sérkjörum. „Viðtökur hafa
verið vonum framar. Margir hafa
bókað bíla í sumar og einhverjir eru
farnir af stað,“ segir Hlynur Elfar.
helgi@mbl.is
Áhuginn á land-
inu ekki dvínað
 Bókanir að aukast hjá ferðabílaleigu
Ferðalag Ferðabíll frá Kúkú camp-
ers á fallegum ferðamannastað.
Lækjargata 34a / 220 Hafnarfjörður
- Við erum hér til að aðstoða þig! -
• Sérsmíðaðir skór
• Skóbreytingar
• Göngugreiningar
• Innleggjasmíði
• Skóviðgerðir
Erum með samning við
sjúkratryggingar Íslands
Tímapantanir í síma 533 1314