Morgunblaðið - 05.12.2020, Síða 10

10 FRÉTTIRInnlent
MORGUNBLAÐIÐ LAUGARDAGUR 5. DESEMBER 2020
Við sendum frítt innanlands
ef verslað er fyrir 8.000 kr. eða meira
Verslun | Snorrabraut 56, 105 Reykjavík | 588 0488 | Vefverslun á Feldur.is
HLÝJAR JÓLAGJAFIR
Ágúst Ingi Jónsson
aij@mbl.is
Miklar framkvæmdir eru fyrirhug-
aðar á svæði Golfklúbbs Reykjavík-
ur í Grafarholti næstu misseri.
Áformað er að byggja nýtt íþrótta-
hús við Bása með aðstöðu fyrir
golfherma, vipp og pútt og við
austurhlið Bása á að rísa 3-400 fer-
metra einfaldari þjónustubygging
með starfsmannaaðstöðu, verkstæði
og vélageymslu. Þá er á döfinni að
endurgera flatir við 7. og 11. braut
vallarins þannig að þær verði fyrr
tilbúnar á vorin og gæði þeirra
verði meiri allt sumarið.
Framkvæmt fyrir 500 milljónir
Björn Víglundsson, formaður GR,
segist áætla að þessar framkvæmdir
kosti um 500 milljónir króna. Í
gangi er skoðanakönnun til að
kanna hug félagsmanna til fram-
kvæmdanna og lýkur henni næsta
miðvikudag. Björn segist gera sér
vonir um að niðurstöður verði já-
kvæðar og þá verði hægt að ráðast í
hönnunarvinnu, útboð og fram-
kvæmdir næsta vor og ljúka þeim á
árinu.
Viðbyggingin við Bása verður
rúmlega 800 fermetrar að stærð og
verður húsið samnýtt með því sem
fyrir er við æfingasvæðið. Yfir vetr-
artímann verður æfinga- og félags-
aðstaða í fjölnota upphituðu húsnæði
þar sem 4-6 golfhermar verða settir
upp. Yfir sumartímann eru þarfir
kylfinga ólíkar og þá verður hægt
að opna út á æfingasvæðið eins og
nú er.
Björn segir að golfhermum hafi
fjölgað mjög síðustu ár hjá golf-
klúbbum, t.d. GKG, og stórum og
smærri einkafyrirtækjum. Það sé
mat stjórnar GR að miða við 4-6
golfherma í upphafi, en auðvelt sé
að fjölga þeim í samræmi við eftir-
spurn.
Endurgerð í áföngum
Björn rifjar upp að fyrir tæpum
sex árum hafi verið gerð skoð-
anakönnun meðal félagsmanna í
GR um breytingar á Grafarholts-
velli. Þar hafi komið fram ábend-
ingar um að þörf væri á betri fé-
lags- og æfingaaðstöðu, sem nú
væri verið að bregðast við.
Jafnframt hafi komið fram efa-
semdir um að fara í stórtækar
breytingar á vellinum á skömmum
tíma. Niðurstaðan hafi verið sú að
skipta verkefninu við endurgerð
vallarins í minni einingar og trufla
leik á framkvæmdatímanum eins
lítið og mögulegt væri. Breytingar
á brautum 7 og 11 væri fyrsti
áfanginn í endurgerðinni.
Með því að breyta legu þessara
brauta lítillega og staðsetningu og
halla flata mætti forðast vetrar- og
vatnstjón og auka gæði með legu
gagnvart sólarljósi, góðri undir-
byggingu og fullkomnum vökvunar-
tækjum. Byggt er á teikningum frá
breska golfvallahönnuðinum Tom
Mackenzie, sem hefur unnið með
GR síðasta áratuginn.
Alls eru rúmlega 3.300 félagar í
Golfklúbbi Reykjavíkur að börnum
og unglingum meðtöldum. Aðal-
fundur GR verður haldinn með
fjarfundabúnaði á mánudag.
Byggja og bæta flatir í Grafarholti
 Betri inniaðstaða í nýju íþróttahúsi GR  Breytingar á tveimur brautum  Könnun meðal félaga
Tölvumynd/T.ark
Básar Inniaðstaða batnar til muna með nýju íþróttahúsi GR í Grafarholti, en húsið nýtist til golfæfinga og félagsstarfs allt árið.
Morgunblaðið/Sigurður Bogi
Kylfingur Björn Víglundsson, for-
maður Golfklúbbs Reykjavíkur.