Morgunblaðið - 07.07.2020, Blaðsíða 29

MENNING 29
MORGUNBLAÐIÐ ÞRIÐJUDAGUR 7. JÚLÍ 2020
Nánari upplýsingar um sýningartíma á sambio.is
©2019 Disney/Pixar
SÝND MEÐ ÍSLENSKU TALI
Póstkortamorðin , hörkuspennandi þriller byggð
á sögu eftir Lizu Marklund og James Patterson,
sem komið hefur út í íslenskri þýðingu. EXTENDED EDITION
EXTENDED EDITION EXTENDED EDITION
Í FYRSTA SINN Í BÍÓ Á ÍSLANDI
Í FYRSTA SINN Í BÍÓ Á ÍSLANDI Í FYRSTA SINN Í BÍÓ Á ÍSLANDI
Sýnd með
íslensku tali
Ítalska Óskarsverðlaunatónskáldið
Ennio Morricone er látinn, 91 árs að
aldri. Hann var áratugum saman eitt
áhrifamesta tónskáld kvikmynda-
heimsins. Fyrst sló hann í gegn sem
höfundur tónlistarinnar í vestrum
Sergios Leone á sjöunda áratugnum
en samdi síðan tónlist fyrir allra-
handa kvikmyndir.
Morricone var fæddur í Rómaborg
árið 1928. Hann lærði á trompet og
byrjaði ungur að semja tónlist, að-
eins sex ára gamall. Hann lærði síð-
an klassíska tónlist og hóf eftir út-
skrift að starfa við að semja fyrir
leikhús og útvarp. Þá var hann
snemma fenginn til að útsetja og
semja dægurlög, til að mynda lög
sem slógu í gegn sungin af Paul
Anka og Demis Roussos – seinna á
ferlinum átti hann eftir að vinna með
Pet Shop Boys. Hann kom líka við
sögu í hópi framúrstefnutónskálda í
heimalandinu.
Mesta frægð hlaut Morricone þó
fyrir kvikmyndatónlist, þar sem
hann sýndi einstaka fjölhæfni við að
semja og útsetja. Hann byrjaði að
semja fyrir kvikmyndir á sjötta ára-
tugnum, tónlist sem var eignuð
öðrum, en vakti fyrst athygli undir
eigin nafni fyrir tónlistina í Il Fede-
rale sem Luciano Salce leikstýrði.
Frægðin kom síðan fyrir tónlistina í
svokölluðum „spagettívestrum“ Leo-
nes, sem Clint Eastwood lék í. Þeir
unnu áfram saman og sjálfur sagði
Morricone að tónlistin sem hann
samdi fyrir mynd hans Once Upon a
Time in America (1984) væri eitt-
hvað það besta sem hann hefði sam-
ið.
Í The Guardian segir að tónlistin
sem Morricone samdi fyrir Leone
hafi haft mikil áhrif á leikstjórann
Quentin Tarantino, sem fékk hann til
að semja fyrir vestrann The Hateful
Eight. Fyrir það verk fékk Morri-
cone Óskarsverðlaunin, en áður hafði
hann hlotið heiðursóskar fyrir ævi-
starfið. Tarantino notaði tónlist hans
einnig í Kill Bill, Inglourious Bas-
terds og Django Unchained.
Meðal annarra kvikmynda sem
Morricone samdi fyrir má nefna
Cinema Paradiso, The Thing, The
Battle of Algiers, Days of Heaven og
The Untouchables. Morricone
stjórnaði iðulega hljómsveitum sem
fluttu tónlist eftir hann, allt fram á
síðasta ár. Yfir 70 milljónir platna
hafa selst með tónlist hans.
Eitt dáðasta kvik-
myndatónskáldið
AFP
Meistari Morricone með Óskarinn sem hann fékk fyrir The Hateful Eight.
 Ennio Morricone allur, 91 árs gamallGestir eru aftur teknir að flæða um
ganga hins mikla Louvre-safns í
París eftir nær fjögurra mánaða lok-
un vegna kórónuveirufaraldursins.
Mun færri gestum er þó hleypt inn í
safnið nú, er þeim skylt að vera með
grímur og er einstefna gegnum sal-
ina. Þá er hleypt í hollum í lang-
vinsælasta salinn í Denon-álmunni,
þar sem Mónu Lísu-málverk Leon-
ardos da Vinci er að finna.
Louvre er vinsælasta safn jarðar
og tekur ár hvert á móti nær tíu
milljón gestum, sem langflestir
koma frá öðrum löndum en Frakk-
landi. Ferðamenn eru afar fáir í
landinu um þessar mundir og óttast
stjórnendur safnsins áframhaldandi
tap af þeim völdum.
„Við erum að taka við 80 prósent-
um færri gestum,“ hefur AFP-
fréttastofan eftir Jean-Luc Mart-
inez, stjórnanda Louvre, og spáir
hann því að safnið fái í sumar í
mesta lagi 20 til 30 prósent þeirra
gesta sem sóttu safnið heim á sama
tíma í fyrra. Segir hann safnið þegar
hafa tapað um 40 milljónum evra,
eða sem nemur um 6,2 milljörðum
króna.
AFP
Sjálfa Móna Lísa, „La Gioconda“, er kímileit að sjá fyrir aftan grímuklæddan gest sem tekur sjálfsmynd með henni.
Louvre-safnið opið að nýju
Með grímu Sjálfsmynd tekin við verk eftir David.Röðin Gestir eru aftur teknir að mynda röð við Louvre.
Gersemi Gestur fer hjá málverki
eftir Leonardo Da Vinci í Louvre.