Morgunblaðið - 04.09.2020, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 4. SEPTEMBER 2020
Sigurður Bogi Sævarsson
sbs@mbl.is
Notkun eftirlitsmyndavéla, sem
meðal annars greina bílnúmer, gef-
ur góða raun í starfi lögreglunnar á
Suðurlandi. Slíkum vélum hefur
verið komið upp við nokkra þétt-
býlisstaði og á fjölförnum leiðum á
varðsvæðinu – og að fenginni
reynslu síðustu missera stendur til
að fjölga þeim og skipta nokkrum
út fyrir nýjar. „Ekki líður sá dagur
að gögn úr myndavélunum nýtist
okkur ekki, bæði í almennri lög-
reglu eða við rannsókn mála í öllum
brotaflokkum. Þessi tækni hefur
breytt okkar starfi,“ segir Oddur
Árnason, yfirlögregluþjónn á Suð-
urlandi.
Myndavélar við meginleiðir
Öryggismyndavélum hefur verið
komið upp við allar meginleiðirnar
inn í Selfossbæ; á mastri eru þrjár
myndavélar sem hver hefur sitt
sjónarhornið. Sams konar tæki eru
einnig við Hveragerði, Stokkseyri,
Hellu og Hvolsvöll. Uppsetning
myndavéla við Þorlákshöfn og Blá-
fjallaafleggjarann á Sandskeiði er í
undirbúningi og fleiri staðsetningar
á umræðustigi, svo sem í upp-
sveitum Árnessýslu.
„Myndefnið berst á rauntíma í
gegnum ljósleiðara og á tölvuskjá
hér á lögreglustöðinni getum við
fylgst með útsendingu frá öllum
stöðunum í einu. Myndefnið er svo
geymt í fjórar vikur, en strangar
reglur gilda um vörslu þess og að-
gengi. Stóri galdurinn er þó sá að
myndavélarnar greina bílnúmer. Ef
því er slegið inn í leitarglugga
koma upp myndir af bílnum úr öll-
um þeim tilvikum þar sem honum
hefur verið ekið fyrir linsu mynda-
véla síðasta mánuðinn,“ segir Odd-
ur og heldur áfram:
Inngrip á rauntíma
„Til marks um notagildi mynda-
vélanna þá náðum eitt sinn utan um
kynferðisbrotamál af því við gátum
kortlagt ferðir brotamanns út frá
bílnúmeri – og gripið inn í atburða-
rásina á rauntíma. Innbrot hafa
sömuleiðis verið upplýst með sömu
aðferðum. Í miðlægum gagna-
grunni lögreglu er einnig að finna
númer stolinna ökutækja og tölvan
flaggar þegar viðkomandi bílar
poppa upp í umferðinni. Fjölmörg
ökutæki hafa þannig verið end-
urheimt.“
Öryggismyndavélar með núm-
eralestri líkt og á Suðurlandi eru
einnig hjá lögreglu á höfuðborg-
arsvæðinu, Akureyri, Egilsstöðum
og Vestmannaeyjum. Margvíslegur
annar myndavélabúnaður með mis-
munandi tækniútfærslum er einnig
til staðar – og eru kaup og uppsetn-
ing hans yfirleitt greidd af sveit-
arfélögum á viðkomandi stað. End-
urnýjun búnaðar í möstrum á
Selfossi og Stokkseyri sem nú
stendur fyrir dyrum verður greidd
af Sveitarfélagingu Árborg, en dag-
legur rekstur gagnaflutninga og
vistun gagna er á hendi lögreglu í
samstarfi við meðal annars Neyð-
arlínuna. Þá hafa ýmis öryggisfyr-
irtæki komið að verkefninu.
Hröð þróun búnaðar
Í margvíslegri stafrænni tækni –
sem og öðrum búnaði – sem nýtist
lögreglu er mjög hröð framþróun,
segir Oddur Árnason. Fulltrúar
nokkurra lögregluembætta, Neyð-
arlínunnar og fleiri stofnana fóru
nýlega til Bretlands og kynntu sér
hvernig þessum málum er háttað
þar. Mikilsverð þekking fékkst þar
og mörgu fróðlegu var miðlað til Ís-
lendinganna, enda þótt í mörgum
löndum séu upplýsingar um örygg-
isráðstafanir torfengnar.
„Bretarnir voru mjög hjálplegir
og sögðu bæði frá tæknilausnum og
regluverkinu sem um þessi mál
gildir. Öll svona tækni sem lög-
reglan notar er í örri þróun og störf
okkar lögreglumanna verða öðru-
vísi en verið hefur. Slíkt gildir bæði
um almenna löggæslu og störf úti
vettvangi og enn ekki síður rann-
sóknir hinna ýmsu mála,“ segir
Oddur að síðustu.
Tæknin gjörbreytir löggæslunni
 Eftirlitsmyndavélar á Suðurlandi tengdar lögreglustöð  Góð reynsla hefur fengist  Les og
greinir bílnúmerin  Gripu á rauntíma inn í kynferðisbrotamál með upplýsingum úr myndavél
Skjár Efni úr myndavélum víða berst á rauntíma á lögreglustöð, þar sem er fylgst með og brugðist við ef þarf.
Myndir frá þremur sjónarhornum koma af hverjum stað, svo sem frá Hveragerði, Selfossi, Hellu og Hvolsvelli.
Morgunblaðið/Eggert
Suðurland Stóri galdurinn er sá að myndavélarnar greina bílnúmer, segir Oddur Árnason yfirlögregluþjónn.
Upplýsingar sem myndirnar skila segir hann nýtast lögreglu vel, til dæmis við rannsóknir í öllum málaflokkum.
„Þekking á Covid-19, eðli sjúkdóms-
ins og afleiðingum hans verður sífellt
meiri og eftir því eru lausnir, meðferð
og endurhæfing þróuð. Þetta verður
stórt viðfangsefni í heilbrigðisþjón-
ustu næstu ár,“ segir Pétur Magnús-
son, forstjóri
Reykjalundar.
Fjórir sjúklingar
sem glíma við eft-
irköst kórónuveir-
unnar eru þar nú í
meðferð og tutt-
ugu til viðbótar
bíða þjónustu.
Í upphafi kór-
ónuveirufarald-
ursins var gert
samkomulag um að Covid-sjúklingar
sem þess þyrftu fengju endurhæfingu
á Reykjalundi. Þar áttu í hlut skjól-
stæðingar sem sjúkdómurinn hafði
leikið grátt svo fólk komst ekki aftur
út í hið daglega líf. Alls fóru 16 manns
í gegnum þetta ferli á Reykjalundi
síðastliðið vor, samkvæmt meðferð
sem er í stöðugri þróun.
Á Reykjalundi er meðferð sinnt af
hópum fagfólks úr ólíkum stéttum –
og þannig er vanda hvers skjólstæð-
ings mætt með fjölþættum lausnum.
„Afleiðingarnar af Covid eru auðvitað
mismunandi milli fólks en eru einkum
á lungu, þrekleysi er langvarandi og
svo andleg eftirköst. Til þessara þátta
er horft í meðferð hér, sem tekur 4-6
vikur, þótt bataferlið sjálft taki lengri
tíma,“ segir Pétur.
Á hverjum tíma eru um 100 manns
í meðferð á Reykjalundi – og 1.200 á
ári. „Við gerum ráð fyrir auknum
fjölda fólks sem hefur veikst af Co-
vid-19 og verður vísað til okkar. Lið-
lega 2.100 manns hafa smitast af sjúk-
dómnum hingað til og sennilega
munu um 10% þess hóps glíma lengi
við afleiðingar,“ segir forstjóri.
sbs@mbl.is
Margir þurfa
endurhæfingu
 Verður stórt viðfangsefni næstu ár
Morgunblaðið/Sigurður Bogi
Reykjalundur Um 1.200 manns
sækja endurhæfingu þar á ári.
Pétur
Magnússon
www.flugger.is
Mött
Gæðamálning
í öllum litum
Auðvelt
að þrífa