Morgunblaðið - 07.07.2020, Blaðsíða 12

12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 7. JÚLÍ 2020
7. júlí 2020
Gengi Kaup Sala Mið
Dollari 139.19
Sterlingspund 173.35
Kanadadalur 102.56
Dönsk króna 20.975
Norsk króna 14.622
Sænsk króna 14.944
Svissn. franki 147.03
Japanskt jen 1.2944
SDR 191.87
Evra 156.3
Meðalgengi/Viðskiptavog þröng 185.8401
Hrávöruverð
Gull 1774.65 ($/únsa)
Ál 1581.5 ($/tonn) LME
Hráolía 41.84 ($/fatið) Brent
● Verðmæti vöru-
útflutnings (fob)
nam 46,8 millj-
örðum króna í júní
2020 og verðmæti
vöruinnflutnings
(fob) 59,3 millj-
örðum króna sam-
kvæmt bráða-
birgðatölum
Hagstofunnar og
fram kemur í frétt
stofnunarinnar frá
því í gær. Vöruviðskiptin í júní voru því
óhagstæð um 12,5 milljarða króna. Í
júnímánuði í fyrra voru vöruviðskiptin
óhagstæð um 29 milljarða króna á
gengi hvors árs um sig. Verðmæti
vöruútflutnings var 1,1 milljarði króna
hærra í júní 2020 samanborðið við júní
2019, eða sem nemur 2,4% á gengi
hvors árs. Hvað fjárhæðir varðar var
mesta aukningin í útflutningi sjávar-
afurða.
Verðmæti vöruinnflutnings í júní
2020 var 15,4 milljörðum lægra í
samanburði við sama mánuð í fyrra,
eða sem nemur 20,6% á gengi hvors
árs. Lækkunina má að stærstum hluta
til rekja til minni innflutnings á
flutningatækjum annars vegar og minni
innflutnings á eldsneyti og smurolíum
hins vegar.
12,5 milljarða vöru-
viðskiptahalli í júní
Vörur Verðmæti
vöruútflutnings
var 46,8 ma. kr.
STUTT
BAKSVIÐ
Þóroddur Bjarnason
tobj@mbl.is
Gísli Þorsteinsson, markaðsstjóri
upplýsingatæknifyrirtækisins
Origo, segir í samtali við Morgun-
blaðið að mikil bylting sé að eiga sér
stað í markaðsmálum fyrirtækja.
Þau séu ekki lengur bundin af
heimamarkaði hvað varðar kaup á
þjónustu, heldur geti sótt sér hana
hvar sem er í heiminum, oft fyrir
brot af þeim kostnaði sem áður var.
Gísli segir að markaðsstjórar séu
að verða einn stærsti kaupendahóp-
ur að upplýsingatækni í heiminum.
„Sérhæfing er orðin svo mikil að
ein auglýsingastofa getur ekki sinnt
öllum þörfum fyrirtækja. Eflaust er
þetta nýja umhverfi áskorun fyrir
hefðbundnar stofur, því það er svo
mikið framboð af þjónustu,“ segir
Gísli. Hann segir að um leið sé flókn-
ara markaðsumhverfi gríðarleg
áskorun fyrir markaðsstjóra.
Inbound og Outbound
Nútímamarkaðsmál skiptast að
sögn Gísla í svokallaða „inbound“ og
„outbound“ markaðssetningu, þar
sem „outbound“ er markaðssetning
sem fram fer í sjónvarpi, á flettiskilt-
um og í blöðum, en „inbound“ sé
stafræn þjónusta þar sem hægt er að
þrengja skilaboðin niður á einstaka
notendur. „Inbound-aðferðin er eins
og þegar þú ert í laxveiði. Laxinn er
búinn að bíta á, en þú þarft að sýna
þolinmæði til að ná að landa honum,“
segir Gísli.
Vandinn við outbound-markaðs-
setningu er skortur á mælanlegum
árangri, að sögn Gísla. „Þeir miðlar
eru oft óáþreifanlegri, og því kostn-
aðarsamari. Þú veist ekki nógu vel
hvað þú ert að fá fyrir peninginn.“
Kórónuveirufaraldurinn hefur
haft sitt að segja við að hraða þessari
þróun sem Gísli talar um. Stafræn
umbreyting gerist nú hraðar, sem og
öll sjálfvirknivæðing í þessum mála-
flokki.
Laða að réttu viðskiptavinina
Gísli segir að „inbound“-aðferða-
fræðin snúist um að laða að réttu við-
skiptavinina, læra inn á þarfir þeirra
og þekkja þá betur út frá gögnum
sem kerfið búi til. „Þannig getum við
sérsniðið markaðsefni að þeim og
skapað virði fyrir hvern og einn.
Þarna kemur sjálfvirkni mikið við
sögu.“
Blaðamaður biður Gísla að nefna
dæmi um notkun Origo af sjálfvirkri
„inbound“-markaðssetningu. „Þetta
gengur sem sagt út á að búa til
áhugavert lesefni á vef okkar, sem
vekur athygli viðskiptavinar. Eftir
að hann er búinn að skrá netfangið
hjá okkur, til að geta lesið alla grein-
ina, byrjar hann að safna stigum í
kerfinu með sjálfvirkum hætti. Eftir
því sem hann safnar fleiri stigum
færumst við nær því að geta haft
beint samband við viðkomandi, því
við vitum hversu líklegur hann er til
að eiga við okkur viðskipti.“
Gísli segir að rannsóknir sýni að
lesefni sé þrisvar sinnum líklegra til
að skapa sölutækifæri en kostað leit-
arorð á Google til dæmis. „Þessi að-
ferð við markaðssetningu hefur ver-
ið mikið notuð erlendis síðustu
misseri en hefur lítið verið stunduð
hér á landi, sem ég er pínu undrandi
á. Við hjá Origo erum búin að nota
þetta markvisst frá síðustu ára-
mótum.“
Bylting er að verða í
markaðsmálum fyrirtækja
Morgunblaðið/Kristinn Magnússon
Árangur Gísli segir að Origo hafi sett sér það markmið að verða leiðandi fyrirtæki á Íslandi í markaðsmálum.
Tækni
» Origo nýtir sér Hubspot fyrir
stafræn markaðsmál.
» Fyrirtækið skiptir við fyrir-
tæki í Bretlandi, Svíþjóð og í
Bandaríkjunum, sem og hér á
Íslandi.
» Outbound-markaðssetning
nýtist vel við að viðhalda
ímynd fyrirtækja.
» Lesefni er áhrifarík leið við
að fanga athygli viðskiptavina.
 Erlend þjónusta fyrir brot af kostnaði hér á landi  Aukin sjálfvirknivæðing
Eigendur matvælafyrirtækjanna
Kjarnafæðis og Norðlenska hafa
komist að samkomulagi um helstu
skilmála samruna félaganna. Þetta
kemur fram í tilkynningu.
Kjarnafæði er í eigu bræðranna
Eiðs og Hreins Gunnlaugssona, en
Norðlenska er í eigu Búsældar, sem
er í eigu um 500 bænda á Íslandi,
eins og segir einnig í tilkynningunni.
Þar segir einnig að með samrunan-
um séu eigendur að bregðast við
breytingum í rekstrarumhverfi mat-
vælaiðnaðar undanfarin misseri.
Viðræður frá árinu 2018
Í tilkynningunni segir að Kjarna-
fæði og Norðlenska hafi átt í viðræð-
um um samruna frá því á haustmán-
uðum 2018.
Kjarnafæði var stofnað árið 1985
og framleiðir úrval kjötvara, einkum
undir vörumerkinu Kjarnafæði. Hjá
félaginu starfa 130 manns og fer
starfsemin að mestu fram á Sval-
barðseyri. Til viðbótar er afurðastöð
SAH á Blönduósi í sömu eigu, en þar
eru unnin 52 ársverk, ásamt um 34%
hlut í Sláturfélagi Vopnfirðinga.
Norðlenska varð til árið 2000 við
samruna Kjötiðnarstöðvar KEA og
Kjötiðjunnar Húsavík, en stækkaði
árið 2001 þegar félagið sameinaðist
þremur kjötvinnslum Goða. Um 190
ársverk eru unnin hjá félaginu og
skiptist starfsemin á milli Akureyr-
ar, þar sem rekið er stórgripaslát-
urhús og kjötvinnsla, Húsavíkur, þar
sem rekið er sauðfjársláturhús og
kjötvinnsla fyrir sauðfjárafurðir, og
söluskrifstofa í Reykjavík. Félagið
framleiðir úrval kjötvara, einkum
undir vörumerkjunum Norðlenska,
Goði, Húsavíkurkjöt og KEA.
Morgunblaðið/Árni Torfason
Kjöt Fyrirtækin vinna meðal annars
afurðir úr íslensku sauðfé.
Kjarnafæði og Norð-
lenska sameinast
 Bregðast við
breytingum í
rekstrarumhverfi