Morgunblaðið - 07.07.2020, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 7. JÚLÍ 2020
Skeifunni 8 | Sími 588 0640 | casa.is
ítölsk hönnun – ítölsk framleiðsla
STAN Model 3035 rafmagn
L 206 cm Áklæði ct. 70 Verð 609.000,-
L 206 cm Leður ct. 10 Verð 729.000,
CASA býður upp á vaxtalausar raðgreiðslur (með Visa / Euro) í allt að 6 mánuði.
Margir hafa lagt leið sína til Naut-
hólsvíkur á góðviðrisdögum að und-
anförnu og var síðastliðinn sunnu-
dagur engin undantekning.
Óttarr Hrafnkelsson, deildar-
stjóri ylstrandarinnar, segir að að-
sóknin sé ávallt góð þegar sólin skín.
„Þetta er samt sem áður bara Ís-
land, ekki alveg eins og á Tenerife.
Manni verður kannski kalt þegar
líður á,“ segir hann. Fólk stoppi því
gjarnan og baði sig í sólinni í einn til
tvo klukkutíma, en þegar margt er
getur fjöldinn farið upp í 4.000
manns.
„Það er náttúrlega mjög mikið að
gera hjá okkur á vorin, þegar
grunnskólanemarnir eru á leið í
sumarfrí. Þá er kannski búið að
tæma kennsludagskrána svo hóp-
arnir koma oft eftir hádegi,“ segir
hann.
Gætt er að sóttvörnum á ylströnd-
inni að sögn Óttars. „Þetta gengur
ágætlega. Það er náttúrlega spritt
til staðar og hægt að þvo sér um
hendurnar og slíkt,“ segir hann.
Sól og góður lofthiti hefur vitan-
lega góð áhrif á aðsóknina. Veðrið
var einstaklega gott á sunnudaginn
og nutu landsmenn veðurblíðunnar
ýmist í sundlaugum, fjallgöngum, á
ylströndinni og víða annars staðar.
Búast má við svipaðri aðsókn á yl-
ströndina út júlí.
„Það er ekkert yfirgengilega mik-
ið að gera, þótt það komi þéttir dag-
ar. Þegar sumartíminn dettur inn,
eins og í júlí, þá fer að verða mjög
mikið að gera,“ segir Óttar.
Fjöldi sækir
ylströndina heim
 Gæta sóttvarna í ljósi aðsóknar
Morgunblaðið/Eggert
Sólbað Íslendingar eru ekki lengi að leggja leið sína á ylströndina þegar sú gula lætur sjá sig. Margir nutu vel.
Víðir Reynisson yfirlögregluþjónn
og Sigrún María Kristjánsdóttir,
kona hans, fengu kærkomna hvíld
frá kórónuveiruamstrinu um
helgina og skelltu sér til Vest-
mannaeyja á árlega goslokahátíð,
en Víðir er fæddur og uppalinn í
Eyjum. Víðir segir að sóttvarna-
ráðstafanir hafi verið til fyrir-
myndar. „Mér fannst menn fara
nokkuð gætilega að deginum til.
Það var alls staðar spritt og Vest-
mannaeyingar mjög passasamir,“
segir Víðir og bætir við að margir
hafi séð ástæðu til að benda honum
á að sóttvarnir hjá þeim væru til
fyrirmyndar, þegar hann gekk
fram hjá. Klukkan 23 var bænum
lokað í samræmi við sóttvarna-
reglur en Víðir segir að hátíðar-
gestir hafi ekki látið það angra sig.
Hátíðin hafi verið öðruvísi í ár en
áherslan lögð á fjölskylduskemmt-
un.„Það var rólegt yfir bænum um
miðnætti en fólk frekar í heima-
partíum,“ segir Víðir sem kíkti
sjálfur í tvö slík áður en hann lét
gott heita.
Allt til fyrirmyndar
í Vestmannaeyjum
 Stutt en kærkomið frí á heimaslóðum
Morgunblaðið/Óskar Pétur
Goslokahátíð Hjónin fögnuðu goslokum í góðra vina hópi um helgina.
Helgi Bjarnason
helgi@mbl.is
Hægst hefur á hækkun vatnsyfir-
borð Blöndulóns vegna kólnandi
veðurfars á hálendinu Það og
keyrsla Landsvirkjunar á Blöndu-
virkjun gerir það að verkum að
Blöndulón fer væntanlega ekki á yf-
irfall fyrr en seinni hluta mánaðar-
ins eða undir mánaðamót. Þegar
jökulvatnið nær inn í ána litast hún
og erfitt getur orðið að veiða.
Vatnið í Blöndulóni hækkaði hratt
í júnímánuði, hraðar en lengi hefur
sést. Var vatnsyfirborð hennar kom-
ið í rúmlega 477 metra yfir sjó og
með sama áframhaldi hefði vatnið
farið að flæða yfir Blöndustíflu nú í
fyrrihluta mánaðarins en stíflan er í
478 metra hæð yfir sjávarmáli.
Veiðimenn, leigutakar og landeig-
endur höfðu af þessu áhyggjur enda
verður áin illveiðanleg þegar jök-
ulvatnið flæðir yfir. Við það hækkar
venjulega í Blöndu og hún litast.
Ragnhildur Sverrisdóttir, upp-
lýsingafulltrúi Landsvirkjunar,
bendir á að með rekstri Blöndu-
stöðvar hafi Blanda breyst til hins
betra sem veiðiá. „Landsvirkjun er
umhugað um samstarf við hags-
munaaðila og umhverfi Blöndu, rétt
eins og í öðrum aflstöðvum. Það hef-
ur hins vegar ávallt verið ljóst að í
hagstæðu árferði, þar sem lónið fyll-
ist hratt, þá er viðbúið að það fari á
yfirfall í lok júlí eða byrjun ágúst-
mánaðar. Veiðimenn hafa ávallt vit-
að að þegar það gerist, þá kemur
það í veg fyrir veiði,“ segir Ragn-
hildur í skriflegu svari. Oftast hefur
innrennslið þó verið minna en í ár og
áin ekki farið á yfirfall fyrr en ein-
hvern tímann í ágúst eða septem-
ber.
Nú virðist hafa dregið úr inn-
rennsli í kjölfar kólnandi veðurs. Þá
hefur Landsvirkjun nýtt allt það
svigrúm sem hefur verið fyrir hendi
í flutningskerfinu til að auka vinnslu
Blöndustöðvar og þar með rennsli
niður Blöndu gegnum vélar stöðv-
arinnar, og mun halda því áfram, að
sögn Ragnhildar. Eins og staðan er í
dag er þó líklegt að Blöndulón fyllist
seinni hluta júlímánaðar en gæti þó
dregist fram til mánaðamóta, að
hennar sögn.
Opna ekki botnlokur
Haft var eftir formanni Veiði-
félags Blöndu, Sigurði Inga Guð-
mundssyni, í veiðipistlinum Sporða-
köstum sem birtist á mbl.is um
helgina, að Landsvirkjun hefði hafn-
að því að auka rennslið með því að
opna fyrir botnlokur Blöndulóns og
fresta þannig yfirfalli. Ragnhildur
segir að margfalda þyrfti rennslið
niður Blöndu til að fresta yfirfalli og
það hafi aldrei verið gert. Slíkur
flaumur gæti hugsanlega haft alvar-
legar afleiðingar, til dæmis fyrir líf-
ríki árinnar og rof á árbökkum.
Blanda fer á yfirfall í júlímánuði
 Kólnandi veður og keyrsla Blöndustöðvar vinnur á móti methækkun vatnsyfirborðs lónsins í júní
Morgunblaðið/Einar Falur
Við Blöndu Veiðimenn fylgjast spenntir með litnum á Blöndu þessa dagana.