Morgunblaðið - 07.07.2020, Blaðsíða 17

UMRÆÐAN 17
MORGUNBLAÐIÐ ÞRIÐJUDAGUR 7. JÚLÍ 2020
Alltaf er manni sagt
að maður geti orðið það
sem maður vill, við öl-
um börnin okkar upp á
þessum orðum.
Sannleikurinn er
ekki svo einfaldur.
Fólkið sem ákveður að
eignast börn fyrst,
vinna, koma sér fyrir í
lífinu og mennta sig
svo, það fólk á ekkert svo auðvelt með
að „verða það sem það vill verða“ eða
mennta sig í því sem það langar.
Að sækja um nám
Við hjónin höfum bæði lokið ígildi
stúdentsprófs, ég hjá frum-
greinadeild HR og hann hjá Keili, og
þetta nám er hannað og ætlað fyrir
fólk eins og okkur, sem ákvað að fara
aðrar leiðir í lífinu en að byrja á því að
mennta sig. Námið er auglýst þannig
að það ætti að veita þér inngöngu inn í
flesta háskóla hérlendis sem og er-
lendis.
Er það raunin? Aldeilis ekki!
Nú sóttum við bæði um nokkrar
brautir í HA í fyrrahaust, hann sótti
um þrjár brautir og ég tvær, við
útskrifuðumst bæði með mjög fínar
einkunnir. Við komumst ekki inn í
neitt af því sem við sóttum um vegna
þess að við uppfylltum í rauninni ekki
þessa kröfu; að vera með stúdents-
próf.
Þetta er svarið sem allir fá sem fá
synjun: Umsækjandi uppfylli ekki
inntökuskilyrði; staðfest afrit af
námsferli/stúdentsprófi/prófskírteini
barst ekki í tæka tíð; forgangsraða
þurfti umsóknum vegna mikillar að-
sóknar og umsóknin ekki uppfyllt
nægilega þá matsþætti sem voru til
grundvallar.
Meðaleinkunn 8,XX ekki nóg
Maðurinn minn sækir svo um lög-
reglunám við HA núna og fær synjun
á sömu forsendum. Sem er óskiljan-
legt svona miðað við hvað er stans-
laust verið að tala um hvað vantar
mikið af lögreglumönnum hér, og
þessi maður á fullt erindi í þetta starf
þó ég segi sjálf frá (hlutlaust mat). Og
þegar fólk er orðið eldra en 35 ára er
það komið með ágætis lífs- og starfs-
reynslu, orðið þroskaðra en nýútskrif-
aður menntskælingur, búið að upplifa
hitt og þetta sem gefur fólki aðra sýn
á lífið og er með aðrar áherslur en
þegar maður er um tvítugt.
Hefði maður haldið að horft væri á
þessi atriði, já. Er það raunin? Virðist
ekki vera, sem er einstaklega sorglegt
þar sem það vantar gott fólk í þessi
störf. Einnig er kynjakvóti í lögregl-
unámið, þeir taka inn jafnmikið af
konum og körlum þó svo að annað
kynið gæti verið hæfari einstaklingur
en hitt.
Þessi pistill snýst alls ekki einungis
um lögreglunámið, heldur aðgengi að
námi fyrir fólk sem er komið með lífs-
reynslu, með vinnu, heimili og börn,
langar að mennta sig meira og
„verða“ loksins eitthvað. Sem dæmi
eftir synjunina í lögreglufræðinni
ákveður hann að sækja um sálfræði-
braut við HA þangað til aftur opnast
fyrir inntöku í lögreglufræði (eftir s.s.
ár). Sálfræði er einnig áhugasvið og
tengist nú að miklu leyti starfi lög-
reglu. Hann fær enn og aftur synjun á
sömu forsendum. Maður með með-
aleinkunn ágætlega yfir átta.
Framboð í lágmarki
Það bjóða ekki allir skólar hér upp
á fjarnám fyrir fólk „eins og okkur“.
Við höfum ekki tök á því að stunda
nám við Hí, við höfum ekki tök á því
að hætta að vinna og henda okkur í
staðnám, þess vegna er fjarnám svo
sniðugt og besti kosturinn.
Háskólinn á Akureyri er eini skól-
inn sem býður upp á fjarnám á öllum
brautum hjá sér en hann tekur ekki
inn fólk sem útskrifast frá Keili, og
greinilega ekki HR heldur. Háskóli
Íslands er með einstaklega lélegt
fjarnámsframboð, nánast ekki neitt;
Bifröst er ekki fyrir millistéttarfólk
eins og mig sjálfa, og Háskólinn í
Reykjavík ekki heldur, bara skóla-
gjöldin í þeim skólum geta sligað fólk.
Þetta gerir manni nánast ómögulegt
að mennta sig komin á þennan aldur
ef þú þarft að taka fjarnám með
vinnu.
Nú erum við bæði komin yfir 30 ár-
in, höfum lagt blóð, svita og nánast
tár í það að ná okkur í þá menntun
sem á að gera okkur kleift að sækja
um háskóla svo maður geti nú orðið
það sem maður vill þegar maður
„verður stór“. Nei, því miður, þú get-
ur ekki orðið það sem þú vilt! Eru
þetta skilaboðin sem við þurfum að
fara að segja börnunum okkar? Mikið
vona ég ekki. Við erum fyrirmynd-
irnar þeirra, við viljum sýna þeim að
sama hvað þá getirðu alltaf menntað
þig.
Ekki þau einu
Við könnuðum málið og höfðum
samband við framhaldsskóla hér í
bænum og könnuðum hvað vantaði
upp á til þess að fá fullgilt stúdents-
próf miðað við að komast inn á t.d.
viðskiptabraut. 13 áfanga vantaði upp
á, 13! Við sendum inn einkunnir og
allt sem þurfti, sem annað okkar hafði
lokið á öllum námsferlinum, mörg ár
aftur í tímann.
Finnst okkur þetta bara í lagi, að
fólk sem er búið að leggja á sig að ná
sér í þessa menntun komist ekki í há-
skóla eftir að hafa lokið strembnu
námi með þetta að markmiði?
Í ljósi þess að ungur drengur
nýútskrifaður steig fram með sína
sögu á visir.is, dúx með nánast full-
komna mætingu sem „lenti“ í þessu
sama, að komast ekki þarna inn því
framhaldsskólinn sem hann var í upp-
fyllir ekki þær kröfur sem HA setur,
þá finnst mér kominn tími á að þetta
inntökuferli verði endurskoðað hjá
Háskólanum á Akureyri og að ein-
hver stígi inn í.
Nú biðla ég til ráðherra og annarra
sem að málinu koma að gera eitthvað
í þessu, það er óboðlegt að fólk sem
hefur metnað, vilja og getu til að
mennta sig geti það ekki.
Eins og gefur að skilja erum við
einstaklega ósátt og svekkt yfir þessu
og finnst þörf á að varpa ljósi á þetta.
F.h. allra „ómenntaðra“ foreldra
og annarra í sömu stöðu.
Hvað ætlarðu að
verða þegar þú
verður stór?
Eftir Kolbrúnu Evu
Kristjánsdóttur
og Heimi Frey
Heimisson
» Fólkið sem ákveður
að eignast börn
fyrst, vinna, koma sér
fyrir í lífinu og mennta
sig svo, það fólk á ekk-
ert svo auðvelt með að
„verða það sem það vill
verða“ eða mennta sig í
því sem það langar.
Höfundar eru óháskólagengnir,
ennþá að minnsta kosti.
Heimir Freyr
Heimisson
Kolbrún Eva
Kristjánsdóttir
86
ÁRA
Starfsmannafatnaður
fyrir hótel og veitingahús
Hótelrúmföt og handklæði
fyrir ferðaþjónustuna
Eigum allt fyrir:
• Þjóninn
• Kokkinn
• Gestamóttökuna
• Þernuna
• Vikapiltinn
• Hótelstjórnandann
Höfðabakka 9, 110 Reykjavík | sími 525 8210 | eddaehf@eddaehf.is | www.eddaehf.is
Allt lín fyrir:
Hótelið • Gistiheimilið
Bændagistinguna • Airbnb
Veitingasalinn • Heilsulindina
Þvottahúsið • Sérverslunina
Skemmtilegt
að skafa
Þegar litið er yfir umsagnir um breytingarnar á stjórnarskránni,
sem standa fyrir dyrum og eru í samráðsgátt, þá kemur í ljós, að
stærsta hlutann af svokölluðum athugasemdum er varla hægt að
kalla athugasemdir, því að þær eru skrifaðar af því fólki, sem í
tíma og ótíma argar og gargar eftir glænýrri stjórnarskrá og
kennir þeirri, sem nú er í gildi, um allt, sem aflaga fer á landinu
og jafnvel heiminum öllum, ef svo ber undir, og heldur, að ný
stjórnarskrá leysi allan vandann, sem er fjarri sanni, þar sem
flest af því kemur ekkert stjórnarskránni við, og er aðeins mein-
loka úr fólkinu sjálfu. Þetta fólk bendir alltaf á þessi stjórnar-
skrárdrög, sem voru gerð um árið, sem nýja stjórnarskrá, sem
„þjóðin“ hafi kosið sér. Hvaða þjóð er fólkið að tala um? Ég
kannast nú ekki við að tilheyra þeirri „þjóð“, þótt ég sé hluti af
íslensku þjóðinni, og er ánægð með þá, sem fyrir er.
Guðbjörg Snót Jónsdóttir.
Velvakandi Svarað í síma 569-1100 frá kl. 10-12.
Þjóðin, sem vill nýja stjórnarskrá
Morgunblaðið/Árni Sæberg
Stjórnarskrá Höfundur kannast ekki við að til-
heyra „.þjóðinni" sem kaus sér nýja stjórnarskrá
en tilheyri þó íslensku þjóðinni.