Morgunblaðið - 03.10.2020, Blaðsíða 50

50 MENNING
MORGUNBLAÐIÐ LAUGARDAGUR 3. OKTÓBER 2020
Einar Falur Ingólfsson
efi@mbl.is
Mikið hefur gengið á í porti Lista-
safns Reykjavíkur í Hafnarhúsi, þar
sem myndlistartvíeykið Libia
Castro & Ólafur Ólafsson hafa verið
að undirbúa viðamikinn viðburð sem
stendur yfir frá kl. 12 til 15.30 í dag
og er á dagskrá Listahátíðar í
Reykjavík. Kalla þau hann „Í leit að
töfrum“ en í honum er kallað eftir
því að tillögurnar að nýrri stjórnar-
skrá verði samþykktar.
Þegar blaðamaður leit við í port-
inu var verið að strengja upp borða
og koma fyrir kröfuspjöldum, líka
var verið að koma fyrir stólum og
stilla ljós og hljóðkerfi, og allt kvik-
myndað fyrir verk sem þau munu
vinna í framhaldi viðburðarins í dag.
Lokakafli viðburðarins fer síðan
fram á götum Reykjavíkur, þegar
þáttakendur, sem eru um eitt-
hundrað talsins, og gestir ganga
saman út úr safninu og sameinast í
kröfugöngu fram hjá Stjórnarráðinu
og að Austurvelli þar sem krafist
verður nýrrar stjórnarskrár.
Libia og Ólafur hafa lengi unnið
verk út frá stjórnarskránni. Fyrst
2008 þegar þau fengu Karólínu Ei-
ríksdóttur tónskáld til að semja tón-
verk við allar 81 greinar stjórnar-
skrár Íslands. Í febrúar 2011 var
tónlistar- og myndbandsgjörning-
urinn Stjórnarskrá lýðveldisins Ís-
lands síðan fluttur í Hafnarborg og í
framhaldinu í Ríkissjónvarpinu. Þau
benda á að síðan hafi verið ráðist í
ritun nýrrar stjórnarskrár og hafi
lykilmarkmiðið verið að stuðla að
lýðræðislegra og ráttlátara sam-
félagi og hafi þjóðin kosið með hinni
nýju stjórnarskrá í þjóðaratkvæða-
greiðslu. Hún hafi þó ekki enn verið
lögfest af Alþingi.
Fyrir viðburðinn í dag fengu Libia
og Ólafur til liðs við sig hóp ólíkra
tónskálda, innlendra og erlendra,
tónlistarfólks, samtaka, aðgerðar-
sinna og almennra borgara til að
skapa í samstarfi það sem þau lýsa
sem „fjölradda tónlistar- og mynd-
listargjörningi við allar 114 greinar
nýju íslensku stjórnarskrártillög-
unnar frá 2011“.
Listamenn hafa frelsi
Vegna samkomutakmarkana
verður gestum hleypt í hollum inn á
viðburðinn í porti Hafnarhússins í
dag. Tuttugu geta í senn verið á
svölunum öðrum megin og fleiri far-
ið eftir markaðri leið á gólfi portsins.
Ekki verða fjöldatakmarkanir í
göngunni en fólk er beðið að gæta að
fjarlægð og vera með grímur. Þau
Libia og Ólafur segja skipulagningu
verksins sífellt hafa verið að breyt-
ast en gangi upp. Þau kalla þetta
baráttuverk „Í leit að töfrum“.
Hvers vegna?
Ólafur segir að með óvenjulegri
nálgun leitist þau við að sýna hvað
listin geti gert samhliða borgara-
legri þátttöku. Libia bætir við að
með töfrum virðist sem unnt sé að
breyta hlutum með auðveldum hætti
og þau vilji trúa því að þegar listin
mæti samstöðumætti borgaranna
megi stuðla að breytingum.
Tólf ár eru liðin síðan þau fyrst
gerðu stjórnarskrá Íslands að efni-
við í verk og Libia bendir á að þá
hafi það verið hin gamla stjórnar-
skrá sem enn er í gildi en kallað var
á breytingar. Skömmu síðar hrundi
efnahagskerfið og fólk sá í kjölfarið
sífellt betur að stjórnarskránni
þurfti að breyta. Síðan hafi þjóðin
kosið með nýrri stjórnarskrá og nú
sé hnykkt á þeirri kröfu.
„Þegar við vinnum að verkunum
okkar nálgumst við þau stundum
með ólíkum hætti enda er ég úr
norðrinu, íslenskur, en Libia að
sunnan, frá Spáni,“ segir Ólafur og
Libia bætir hlæjandi við að nálgun
þeirra sé ekki bara stundum ólík
heldur alltaf. „En við höfum nálgast
stjórnarskrána og tillögurnar gegn-
um listina og nú með þá spurningu
að leiðarljósi hvar stjórnarskráin
sé,“ segir Ólafur.
Libia segir gríðarlega áhrifamikla
lýðræðishreyfingu hafa átt sér hér
stað eftir hrun, sem leiddi til ritunar
nýrrar stjórnarskrár og samþykktar
hennar í þjóðaratkvæðargreiðslu.
„En síðustu átta ár hefur þessi nýja
stjórnarskrá verið hjúpuð þögn en
það er aðferð sem við Spánverjar
þekkjum vel frá fjögurra áratuga
einræðistíma þar sem lýðræðið var
þaggað niður og hæðst að því. En við
höfum sem listamenn ekki gefist upp
og höldum áfram að fjalla um þessa
þögn og mikilvægi breytinganna.
Listamenn hafa frelsi til að huga um
hlutina á annan hátt og takast líka á
við tilfinningar. Og við vinnum með
hinum sem taka þátt hér með okkur.
Þess vegna er umbreyting viðburð-
arins hér svo mikilvæg, færslan frá
gjörningnum í listasafninu yfir í
kröfugöngu að Austurvelli.“
Morgunblaðið/Einar Falur
Listamannatvíeykið Libia og Ólafur við undirbúning viðburðarins í porti Hafnarhússins, klædd peysum sem tengj-
ast viðfangsefninu þar sem kallað er eftir nýrri stjórnarskrá. Nokkrir tugir gesta geta í senn fylgst með.
Töfrum beint að stjórnarskrá
 Um eitt hundrað þátttakendur í viðamiklum viðburði Libiu Castro & Ólafs
Ólafssonar í Listasafni Reykjavíkur í dag  Gjörningur breytist í kröfugöngu
Veizla í boði
Svövu er yfir-
skrift dagskrár
sem verður flutt í
Klúbbi Listahá-
tíðar í Iðnó á
morgun, sunnu-
dag, kl. 16. Svövu
Jakobsdóttur
verður þar
minnst en á
morgun eru 90 ár frá fæðingu
hennar. Af því tilefni efna Leik-
lestrafélagið og Klúbbur Listahá-
tíðar til lesdagskrár. Sonur Svövu,
Jakob S. Jónsson, hefur ásamt Þór-
unni Magneu Magnúsdóttir leik-
konu valið nokkrar sögur úr sagna-
safni Svövu, Veizla undir
grjótvegg, og mun hann lesa þær
ásamt Þórunni og jafnframt því
lýsa nokkrum minningabrotum af
móður sinni.
Leikstjóri dagskrárinnar er Þór-
unn Magnea og eru allir velkomnir
meðan húsrúm leyfir en minnt er á
nauðsyn þess að taka frá sæti vegna
takmarkaðs sætaframboðs af smit-
varnaástæðum.
Dagskrá um Svövu
Jakobsdóttur
Svava Jakobsdóttir
Um þessar
mundir stendur
yfir í Nesstofu á
Seltjarnarnesi
sýning Önnu Jóa,
„Fjörufundir“.
Sýning var opn-
uð samhliða út-
gáfu bókar
Önnu, Hamir /
Sheaths. Verkin í
bókinni fjalla um klæði og hami
hvers konar og tengsl þeirra við hí-
býli og tímans rás. Hugsanir lista-
mannsins um tímann og staði flétt-
ast saman við gerð myndanna og
rata á blað sem ljóðrænir textar.
Verk úr bókinni eru sýnd í Nesstofu
ásamt nýlegum verkum Önnu sem
innblásin eru af ströndinni og um-
merkjum um sérstök tengsl menn-
ingar og náttúru sem finna má í
fjöru.
Anna verður með sýningarspjall
á morgun, sunnudag, kl. 17. Einnig
má skoða sýninguna með því að
hafa samband í síma 899-0046.
Sýningarspjall
Önnu í Nesstofu
Anna Jóa
Stórsveit Reykjavíkur hefur nýtt
starfsár með tónleikum í Silfur-
bergi í Hörpu á morgun, sunnu-
dagskvöld, klukkan 20. Að þessu
sinni hefur stórsveitin vetrarstarfið
með því að „ferðast innanlands“,
eins og það er orðað í tilkynningu
um tónleikana en blaðað verður í
„íslenska katalógnum“ og flutt úr-
val verka sem samin hafa verið fyr-
ir hljómsveitina á liðnum árum.
Tónleikagestir munu heyra flutt
tónverk eftir Eyþór Gunnarsson,
Hafdísi Bjarnadóttur, Jóel Pálsson,
Kjartan Valdemarsson, Sigurð
Flosason, Samúel Jón Samúelsson,
Þórhall Sigurðsson og Veigar Mar-
geirsson. Samúel J. Samúelsson
stjórnar hljómsveitinni á þessum
fyrstu tónleikum starfsársins og
fást miðar í miðasölu Hörpu og á
vefnum harpa.is.
Stórsveit Reykjavíkur var stofn-
uð í febrúar árið 1992 og á sér
langa og farsæla sögu. Hún starfar
með ólíkum stjórnendum, hefur
sent frá sér marga geisladiska og
unnið til ýmissa verðlauna.
Stórhljómsveit Stórsveit Reykjavíkur er önnur húshljómsveita Hörpu.
Stórsveit Reykjavíkur
„ferðast innanlands“
 Leikur verk íslenskra tónskálda