Morgunblaðið - 28.08.2020, Page 2

2 FRÉTTIRInnlent
MORGUNBLAÐIÐ FÖSTUDAGUR 28. ÁGÚST 2020
Fermingar-
myndatökur
Einstök
minning
Ljósmyndir Rutar og Silju
Skipholti 31 | 105 Reykjavík | Sími 568 0150 | www.rut.is |
Opið alla virka daga kl. 10-17
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Hluti áhafnar Brúarfoss er laus úr
sóttkví úti í Kína og er nú að und-
irbúa reynslusiglingu hins nýja
skips. Eimskip vonast til að fá skipið
afhent frá skipasmíðastöðinni í októ-
ber. Heimsiglingin tekur 40 daga og
er því von á skipinu til Íslands í
fyrsta skipti í nóvember.
Sextán manna áhöfn skipsins fer
út í tvennu lagi. Rúmur hálfur mán-
uður er liðinn frá því fyrstu sex
komu til Kína og reiknað er með að
þeir ellefu sem eftir eru haldi af stað
í næstu eða þarnæstu viku. Þeir
þurfa að fara í hálfs mánaðar sóttkví
þar úti.
Edda Rut Björnsdóttir, markaðs-
og samskiptastjóri Eimskips, segir
að ekki sé komin endanleg dagsetn-
ing á afhendingu Brúarfoss en von-
ast sé til að það verði í fyrrihluta
fjórða ársfjórðungs. Segir hún að
ekkert hafi komið upp á sem ætti að
koma í veg fyrir það og að prufusigl-
ing verði farin í næsta mánuði.
Brúarfoss er stórt gámaskip Eim-
skips, systurskip Dettifoss sem kom
til landsins fyrr á árinu.
Áætlað er að heimsiglingin taki 40
daga og ætti skipið því að koma til
Reykjavíkur í nóvember. Siglingin
tekur lengri tíma ef stoppað er til að
lesta og losa vörur á leiðinni. Þannig
liðu 68 dagar frá því Dettifoss lagði
af stað frá Kína og þangað til skipið
kom til Reykjavíkur.
Brúarfoss fer í áætlun með Detti-
fossi og Tukuma Arctica sem sigla á
milli Íslands, Danmerkur, Svíþjóðar
og Grænlands. helgi@mbl.is
Undirbúa reynslusiglingu
 Brúarfoss er
væntanlegur til
landsins í október
Brúarfoss Nafnið komið á gáma-
skipið í skipasmíðastöðinni.
Baldur Arnarson
baldura@mbl.is
Kristófer Oliversson, formaður Fyrirtækja í
hótel- og gistiþjónustu, FHG, segir stöðuna í
hótelgeiranum mjög alvarlega. Nauðsynlegt sé
að endurskipuleggja skuldir hótelanna.
„Það er ekki nokkurt fyrirtæki sem stendur
það af sér að vera tekjulaust misserum saman.
Nú eru allir að vinna með sínum bönkum að því
að fresta afborgunum og vöxtum. Það þarf að ná
þeim árangri að það sé hægt að lækka vexti á
fyrirtæki til að dæmið gangi upp í heildina.
Þetta er enda sameiginlegt sjótjón leigusala,
leigutaka og fjármagnseigenda. Þegar menn
eru búnir að átta sig á því, og nálgast málið út
frá þeim sjónarhóli, þá er von til þess að við för-
um að eygja skynsamlegar lausnir. Það þarf að
endurskipuleggja lánin því vextir og afborganir
safnast fljótt upp og verða há-
ar fjárhæðir. Meðalstórt hótel
sem er tekjulaust safnar fljótt
upp mörg hundruð milljóna
skuld í húsaleigu og tugmillj-
óna skuld í fasteignagjöldum,“
segir Kristófer.
Félagsmenn í FHG fund-
uðu um stöðuna í gærmorgun.
Kristófer segir að í kjölfar
hertra sóttvarnaaðgerða á
landamærunum, frá og með
19. ágúst, sé nær engin spurn eftir hótelgistingu
á Íslandi. Fram undan sé 99% samdráttur í eft-
irspurn erlendra ferðamanna.
Óvissan sé mikil og ekki hægt að búast við
gestum fyrr en á nýju ári. Því séu fjórir nær
tekjulausir mánuðir fram undan sem sé mikið
áfall.
Flest hótelin lokuð næstu mánuði
Kristófer er eigandi og framkvæmdastjóri
CenterHótel-keðjunnar. Hann reiknar með að
hafa eitt eða tvö Center-hótel af átta opin á
næstu mánuðum. Allt kapp verði lagt á að
vernda hjartað í fyrirtækjunum sem felist í sér-
þekkingunni.
„Menn fagna því að hlutabótaleiðin hafi verið
framlengd [út október]. Það þyrfti hins vegar
lengri tíma miðað við þær aðstæður sem nú eru
uppi. Meginlínan er að við verðum að fá skýr
skilaboð frá stjórnvöldum um við hvaða aðstæð-
ur landið verður opnað á ný. Það má velta upp
þeirri spurningu hvort gengið hafi verið of langt
með því að loka landinu algjörlega. Það hefði
verið hægt að setja Íslendinga í skimun og
sóttkví og stíga það hóflega skref að skima alla
ferðamenn einu sinni, jafnvel tvisvar, í staðinn
fyrir að loka landinu,“ segir Kristófer. Með því
að loka landinu fari mikil markaðssetning for-
görðum. Mikil vinna hafi farið í að auglýsa land-
ið eftir að alþjóðaflugið hófst á ný en bókanir
þurrkast út.
Ráðherra bauð fólk velkomið
„Samstarfsaðilar okkar erlendis fjárfesta líka
í markaðsherferðum. Nú er sú fjárfesting farin
fyrir gýg. Stóra málið gagnvart okkar viðskipta-
vinum er að við misstum trúverðugleikann sem
við höfðum haft. Það er ekki langt síðan Katrín
[Jakobsdóttir forsætisráðherra] sagði landið op-
ið og bauð alla velkomna.“
Skv. Hagstofunni störfuðu um 5.600 manns á
gististöðum í janúar. Nýrri tölur hafa ekki verið
birtar. Kristófer telur aðspurður að um tíundi
hver haldi vinnunni. Samkvæmt því verða ríf-
lega 5.000 hótelstarfsmenn án atvinnu í haust.
Endurskipuleggja þarf skuldirnar
 Formaður FHG spáir 99% samdrætti í hótelrekstri  Um 5 þús. hótelstarfsmenn gætu misst vinnuna
Kristófer
Oliversson
Göngubrú yfir Reykjanesbraut í Hafnarfirði,
sem tengir Áslandshverfi betur við aðra hluta
bæjarins, var sett á stöpla í gær. Loka þurfti
Reykjanesbraut milli gatnamóta Kaldársels-
vegar og Strandgötubrúar meðan á verkinu
stóð. Lokað var kl. 9:30, en aðeins liðu 20
mínútur frá því kranabóma fór á loft uns boltar
og festingar brúarinnar höfðu verið sett niður.
Frágangsvinna stóð til hádegis.
Morgunblaðið/Kristinn Magnússon
Brú yfir Reykjanesbraut sett niður á 20 mínútum
Fleiri en milljón manns spila nú
EVE Echoes, farsímaleik á vegum
íslenska tölvuleikjaframleiðandans
CCP, en leikurinn kom út 17. ágúst.
Á fyrsta degi skráðu sig rúmlega
300 þúsund spilarar en Ragnar Kol-
beinsson, vörumerkjastjóri EVE
Echoes, segir að leikurinn hafi feng-
ið mjög góðar viðtökur.
Leikurinn hefur verið í þróun síð-
an í lok árs 2017 og er framleiddur í
samstarfi við kínverska framleiðand-
an NetEase, sem er leiðandi í fram-
leiðslu símaleikja.
Það sem einkennir yfirleitt spila-
mynstur í farsímaleikjum eru stuttar
og margar tarnir, þar sem spilarar
spila aðeins í nokkrar mínútur í
senn. „Við erum að sjá meðalspilun-
arlengd í leiknum fara yfir 100 mín-
útur. Spilarar eru að spila í klukku-
tíma og 40 mínútur í einni lotu.“
Fleiri en
milljón
spilarar
 Íslenskur leikur
Teikning/CCP
Leikurinn Rúmlega 300 þúsund
manns skráðu sig fyrsta daginn.