Morgunblaðið - 28.08.2020, Side 10

10 FRÉTTIRInnlent
MORGUNBLAÐIÐ FÖSTUDAGUR 28. ÁGÚST 2020
Ísfrost, sími 577 6666, Funahöfða 7, 110 Reykjavík
Ýmsar stærðir kælikerfa
í allar stærðir sendi- og
flutningabíla, fyrir kældar
og frystar vörur. Vottuð
kerfi fyrir lyfjaflutninga.
Við ráðleggjum þér með
stærð og gerð búnaðarins
eftir því sem hentar
aðstæðum hverju sinni.
ÖFLUG KÆLIKERFI FRÁ THERMO KING
FÆRANLEG KÆLITÆKI
Í SENDIBÍLA
Helgi Bjarnason
helgi@mbl.is
Arctic Fish var rekið með liðlega 40
milljóna króna hagnaði fyrstu sex
mánuði ársins. Kemur það fram í
fjárfestakynningu vegna hálfsárs-
uppgjörs Norway Royal Salmon
(NRS) sem er stærsti eigandi að
vestfirska fiskeldisfyrirtækinu. Arc-
tic Fish hefur verið í uppbyggingar-
ferli í níu ár og er þetta í fyrsta skipti
sem uppgjör sýnir hagnað. Árið er að
vísu ekki búið og ljóst að kórónuveir-
an hefur áhrif á afkomu fyrirtækis-
ins á seinni hluta ársins.
NRS á helming hlutafjár í Arctic
Fish og sér samstæðan tækifæri til
vaxtar á Íslandi. Áætlað er að eigin
framleiðsla NRS í Noregi verði í ár
35 þúsund tonn og heildarfram-
leiðsla Arctic Fish 8.200 tonn. Hefur
framleiðslan á Íslandi því veruleg
áhrif á samstæðuna enda telst
Norway Royal Salmon ekki til fisk-
eldisrisanna í Noregi. Arctic Fish er
í vexti og segir Sigurður Pétursson,
framkvæmdastjóri hjá félaginu, að
stefnt sé að því að Arctic nái sömu
stærð og NRS á næstu árum, þegar
það hefur fengið þau framleiðsluleyfi
sem sótt hefur verið um.
Umhverfismati fyrir stækkun í
Dýrafirði er lokið sem og mati vegna
eldis í Arnarfirði og er beðið starfs-
og rekstrarleyfa. Nýja seiðaeldis-
stöðin í Tálknafirði, sú tæknilega
fullkomnasta hér á landi, skapar góð-
an grunn fyrir vöxt hjá Arctic Fish.
Getur breyst fljótt
Markaður fyrir eldislax hefur ver-
ið erfiður á þessu ári vegna áhrifa
kórónuveirufaraldursins og heims-
markaðsverð sveiflast mikið. Það
hefur verið sérlega lágt undanfarnar
vikur vegna seinni bylgju faraldurs-
ins. Þótt hagnaður hafi orðið af
rekstrinum á fyrri helmingi ársins
segir Sigurður ekki hægt að segja til
um niðurstöðuna fyrir árið í heild.
Hann segist hóflega bjartsýnn.
„Ástandið getur verið fljótt að breyt-
ast til betri vegar. Við sáum það þeg-
ar markaðurinn tók við sér með opn-
un veitingastaða og hótela eftir fyrri
bylgjuna,“ segir Sigurður.
Eldið aldrei gengið betur
Eldið hefur gengið vel í sumar og
raunar betur en nokkru sinni, að
sögn Sigurðar. Fyrstu seiðin voru
sett út 7. maí en það hefur ekki áður
verið gert svo snemma. Hann segir
að árangurinn byggist ekki síst á
gæðum seiðanna frá stöðinni í
Tálknafirði.
Reynt er að slátra eins litlu og
hægt er á meðan verðið er lágt en
Sigurður segir að áfram verði að við-
halda viðskiptasamböndum og halda
lífmassanum í kerjunum innan þess
sem leyfi fyrirtækisins heimili.
„Menn reikna með að markaðurinn
taki betur við sér með haustinu og þá
getum við gefið í,“ segir Sigurður.
Morgunblaðið/Guðlaugur Albertsson
Grunnur Seiðastöð Arctic Fish í Tálknafirði er sú fullkomnasta hér og skapar grunn fyrir áframhaldandi vöxt.
Munar um
framleiðsluna
hjá Arctic Fish
 Hagnaður af rekstri í fyrsta skipti
 Áföll vegna veirufaraldursins