Morgunblaðið - 08.12.2020, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 8. DESEMBER 2020
Smiðjuvegi 34 • gul gata Kópavogi • biljofur@biljofur.is
Viðgerðir // Bilanagreining // Varahlutir // Smurþjónusta
Hjá Bíljöfri starfa þaulreyndir bifvélavirkjar með ára-
langa reynslu að baki og hafa yfir að ráða fullkomnum
tölvum til að lesa og bilanagreina bílinn þinn
544 5151
tímapantanir
Rótgróið fyrirtæki, starfrækt frá 1992
Þjónustuaðilar IB Selfossi
Getum sótt og skilað bílum á höfuðborgarsvæðinu
Allar almennar
BÍLAVIÐGERÐIR
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.isMenning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningarmbl.is/sendagrein Prentun Landsprent ehf.
Sigtryggur Sigtryggsson
sisi@mbl.is
Á fundi skipulagsfulltrúa Reykjavík-
ur sl. föstudag var lögð fram fyrir-
spurn um mögulega breytingu á
starfsemi Hótel Sögu við Hagatorg.
Sem kunnugt er var hótelinu lokað 1.
nóvember sl. vegna heimsfaraldurs
kórónuveirunnar.
Það er Jón Hrafn Hlöðversson,
byggingafræðingur hjá teiknistofunni
Mansard, sem sendi fyrirspurnina inn
með bréfi dagsettu 23. nóvember sl. Í
bréfinu leggur hann tvær spurningar
fyrir byggingarfulltrúann:
1. Hvort breyta megi húsnæði Hót-
els Sögu við Hagatorg 1 að hluta eða
öllu leyti í íbúðarhúsnæði. Kæmi til
greina að breyta skipulagi með þeim
hætti?
2. Í skipulagsskilmálum kemur
fram að leyfilegt er að reka ýmiss
konar þjónustu, þar með leigustarf-
semi, hótel og viðlíka sem og heil-
brigðisstarfsemi. Myndi heilbrigðis-
starfsemi líkt og þjónusta við aldraða,
t.d. hjúkrunarheimili, falla innan þess
ramma?
Skipulagsfulltrúinn vísaði fyrir-
spurninni til umsagnar verkefnis-
stjóra. Í viðtali við Morgunblaðið ný-
verið sagði Helgi Vilhjálmsson,
eigandi sælgætisgerðarinnar Góu, að
nú þegar búið væri að loka Hótel
Sögu væri upplagt að opna þar heimili
fyrir eldri borgara. „Sem gamall
Vesturbæingur, sem ólst upp í hverf-
inu á þeim tíma sem verið var að
byggja Hótel Sögu og lék sér í stóra
drullupollinum í grunninum, finnst
mér upplagt að breyta hótelinu í elli-
heimili, nú þegar búið er að skella í
lás. Við erum með matstaðinn kláran
niðri. Svo getum við haft dansiball
tvisvar í viku í Súlnasal til að létta
lundina hjá eldri borgurum,“ sagði
Helgi m.a. í viðtalinu.
Húsið sem hýsir Hótel Sögu er
jafnan nefnt Bændahöllin. Það var
tekið í notkun árið 1962 og hefur húsið
alla tíð verið í eigu íslenskra bænda.
Auk hótelsins hafa Bændasamtökin
verið með skrifstofur og ráðgjafar-
þjónustu í húsinu um árabil.
Reksturinn er í tveimur félögum,
sem bæði eru í eigu Bændasamtaka
Íslands. Þau eru Bændahöllin ehf.
sem rekur fasteignina og Hótel Saga
ehf. sem rekur sjálft hótelið. Í hót-
elinu eru 209 herbergi og veislu- og
ráðstefnusalir.
Hótel Saga í nýtt hlutverk?
Morgunblaðið/Kristinn Magnússon
Hótel Saga Herbergin, 209 að tölu, standa nú auð vegna heimsfaraldursins.
 Fyrirspurn um mögulega breytingu á starfseminni send til skipulagsfulltrúa
 Húsinu breytt í íbúðir eða hjúkrunarheimili?  Hótelið er ekki í rekstri núna
Aron Þórður Albertsson
aronthordur@mbl.is
Gerðar hafa verið minnst fjórar til-
raunir til innbrota í skartgripaversl-
unum í miðborginni undanfarinn
hálfan mánuð. Talið er að sami mað-
urinn sé þar að verki, en honum hef-
ur tekist að stela skartgripum að
andvirði þremur milljónum króna
hið minnsta.
Kristín Guðbrandsdóttir Jezorski,
dóttir gullsmiðsins Guðbrands J.
Jezorski, starfar í verslun hans á
Laugavegi. Segir hún að gerðar hafi
verið þrjár tilraunir til ráns í versl-
uninni. Ein í febrúar og tvær undan-
farnar vikur. „Það var eitt rán í
febrúar um hábjartan dag en síðan
voru tvö núna með viku millibili þar
sem rúðan var brotin,“ segir Kristín
og bætir við að sést hafi til sama
mannsins brjóta rúðu verslunar-
innar í skjóli nætur. „Þetta var sami
maðurinn sem kastaði gangstéttar-
hellu í rúðuna og tæmdi svo útstill-
inguna. Hann notaði sama grjótið í
báðum tilvikum og það sást til hans.
Það eru öryggismyndavélar á bygg-
ingum nærri versluninni og þar náð-
ist hann á mynd,“ segir Kristín sem
áætlar að andvirði þýfisins sé í
kringum þrjár milljónir króna.
Lögreglan veitir engin svör
Auk skartgripaverslunar Jezorsk-
is hafa fleiri tilraunir til innbrots átt
sér stað síðustu daga og vikur. Að-
spurð segist Kristín vita til inn-
brotstilrauna í úra- og skartgripa-
verslun Jóns og Óskars á Laugavegi
og í skartgripaverslun Hildar Haf-
stein á Klapparstíg. „Mér finnst
þetta vera eins og hjá Hildi á Klapp-
arstíg, svo notaðist hann við sama
grjót hjá Jóni og Óskari. Ég held að
þetta sé alveg örugglega sami mað-
urinn,“ segir Kristín.
Spurð hvort verslunin sé tryggð
fyrir uppákomum sem þessum segir
hún svo ekki vera. Þá sé jafnframt
ljóst að tjónið sé talsvert. „Við erum
ekkert tryggð, en í bæði skiptin var
rúðan brotin. Samtals eru þetta
þrjár milljónir króna í formi skart-
gripa.“
Kristín kveðst undrandi á vinnu-
brögðum lögreglunnar í málinu.
Hún hafi gert ítrekaðar tilraunir til
að ná sambandi við embættið, en
ekkert bóli á svörum. Þá viti hún
ekki hver næstu skref í málinu eru.
„Lögreglan er með mynd af honum
en ég fæ bara ekkert að tala við lög-
regluna. Þess í stað fæ ég samband
við símadömuna. Ég er búin að
reyna að senda skilaboð og hringja
en ég fæ ekki að tala við lögregl-
una.“
Morgunblaðið/Eggert
Skartgripaverslun Kristín starfar í skartgripaverslun Jezorski á Laugavegi. Verslunin hefur tvívegis verið rænd.
Innbrotahrina í mið-
borginni síðustu vikur
 Sami maðurinn talinn standa að baki fjórum tilraunum
„Aðgerðir voru í samræmi við veð-
urspár og þau líkön um orkunotkun
sem starfsemin er keyrð sam-
kvæmt. Ég tel viðbrögð okkar hafa
verið á réttri línu,“ segir Ólöf Snæ-
hólm Baldursdóttir, upplýsinga-
fulltrúi Veitna.
Veðurspár í síðustu viku gerðu
ráð fyrir að á höfuðborgarsvæðinu
yrði allt að 12 stiga frost, að við-
bættri vindkælingu. Þessar spár
gengu ekki eftir og frostið fimmtu-
dag til laugardags var 3,5-4 gráð-
um minna en búist var við. Óttast
var að ekki tækist að anna eftir-
spurn eftir heitu vatni sem fengið
er úr Mosfellsbæ, tveimur borhol-
um innanbæjar í Reykjavík, frá
Nesjavöllum og Hellisheiðar-
virkjun. Á síðastnefnda staðnum
hafi framleiðslugeta nýlega verið
efld með stækkun í Mosfellsbæ. Með
því meðal annars hafi aukinni eftir-
spurn eftir heitu vatni verið svarað.
Erlendar rannsóknir sýni að með
lengri dvöl fólks í heimaranni á tím-
um Covid-19 þurfi meiri upphitun
og hjá Veitum sé aukningin í ár um
11%.
„Almenningur brást vel við kalli
okkar og nýting á vatni var alveg
innan þess sem Veitur ráða við. Í
kuldakastinu var mest verið að
nota um 15.000 rúmmetra af vatni á
klukkustund. Það er svipað og
Laugardalslaugin sé fyllt 10 sinn-
um. Reyndar þarf alltaf að nýta
heita vatnið skynsamlega, rétt eins
og aðrar auðlindir,“ segir Ólöf.
sbs@mbl.is
Viðbrögð fylgdu
spám og líkönum
 Veitur héldu hita  Aukin eftirspurn
Morgunblaðið/Sigurður Bogi
Hitaveita Dælustöð Veitna við bor-
holu á Reykjum í Mosfellsbænum.
Pieta-samtökunum
bárust 504 símtöl í
nóvember í ár sam-
anborið við 213 í
sama mánuði í
fyrra. Er þetta um
137% aukning milli
ára. Að sögn Krist-
ínar Ólafsdóttur
framkvæmdastjóra
samtakanna er út-
lit fyrir fjölgun sjálfsvíga milli ára.
„Það eru ákveðin teikn á lofti og
vísbendingar um að fjölgun sjálfsvíga
sé að eiga sér stað. Það er aftur á
móti jákvætt á sama tíma að það eru
fleiri sem eru að leita sér aðstoðar,“
segir Kristín.
Aðspurð segist Kristín fagna því að
fleiri leiti sér aðstoðar. Þá sé nauð-
synlegt að muna að það er alltaf lausn
óháð stærð vandamálanna.
„Við erum með aðila sem hjálpa ef
fólk er í erfiðri stöðu. Við hvetjum alla
sem eru í slíkri stöðu til að leita sér
aðstoðar. Hér er engum vísað frá
heldur höldum við í höndina á fólki
þar til lausn er fundin. Við bendum
fólki á lausnir ekki vandamál.“
aronthordur@mbl.is
Kristín
Ólafsdóttir
Sjálfsvígum
gæti fjölgað