Morgunblaðið - 07.07.2020, Blaðsíða 32

Sönghópurinn Cantoque Ensemble flytur Aldasöng eft-
ir Jón Nordal á Sönghátíð í Hafnarborg í kvöld, þriðju-
dagskvöldið 7. júlí, kl. 20. Einnig verða flutt ný verk eft-
ir Steinar Loga Helgason og Hafstein Þórólfsson sem
einnig eru unnin út frá ljóði Bjarna Jónssonar, Alda-
söng. Á efnisskránni verða auk þess ástsæl íslensk kór-
lög. Spennandi dagskrá verður á Sönghátíð næstu
daga. Meðal annars munu nemendur af masterclass-
námskeiði Kristins Sigmundssonar flytja sönglög og
aríur á tónleikum á fimmtudag kl. 20.
Cantoque Ensemble flytur Alda-
söng Jóns Nordals á Sönghátíð
Valskonur eru komnar með sex stiga forskot á toppi
Pepsi Max-deildar kvenna í fótbolta eftir sigur á Stjörn-
unni, 3:0, í gærkvöld en skæðustu keppinautarnir,
Breiðablik og Fylkir, hafa nú setið hjá í tveimur umferð-
um þar sem leikmenn þeirra eru í sóttkví. Þróttarkonur
unnu sinn fyrsta leik, sigruðu FH í nýliðaslag og eru
þegar komnar með fleiri stig en í tvö síðustu skipti sem
þær léku í deildinni. »27
Valskonur nýta sér sóttkví keppi-
nautanna til að ná góðu forskoti
Sigurður Bogi Sævarsson
sbs@mbl.is
„Í veðurfræði er nauðsynlegt að vita
hvernig landið liggur í orðsins fyllstu
merkingu,“ segir Páll Ágúst Þór-
arinsson sem starfar á Veðurstofu Ís-
lands. „Útreikningar og tölvuspár
verða æ fullkomnari og geta sagt
okkur margt um hvernig veður verð-
ur. Staðbundnir þættir svo sem lega
fjalla og annesja, skóglendi og byggð-
ir og fleira slíkt hefur hins vegar allt-
af nokkur áhrif. Í mínu starfi er því
nauðsynlegt að vera kunnugur stað-
háttum, eins og sagt var í áramóta-
skaupi.“
Mikil vísindi liggja að baki
Síðustu daga hefur verið himin-
blíða á landinu. Það er í megin-
dráttum samkvæmt spám sem Páll
Ágúst og samstarfsfólk hafa gert.
„Veðurspár eru samsettar úr marg-
víslegum upplýsingum og að baki
þeim liggja mikil vísindi,“ segir Páll
sem er jarðeðlisfræðingur frá HÍ að
mennt. Hefur svo síðustu misserin
verið við framhaldsnám í veðurfræði
við háskólann í Uppsölum í Svíþjóð
og lýkur að ári.
„Mér hefur alltaf fundist gaman að
spá í landið, náttúruna, veðráttuna og
fleira slíkt. Er talsvert í fjallaferðum
og einnig í björgunarsveit, en þetta
tengist allt,“ segir Páll sem sendir oft
frá sér áhugaverða pistla á Twitter
þar sem hann tístir með notendanafn-
inu @pllgst um veður á Íslandi og
víðar.
Vaktafrí sitt á dögunum notaði Páll
til að heimsækja nokkrar veður-
athugunarstöðvar. Fór meðal annars
um Vatnsnes og Skaga og kannaði til
að mynda aðstæður á Skagatá, þar
sem er sjálfvirk veðurathugunarstöð.
Fyrir austan stoppaði Páll svo á
Seyðisfirði til að kanna aðstæður og
kíkja á úrkomumælingastöðvar á
svæðinu sem verða rauði þráðurinn í
lokaverkefni námsins í Svíþjóð.
Að sögn Páls eru úrkomumæl-
ingar, sem gerðar eru á þremur stöð-
um í Seyðisfirði, mjög þýðingar-
miklar vegna hættu á skriðum og
snjóflóðum.
Veðráttan breytist hratt
„Svo var lærdómsríkt að koma að
Dalatanga, yst við Mjóafjörð. Þar er
mönnuð veðurathugarstöð sem veitir
oft mikilvægar upplýsingar. Sam-
skipti okkar á Veðurstofunni við fólk-
ið sem sinnir þessum athugunum eru
ekki mikil. Við fáum gögnin stafrænt,
en með samtali og því að koma á stað-
inn fær maður oft nýjan skilning á
hlutunum,“ segir Páll, sem að síðustu
kom við á Kvískerjum í Öræfasveit,
þar sem er sjálfvirk veðurathug-
unarstöð.
„Að skoða veðurathugunarstöðvar
verður sportið hjá mér á næstunni,“
segir Páll Ágúst og hlær. „Mér fannst
áhugavert að heyra hjá fólkinu á
Hrauni við Skagatá að síðasti vetur
hefði verið með þeim vindasömustu
frá 1995. Kunnugir minnast þess að
þá var fannfergi, snjóflóð í Súðavík og
fleira. Því er nauðsynleg að fylgjast
vel með og fátt í veröldinni breytist
jafn hratt og veðráttan.“
Ljósmyndir/Páll Ágúst Þórarinsson
Skagatá Ljósviti og þýðingarmikil veðurathugunarstöð sem Páll heimsótti á ferð sinni umhverfis landið.
Kunnugur staðháttum
 Páll heimsótti veðurathugunarstöðvar í vaktafríinu
Dalatangi Páll við hitamælinn.
ÞRIÐJUDAGUR 7. JÚLÍ 189. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
ÍÞRÓTTIR MENNING