Morgunblaðið - 23.07.2020, Qupperneq 49

MENNING 49
MORGUNBLAÐIÐ FIMMTUDAGUR 23. JÚLÍ 2020
Nánari upplýsingar um sýningartíma á sambio.is
©2019 Disney/Pixar
SÝND MEÐ ÍSLENSKU TALI
Hörkuspennandi þriller byggð á sögu
eftir Lizu Marklund og James Patterson
Sýndmeð
íslensku tali
Í TILEFNI AF 40 ÁRA AFMÆLI
FRÁBÆR NÝ MYND FYRIR ALLA FJÖLSKYLDUNA. SÝND MEÐ ÍSLENSKU OG ENSKU TALI.
90% ★★★★Variety
Amma Hófí er þriðja myndGunnars B. Guðmunds-sonar, leikstjóra og hand-ritshöfundar, en hann
hefur áður sent frá sér Astrópíu
(2007) og Gauragang (2010).
Amma Hófí segir frá þeim Hólm-
fríði og Pétri, sem búa á dvalar-
heimilinu Sólvangi í Hafnarfirði.
Myndin gerist um jól og verður að
viðurkennast að það er harla sér-
kennilegt að frumsýna hana um
sumar en gott og vel. Í upphafi
myndarinnar sitja þau á jóla-
skreyttu kaffihúsi og Hófí fer yfir
lista með öllu því sem henni mis-
líkar í fari Péturs. Áhorfendur fá á
tilfinninguna að hér séu hjón sem
ætli að skilja en fljótlega kemur í
ljós að þau eru ekki par, þau eru
bara herbergisfélagar.
Vegna niðurskurðar og pláss-
leysis neyðast heimilismenn á Sól-
vangi til að deila herbergjum með
ókunnugum eða jafnvel gista
frammi á gangi. Pétri finnst ágætt
að deila herbergi með öðrum en
Hófí finnst þessi ráðahagur alveg
ómögulegur. Hún ákveður því að
hún ætli að kaupa sér litla íbúð fyr-
ir spariféð sitt.
Þau Pétur fara saman í bankann.
Á meðan Hófí ræðir við þjónustu-
fulltrúa lendir Pétur á spjalli við ör-
yggisvörð sem upplýsir hann um að
það sé alltaf mest að gera fyrir jól
og þá séu geymslur bankans fyllst-
ar. Það kemur á daginn að Hófí á
ekkert sparifé og ekki nóg með það;
hún skuldar bankanum margar
milljónir út af einhverju svínarís-
lánaplotti. Hófí stormar grautfúl út
úr bankanum og segir Pétri að hún
ætli að ræna bankann, eða öllu
heldur sækja peninginn sem bank-
inn rændi af henni. Pétur býðst til
þess að vera með henni í þessu
ráðabruggi og þau taka til óspilltra
málanna við að skipuleggja ránið.
Inn í söguna fléttast svo margar
skrautlegar persónur eins og smá-
glæpamaðurinn Boggi, Unnsteinn
faðir hans sem er forstöðumaður
dvalarheimilisins og lögreglumenn-
irnir Ólafur og Arnaldur.
Hugmyndin er sniðug og hand-
ritið heldur manni alveg við efnið
þótt það sé ekki hnökralaust. Takt-
urinn í frásögninni er nokkuð ójafn,
myndin er hæg í gang en kemst á
skrið um miðbikið, þegar maður er
búinn að kynnast persónunum að-
eins. Þetta er auðvitað léttúðug
gamanmynd og í slíkum myndum er
krafan um raunsæi ekkert mjög
sterk, áhorfendur geta alveg sam-
þykkt að tveir heldri borgarar leið-
ist út í glæpi þótt það sé ótrúleg til-
hugsun. Það breytir því ekki að
stundum er teygt ansi duglega á
trúverðugleikanum og atburðarásin
er býsna tilviljanakennd á köflum.
Ýmsu er ábótavant á tæknihlið-
inni, það er ljóst að hér er ekki not-
aður besti tæknibúnaður sem völ er
á og það sést. Einnig er of algengt
að senur séu fljótfærnislega unnar,
myndavélahreyfingar eru stundum
klunnalegar, innrömmun undarleg
og lýsingin óeðlileg. Þá er hljóð-
vinnslan nokkuð misjöfn. Amma
Hófí er auðvitað engin milljarða-
mynd, þetta er líklega fremur hóf-
stillt framleiðsla, en það breytir því
ekki að það hefði mátt vanda meira
til verka og huga betur að smá-
atriðum svo myndin kæmi betur út.
Til dæmis er frekar óheppilegt að
margar aukapersónur eru í sama
búningi alla myndina þrátt fyrir að
hún gerist yfir margra daga tíma-
bil, persónur Steinda, Sveppa og
Þorsteins Guðmundssonar virðast í
það minnsta eiga bara eitt átfitt á
haus.
Edda Björgvinsdóttir og Laddi
eru skemmtileg, líkt og við er að
búast. Þetta tvíeyki veldur sjaldan
vonbrigðum og þau hafa auðvitað
ótal sinnum átt skemmtilegan sam-
leik gegnum tíðina, engan jafn
skemmtilegan og sem Stella og Sal-
ómon Gustavsson þó, þar sem þau
unnu mikinn grínsigur. Þorsteinn
Guðmundsson er einhver besti grín-
ari þjóðarinnar og er alveg rétti
maðurinn í hlutverk Unnsteins, for-
stöðumanns dvalarheimilisins, sem
hagar sér meira eins og skólastjóri
og kemur fram við gamla fólkið eins
og smákrakka. Steindi er alltaf
fyndinn í hlutverki fávitans og hann
á mjög skemmtilega frammistöðu
hér þótt hann eigi það til að festast
svolítið í sama tóni, leikstjórinn
hefði mátt kippa honum aðeins úr
hjólförunum. Víkingur Kristjánsson
er líka fyndinn og brjóstumkennan-
legur í hlutverki Ólafs, hins dæma-
laust seinheppna lögregluþjóns.
Amma Hófí er fín skemmtun en
hún er vissulega full af litlum mis-
fellum sem er synd að ekki hafi ver-
ið sléttað úr. Krakkar eiga ugglaust
eftir að hafa gaman af henni og hún
gæti alveg fest sig í sessi sem kósí
jólaáhorf fyrir fjölskylduna.
Algjörir jólasveinar
Samstillt Edda Björgvinsdóttir og Laddi leggja á ráðin í Ömmu Hófí. Þau eru skemmtileg, segir gagnrýnandi, en kvikmyndin full af litlum misfellum.
Smárabíó og Laugarásbíó
Amma Hófí bbmnn
Leikstjórn og handrit: Gunnar Björn
Guðmundsson. Kvikmyndataka: Tómas
Örn Tómasson. Klipping: Sigvaldi J.
Kárason. Aðalhlutverk: Edda Björgvins-
dóttir, Þórhallur Sigurðsson, Víkingur
Kristjánsson, Gísli Örn Garðarsson,
Gríma Krístjánsdóttir, Steinþór Hróar
Steinþórsson, Sverrir Þór Sverrisson,
Þorsteinn Guðmundsson, Pétur Jóhann
Sigfússon, Anna Svava Knútsdóttir. 95
mín. Ísland, 2020.
BRYNJA
HJÁLMSDÓTTIR
KVIKMYNDIR