Morgunblaðið - 15.09.2020, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 15. SEPTEMBER 2020
Þverholti 5 • Mosfellsbæ • Sími 898 1744 • myndo.is
Við búum til
minningar myndó.isljósmyndastofa
NJÓTUMMINNINGANNA
Lögreglan á Suðurnesjum óskaði í
gær eftir aðstoð almennings vegna
innbrots sem lögreglan hefur nú til
rannsóknar. Talsverðu magni af raf-
tækjum var stolið frá vallarhúsinu
við Rafholtsvöll í Njarðvík, auk þess
sem skemmdir voru unnar á hús-
næðinu. Á myndskeiði sem lög-
reglan birti á samfélagsmiðlum í
gær má sjá hvar þrír einstaklingar
koma gangandi að húsinu og brjóta
sér leið inn í það eftir að hafa gengið
á allar dyr og glugga. Lögreglan bið-
ur fólk um að skoða myndirnar vel
og athuga hvort hægt sé að bera
kennsl á einstaklingana. Þá skorar
lögreglan á þá sem um ræðir að gefa
sig fram við lögreglu strax og skila
því sem var tekið. Í yfirlýsingu frá
knattspyrnudeild Njarðvíkur segir
að fartölvu, vallarhátölurum, hljóð-
stöng, myndvarpa, Playstation-tölvu
og fleiru hafi verið stolið. „Því miður
eru ónytjungar meðal vor sem eiga
hvergi heima nema í tugthúsinu,“
segir í yfirlýsingunni.
Stálu af knattspyrnuvelli
Skjáskot/Knattspyrnudeild Njarðvíkur
Þjófnaður Í myndbandi má sjá þrjá menn brjóta sér leið inn í vallarhúsið.
 Lögreglan óskar
eftir aðstoð vegna
innbrots í Njarðvík
Stytting sóttkvíar innanlands hjá
þeim sem hafa verið berskjaldaðir
fyrir veirunni tók gildi í gær og kom
til framkvæmda í morgun. Með þess-
ari breytingu þurfa þeir sem settir
eru í sóttkví ekki að sæta henni í 14
daga eins og áður heldur sjö, kjósi
þeir að fara í sýnatöku að sjö daga
sóttkví lokinni. Reynist viðkomandi
ekki smitaður á sjöunda degi er hann
laus úr sóttkvínni en ef viðkomandi er
smitaður fer hann í einangrun eins og
aðrir. Fram kom í máli Þórólfs
Guðnasonar sóttvarnalæknis á upp-
lýsingafundi almannavarna í gær að
fólk muni áfram geta valið 14 daga
sóttkví og sleppt sýnatöku. Breyting-
arnar eru til þess gerðar að minnka
áhrif sóttkvíar á samfélagið, en frá
upphafi faraldursins í mars hafa tæp-
lega 25.000 Íslendingar þurft að sæta
sóttkví.
Alveg að koma heim
Um stöðuna á heimsfaraldri kór-
ónuveirunnar sagði Þórólfur á fund-
inum að ómögulegt væri að segja til
um hversu langt sé eftir af faraldr-
inum. „Þetta er svona eins og maður
segir við börnin sín þegar maður er
úti að labba, við erum alveg að koma
heim,“ sagði Þórólfur. „Þetta er búið
að vera rólegt bæði innanlands og á
landamærunum síðustu daga,“ bætti
hann við. Virkum smitum sé að fækka
og kúrfan að fara niður. Þau smit sem
hafa greinst undanfarið séu af sömu
stofnum og hin smitin sem hafa
greinst í seinni bylgju veirunnar. Þór-
ólfur benti þó á að þróunin erlendis
væri óhagstæð Íslendingum að
mörgu leyti, en aldrei hafa jafn mörg
smit greinst á einum sólarhring á
heimsvísu og á sunnudag. Vegna
þessa eru auknar líkur á að smit geti
komið inn í landið að sögn Þórólfs.
Hann segir óráðlegt að slaka á að-
gerðum á landamærum, en það fyr-
irkomulag sem þar er í gildi nú, tvö-
föld skimun með sóttkví, er í gildi til
6. október. Vinna er farin af stað af
hálfu stjórnvalda við að kanna mögu-
legar útfærslur á reglum við landa-
mærin. Tvö innanlandssmit veir-
unnar greindust í gær, en þau voru
bæði hjá einstaklingum sem voru ut-
an sóttkvíar við greiningu.
Litakóðaviðvaranir
Víðir Reynisson yfirlögregluþjónn
greindi frá því á upplýsingafundinum
í gær að stefnt er að því að taka upp
litakóða í upplýsingamiðlun almanna-
varna vegna faraldursins. Litakóðinn
verður svipaður veðurviðvörunum.
Það verður því um að ræða gular,
appelsínugular og rauðar viðvaranir.
Þá hefur verið kynntur til sögunnar
nýr hnappur á vefsíðu almannavarna
covid.is, þar sem hægt er að tilkynna
sóttvarnabrot. Með einum smelli er
tilkynnanda vísað á skráningarform
sem fyllt er út með upplýsingum um
meint sóttvarnabrot og tilkynningin
send á viðeigandi lögregluumdæmi.
Jóhann K. Jóhannsson, sam-
skiptastjóri almannavarna, segir að
hnappnum hafi verið komið fyrir til
að einfalda boðleiðir og auka þjón-
ustu við borgarana, þar sem tilkynn-
ingar um brot á sóttvarnareglum hafi
borist allvíða. Með hnappnum verður
hægt að tryggja að tilkynningar fari í
einn farveg.
Nýjar reglur um sóttkví taka gildi
 Val um 7 daga sóttkví og sýnatöku frá og með deginum í dag  Tvö ný innanlandssmit í gær  Kynna
litakóða og tilkynningarhnapp  Sóttvarnalæknir segir þróun erlendis vera óhagstæða Íslendingum
Ljósmynd/Lögreglan
Kórónuveiran Víðir Reynisson yfirlögregluþjónn og Þórólfur Guðnason sóttvarnalæknir á fundi almannavarna.
Viðar Guðjónsson
vidar@mbl.is
Áttatíu manns sem Útlendingastofn-
un hefur synjað um vernd hér á landi
eru á lista stoðdeildar ríkislögreglu-
stjóra sem sér um framkvæmd á
brottvikningu hælisleitenda. Dæmi
eru um að einstaklingar hafi verið á
Íslandi árum saman eftir að úrskurð-
ur féll. Elsta dæmi þess er af einstak-
lingi af ganverskum uppruna sem var
synjað um vernd og fór á lista stoð-
deildar í nóvember árið 2018. Ástæð-
an er sú að ríkislögreglustjóra hefur
ekki tekist að afla ferðaskilríkja fyrir
manninn hjá ganverskum stjórnvöld-
um, að sögn Þórhildar Óskar Hagalín,
upplýsingafulltrúa Útlendingastofn-
unar. „Vinna stoðdeildar snýr að því
að útvega manninum skilríki. Þarlend
stjórnvöld hafa ekki orðið við þeirri
bón,“ segir Þórhildur og bætir við:
„Það er ekki einsdæmi að illa gangi að
fá samþykki eða skilríki frá heima-
ríki.“
Um tíu mánuðir eru síðan kæru-
nefnd útlendingamála staðfesti úr-
skurð Útlendingastofnunar um að
vísa þeim Dooa Eldeib og Ibrahim
Khedr og börnum þeirra fjórum úr
landi. Að óbreyttu verður þeim vísað
úr landi á morgun. Málsmeðferðar-
tími fjölskyldunnar tók rúma 15 mán-
uði í heild og hafa þau því dvalið á Ís-
landi rúm tvö ár. Katrín Jakobsdóttir
forsætisráðherra sagði í útvarpsþætt-
inum Sprengisandi á Bylgjunni að að
hún teldi biðina eftir úrlausn málsins
ómannúðlega.
Þórhildur Ósk segir að sá langi tími
sem líði fram að brottför þeirra sem
vísað er úr landi hafi sér ólíkar skýr-
ingar. Eftir að kærunefnd útlend-
ingamála hefur hafnað hælisleitanda
um alþjóðlega vernd taka við 7-30
dagar þar sem hann getur farið sjálf-
viljugur úr landi. Velji hælisleitandi
að yfirgefa ekki landið er málinu vísað
til framkvæmdar hjá stoðdeild ríkis-
lögreglustjóra. „Þá er það ekki ein-
göngu undir stjórnvöldum hér komið
hve langur tími líður áður en fólki er
vísað af landi. Ástæðan er sú að það
krefst samskipta og samvinnu við
stjórnvöld í heimaríki. Ekki er hægt
að flytja viðkomandi nema fyrir liggi
samþykki. Upp hefur komið að þetta
samþykki tefst í langan tíma. Svo
kann málið að tefjast enn frekar ef
viðkomandi hælisleitanda vantar gild
ferðaskilríki. Þá kemur líka til kasta
heimaríkis sem þarf að gefa þau út,“
segir Þórhildur. Hún segir að sam-
starf á milli ríkja geti verið mismun-
andi og að í sumum tilvikum taki hlut-
ir lengri tíma en í öðrum. Eins sé
dæmi um að ríkisfang hælisleitanda
fáist ekki staðfest hjá því ríki sem við-
komandi segist vera frá.
Stuðningsyfirlýsing Katrínar
Magnús Davíð Norðdahl, lögmaður
egypsku fjölskyldunnar, segir í sam-
tali við mbl.is að ef ekki er kveðinn
upp úrskurður innan 16 mánaða á
stjórnsýslustigi sé heimilt að veita
barni dvalarleyfi á grundvelli mann-
úðarsjónarmiða. „Þegar niðurstaða
var kveðin upp í þeirra máli og þeim
birt sú niðurstaða voru liðnir 15 mán-
uðir og 11 dagar. Þá var þeim gefinn
30 daga frestur til þess að yfirgefa
landið. Á meðan þessir 30 dagar líða
eru þau í löglegri dvöl í landinu. Þau
ná 16 mánuðum og 11 dögum í lög-
legri dvöl á landinu,“ segir Magnús.
Hann vonast til þess að stjórnvöld
breyti ákvörðun sinni og vísar til orða
Katrínar Jakobsdóttur forsætisráð-
herra sem hann skilur sem stuðnings-
yfirlýsingu við fjölskylduna.
Áttatíu bíða brottvísunar af landi
 Ganverji dvalið hér í nær tvö ár eftir
úrskurð  Egypska fjölskyldan vonar
Ljósmynd/Sema Erla Serdar
Fólk Egypska fjölskyldan sem senda á úr landi, að óbreyttu á morgun.