Morgunblaðið - 20.06.2020, Qupperneq 45
MENNING 45
MORGUNBLAÐIÐ LAUGARDAGUR 20. JÚNÍ 2020
Kristinn R. Þórisson hefur gefið
út sína fyrstu sólóplötu, 33 árum
eftir að síðast kom út lag eftir
hann með hljómsveitinni Sonus
Futurae. Hljómsveitin var fyrsta
hljóðgervlahljómsveit landsins, að
því er fram kemur í tilkynningu,
og hlaut athygli á árunum 1982-3
fyrir tölvupopp sitt á plötunni
Þeir sletta skyrinu en lögin voru
samin af Kristni og útsett fyrir
trommuheila og hljóðgervla af
honum og Þorsteini Jónssyni.
„Um tíma samdi Kristinn lög
og texta með hljómsveitinni
Hungangstunglinu og lék á tíu
strengja hljóðfærið „Stick“. Síð-
ustu áratugi hefur hann helgað
sig rannsóknum og nýsköpun í
gervigreind og tengdri tækni,“
segir í tilkynningu en elsta lagið
á hinni nýju plötu nefnist „Secr-
ets via Satellite“ og var samið
fyrir 30 árum þegar Kristinn
starfaði hjá Geimferðastofnun
Bandaríkjanna, NASA, við undir-
búning á aþjóðlegu geimstöðinni
ISS en enskur texti þess og nafn
plötunnar vísar í gervihnetti og
kalda stríðið.
Kristinn gefur plötuna út undir
listamannsnafninu Kristinn R og
hefur hann verið að undirbúa
efni hennar síðustu þrjá áratugi,
eins og segir í fyrrnefndri til-
kynningu.
Tónlistin er í ætt við rokk en
þó hljóðgervlaskotin og greina
má áhrif tölvupopps á stöku stað.
Platan inniheldur sex lög og má
finna þau á öllum helstu streym-
isveitum.
33 ár Langt er liðið frá því Kristinn sendi síðast frá sér lag, um 33 ár.
Samdi elsta lagið fyrir
30 árum hjá NASA
Ragnheiður Birgisdóttir
ragnheidurb@mbl.is
Hljómsveitin Dymbrá gaf út sam-
nefnda smáskífu 12. júní. Útgáf-
unni verður fagnað með tónleikum
í Listasafni Íslands kl. 14 í dag.
Dymbrá skipa menntskæling-
arnir Eir Ólafsdóttir, Eyrún Úa
Þorbjörnsdóttir og Nína Solveig
Andersen. Þær hófu samstarfið
vorið 2018 og tóku þátt í Músíktil-
raunum sama ár, þá undir nafninu
Umbra. Eir nefnir að hlé hafi þó
orðið á samstarfinu þegar hún sjálf
flutti til Spánar þá um haustið.
Stöllurnar tóku svo upp þráðinn
þegar Eir flutti heim til Íslands á
ný.
Stelpurnar í Dymbrá kynntust í
grunnskóla og stunda nú allar nám
við Menntaskólann við Hamrahlíð.
Þær eru allar með tónlistarnám á
bak við sig; miðpróf hver á sitt
hljóðfæri, selló, fiðlu og flautu, auk
náms í tónfræði og öðru sem til-
heyrir hljóðfæranáminu. Nína og
Eir hafa auk þess lagt stund á
söng.
Mikið um hrókeringar
Þær lýsa tónlistinni sem til-
raunakenndri og lágstemmdri.
Hún teygir sig bæði í átt að klassík
og poppi. Á plötunni er notast við
ýmis hljóðfæri, bæði klassísk og
rafmagnshljóðfæri, auk óhefðbund-
inna hljóðfæra, þar á meðal flösku.
Eir sér um sellóleik á plötunni,
en spilar líka á bassa og syngur.
Nína er fiðluleikari, spilar á hljóm-
borð og syngur. Eyrún er flautu-
leikari hljómsveitarinnar, en spilar
einnig á klukkuspil. „Svo flökkum
við reyndar mikið milli hljóðfæra,
ég held til dæmis að við spilum all-
ar á bassa á plötunni,“ segir Ey-
rún. „Það er mikið um hróker-
ingar.“
Eir, Nína og Eyrún tóku þá
ákvörðun að sjá sjálfar um sem
flest í útgáfuferlinu. Því fylgdi
mikil rannsóknavinna og mismun-
andi námskeið í ólíkum þáttum
þess að taka upp og gefa út plötu.
Þær sáu um allar lagasmíðar, allan
hljóðfæraleik og söng. Þær brugðu
sér einnig í hlutverk hljóðmanna,
upptökustjóra og umboðsmanna,
ásamt fleiru.
„Þetta var mjög áhugavert,“
segir Eir um reynsluna af því að
sjá sjálfar um allt sem við kom
plötunni. „Það var aðallega Nína
sem hafði lært á upptökur og svo-
leiðis. Við fórum ábyggilega rosa-
lega miklar krókaleiðir í kringum
margt, af því við kunnum ekkert
sérstaklega vel á þetta. En það var
líka rosalega gott að gera þetta
sjálfar að því leyti að þá gátum við
haldið öllu eins og við vildum hafa
það og höfðum kannski meira frelsi
til þess að segja og gera það sem
við vildum. Um leið og það eru
komnir fleiri í spilið þá ritskoðar
maður sig alltaf aðeins meira.“
„Þetta bara gerðist“
Eins og fram hefur komið semja
liðskonur Dymbrá tónlistina sjálf-
ar. Eir segir þær þó ekki vera
vissar hvaðan innblásturinn að
plötunni sé kominn.
„Við hlustum ekki mikið á svona
tónlist sjálfar. Við erum mikið í því
að hlusta til dæmis á gamalt rokk
og norska söngkonan AURORA er
í uppáhaldi hjá okkur öllum,“ segir
Eir. „En það eru ekki margar
hljómsveitir sem við hlustum á
sem eru að spila svona tónlist svo
við vitum ekki alveg hvaðan þetta
kemur. Við ákváðum aldrei að
spila svona tónlist. Þetta bara
gerðist.“
Stelpurnar í Dymbrá hafa unnið
að plötunni síðan í ágúst í fyrra en
lögin eru öll samin fyrir um það bil
tveimur árum. Smáskífan hefur að
geyma fimm lög. Platan í heild er
aðgengileg á Spotify og öðrum
streymisveitum. Áhugasamir eru
hvattir til að láta sjá sig á útgáfu-
hófinu í dag, þar sem flutt verða öll
lög plötunnar auk þess sem nýtt
efni verður frumflutt.
Allt eins og þær vilja hafa það
Hljómsveitin Dymbrá gefur út tilraunakennda smáskífu Menntskælingar sem brugðu sér í
hlutverk hljóðmanna, upptökustjóra og umboðsmanna Útgáfutónleikar í Listasafni Íslands í dag
Ljósmynd/Gunnar Björn Gunnarsson
Dymbrá Hljómsveitina skipa Nína Solveig Andersen, Eir Ólafsdóttir og Eyrún Úa Þorbjörnsdóttir. Þær gáfu út sína fyrstu smáskífu fyrr í júní.
Stærðir eru breytilegar og hægt að innrétta að vild. Umhverfið er í miðju fjölbreyttu miðborgarlífinu með mikla nálægð við
ferðamenn. Möguleikarnir eru endalausir en rýmin henta vel ýmiskonar rekstri s.s. gullsmiði, snyrtistofu, hárgreiðslustofu,
kaffihús, heilsubúð, mörkuðum af ýmsu tagi, listamönnum, einnig sem skrifstofur s.s lögfræðistofur, auglýsingastofur og
arkitektar svo fátt eitt sé nefnt. Einnig gefst kostur á að tengja saman rekstur og búsetu í sama húsnæðinu. Brynjureitur
afmarkast af Laugavegi 27 a og b og Hverfisgötu 40-44 og á milli þeirra liggur ný og skemmtileg göngugata sem getur
skapað sér sérstöðu í hringiðu miðbæjarins og hefur fengið nafnið Kasthúsastígur.
Við Laugaveg 27 a og b eru stærði í boði á bilinu 31 m² til 239 m² en við Hverfisgötu frá 60 m² til 255 m².
Nýtt og spennandi verslunar- og
þjónustuhúsnæði á Brynjureit
TIL LEIGU
Nánari upplýsingar veita:
Evert Guðmundsson löggiltur fasteignasali í s. 823 3022 evert@atvinnueign.is
Halldór Már Sverrisson löggiltur fasteignasali í s. 898 5599 halldor@atvinnueign.is
Helgi Már Karlsson löggiltur fasteignasali í s. 897 7086 hmk@jofur.is
Ólafur Jóhannsson löggiltur fasteignasali í s. 824 6703 olafur@jofur.is