Morgunblaðið - 11.08.2020, Side 1

Þ R I Ð J U D A G U R 1 1. Á G Ú S T 2 0 2 0
Stofnað 1913  187. tölublað  108. árgangur 
ÍSLANDSMEIST-
ARINN GLÍMDI
VIÐ KVÍÐA
LOKS
KOMNAR ÚT Í
NÁTTÚRUNA
TÆKIFÆRI,
TÍMI OG
VETTVANGUR
HRESSIR MJALDRAR 4 FYRSTA PLATAN 28SVAF EKKERT 27
Lilja Hrund Ava Lúðvíksdóttir
lilja@mbl.is
Svo virðist sem talsverður fjöldi
barnafjölskyldna sem búsettar eru
erlendis ætli að dvelja á Íslandi í
vetur. Fjölgun hefur verið á nem-
endum í grunnskólum vegna heim-
fluttra Íslendinga, en einnig útlend-
inga sem af ýmsum ástæðum vilja
dvelja hér yfir veturinn. Ingibjörg
Jóhannsdóttir, skólastjóri Landa-
kotsskóla, segir skólann ekki geta
tekið við fleiri nemendum. „Það er
allt orðið fullt hjá okkur. Þetta er
mikið í alþjóðadeildinni okkar en
líka hjá fólki sem er íslenskt sem
ætlar kannski að koma heim í ár og
börnin geta þá æft sig í íslensk-
unni,“ segir Ingibjörg. „Þetta eru
ekki einhverjir tugir manns en
þetta er samt þannig að við tökum
eftir þessu,“ segir Ingibjörg. Hanna
Hilmarsdóttir, skólastjóri Alþjóða-
skólans á Íslandi, segist sömuleiðis
hafa tekið eftir fjölgun umsókna.
„Við finnum þessar þreifingar. Það
er meira um þetta en oft áður,“ seg-
ir Hanna. „Þetta er mest fólk sem
býr úti og vill vera heima í vetur.
Við höfum náttúrlega takmarkað
pláss, en við erum að sjá aukningu í
þessum umsóknum. Við reynum
bara að púsla þessu öllu saman
núna, það er enn þá biðlisti og það
er enn þá verið að hringja í okkur,“
segir Hanna. Morgunblaðið greindi
frá því í júlí að um 230 fleiri Íslend-
ingar hafa á fyrri hluta ársins flutt
heim frá Noregi, Svíþjóð og Dan-
mörku en fluttu þangað. Búferla-
flutningarnir voru í jafnvægi í fyrra.
Magnús Árni Skúlason hagfræðing-
ur sagði í samtali við Morgunblaðið
að skýringin á jákvæðum flutnings-
jöfnuði væri eflaust sú að náms-
menn hefðu aftur flutt heim vegna
kórónuveirufaraldursins.
Aukinn fjöldi umsókna
 Skólar tekið eftir auknum fjölda umsækjenda  Íslendingar búsettir erlendis
hafa vetursetu á Íslandi  Geta ekki tekið við fleirum en umsóknir berast áfram
Þrátt fyrir að veðrið hafi ekki beint leikið við
höfuðborgarbúa síðustu daga nutu þessi börn sín
úti við í Fjölskyldu- og húsdýragarðinum í gær.
Mikill hasar getur skapast í klessubátunum
svokölluðu eins og sjá má á myndinni þar sem
þrír bátar rekast hver á annan. Það er eflaust
ánægjulegt að fá að láta báta klessast saman
þegar minna er um að fólk megi faðmast vegna
hinnar umtöluðu kórónuveiru.
Klesstu vinalega hvert á annars bát
Morgunblaðið/Eggert Jóhannesson
 Fyrsta lyfið sem gæti snúið við
hrörnun af völdum Alzheimers-
sjúkdómsins er í þróun í Bandaríkj-
unum. Árni Sverrisson, formaður
Alzheimersamtakanna, segir að
bjartsýni ríki vegna frétta af lyfinu,
en prófanir sýna að sjúklingar hafa
tekið framförum í málnotkun og
getu til að átta sig á stað og stund,
auk þess sem hægist á minnistapi.
Árni segir að lengi hafi verið beð-
ið eftir byltingu í þessum efnum en
þau lyf sem nú eru notuð geta að-
eins hægt á ferli sjúkdómsins hjá
sumum sjúklingum, ekki snúið hon-
um við. Lyfið hefur fengið flýti-
meðferð hjá bandarískum eftirlits-
stofnunum og er vonast til að það
komi á markað eftir hálft ár. » 2
Binda vonir við nýtt
Alzheimerslyf
Katrín Jakobsdóttir forsætisráð-
herra gefur lítið fyrir gagnrýni Þor-
gerðar Katrínar Gunnarsdóttur,
þingmanns Viðreisnar, á ákvarðana-
töku vegna Covid-19.
„Ég furða mig satt best að segja á
því ef stjórnmálamenn ætla að not-
færa sér faraldurinn og sóttvarnarað-
gerðir okkar til pólitískrar tækifær-
ismennsku,“ segir hún í samtali við
Morgunblaðið.
„Það eru mörg dæmi í heiminum
um stjórnmálamenn sem þykjast
hafa öll svör um faraldurinn á reiðum
höndum. Við erum ekki í þeim hópi.“
Katrín mótmælir ekki ábending-
um Gylfa Zoëga hagfræðiprófess-
ors, sem fram hafa komið í blaða-
greinum síðustu daga, en telur að
nýjar tölur um smit gefi tilefni til
bjartsýni um árangurinn af sótt-
varnarráðstöfunum stjórnvalda, þó
hún taki jafnframt fram að of
snemmt sé að slá neinu föstu um
það. Í þessum efnum séu ótal erfiðar
spurningar og þeim verði ekki svar-
að með hagfræðiúttekt eingöngu.
Því fari fjarri að hagsmunir ferða-
þjónustunnar hafi verið í fyrirrúmi.
»14
Katrín furðar sig á
tækifærismennsku
 Ljósmyndari í Reynisfjöru í Mýr-
dal bjargaði sér og tækjum sínum á
síðustu stundu þegar þung alda
komst býsna nálægt honum. Mað-
urinn hafði gengið fram á sandbrún
í fjörunni og sett þar upp þrífót und-
ir myndavél sína. Sakir ókunnug-
leika, að ætla verður, fór hann ekki
að með þeirri gát sem er nauðsynleg
á þessum stað. Báran var þung og
skall fyrirvaralítið á sandinum og
skolaði langt inn. Ljóst má þó vera
að hrammur brimsins hefði getað
gripið manninn og þá hefði ekki
þurft að spyrja að leikslokum.
„Heppnin réð því að þarna fór
ekki verr,“ segir Ólafur Óskar Jóns-
son úr Reykjavík sem fylgdist með
atburðarásinni og myndaði. »6
Ljósmynd/Ólafur Óskar Jónsson
Reynisfjara Maðurinn gætti sín ekki nógu
vel í fjörunni og var hann því hætt kominn.
Slapp naumlega
í Reynisfjöru
Aron Þórður Albertsson
aronthordur@mbl.is
Skipuleggjendur íþrótta- og menn-
ingarviðburða geta mjög lítið aðhafst
í núverandi ástandi. Þannig liggur
starfsemi umræddra aðila nær al-
gjörlega niðri. Fjölda viðburða hefur
verið aflýst auk þess sem mikil
óvissa einkennir komandi mánuði.
Ísleifur Þórhallsson, fram-
kvæmdastjóri viðburða hjá Senu,
segir að stjórnvöld verði að taka
mjög sársaukafulla ákvörðun. „Það
virðist ekki bæði vera hægt að halda
landinu opnu og vera án veiru. Það
þýðir jafnframt að menning og
íþróttir verða í klessu hér heima ef
landið er opið,“ segir Ísleifur og bæt-
ir við að sífelldar breytingar aðgerða
og takmarkana séu engum til góðs.
„Þessi rússíbanareið í takmörkun-
um, endalaust upp og niður, mun á
endanum drepa allt,“ segir Ísleifur.
Aðspurður segir hann að óvissa
ríki með tónleika ítalska tenórsins
Andrea Bocelli. Verði núverandi
áætlunum ekki breytt eiga þeir að
fara fram í Kórnum í Kópavogi 3.
október nk. »11
Verða fyrir þungu höggi
 Skipuleggjendur stórra viðburða eru í algjörri óvissu
Morgunblaðið/Eggert
Tónleikar Óvíst er hvort hægt verði
að halda stóra viðburði hér á landi.