Morgunblaðið - 08.12.2020, Blaðsíða 24

MORGUNBLAÐIÐ ÞRIÐJUDAGUR 8. DESEMBER 2020
30 ára Sigríður er
Hafnfirðingur í húð
og hár. Hún er í
flugnámi, en er í fæð-
ingarorlofi eins og er.
Hún hefur mikinn
áhuga á íþróttum,
innanhússhönnun og
hreiðurgerð.
Maki: Hilmar Geir Eiðsson, f. 1985,
tæknistjóri hjá Kara Connect.
Börn: Eiður Ares Arnfjörð Hilmarsson,
f. 2020 og Amelía Alba Hilmarsdóttir,
f. 2011.
Foreldrar: Magnea Vilborg Svavars-
dóttir, f. 1961, vinnur hjá Ríkiseignum
og Ólafur Arnfjörð Guðmundsson, f.
1954, eigandi og bókhaldari hjá Bók-
vistun. Þau búa í Hafnarfirði.
Sigríður Arnfjörð
Ólafsdóttir
Stjörnuspá
21. mars - 19. apríl 
Hrútur Láttu ekki hugfallast þótt þér finn-
ist aðrir ekki komast lönd né strönd í sín-
um málum því það er bara alls ekki þitt
mál.
20. apríl - 20. maí 
Naut Þú ert sannfærður um að þínar að-
ferðir til að ná árangri séu þær bestu á all-
an hátt. Gefðu þér tíma til þess að kanna
allar hliðar þess vandlega áður en þú af-
ræður nokkuð.
21. maí - 20. júní 
Tvíburar Þú færð að reyna sitthvað nýtt
sem hefur varanleg áhrif á líf þitt. Láttu
það ekki á þig fá og varastu að ofmeta það
til lengri tíma litið.
21. júní - 22. júlí 
Krabbi Það er nauðsynlegt að geta bæði
gefið og þegið því án annars er hitt ekkert.
Tekjur þínar munu aukast.
23. júlí - 22. ágúst 
Ljón Sama hvað þú leggur hart að þér,
menn þurfa á því að halda að taka sér
hvíld til að viðhalda skilvirkninni.
23. ágúst - 22. sept. 
Meyja Þú hefur svo margt á þinni könnu
að þú þarft að gæta þess að lofa ekki upp í
ermina á þér. Gerðu áætlanir tengdar list-
sköpun og fríi.
23. sept. - 22. okt. 
Vog Samstarfsfólk þitt er sérstaklega
samvinnuþýtt þessa dagana. Vertu bara
þú sjálfur og njóttu þess sem gefur lífinu
lit.
23. okt. - 21. nóv.
Sporðdreki Þú vinnur þér inn punkta með
því að neita að taka þátt í vondum siðum
sem skaða samfélagið. Vertu eins og
manneskjan sem þú vilt eyða ævinni með.
22. nóv. - 21. des.

Bogmaður Stundum er ekki nóg bara að
heyra það sem sagt er heldur þarf líka að
taka með í reikninginn hvernig hlutirnir
eru settir fram.
22. des. - 19. janúar 
Steingeit Það lífgar tvímælalaust upp á
tilveruna að eiga stund með góðum vin-
um. Hlustaði á þína innri rödd í kvöld.
20. jan. - 18. febr. 
Vatnsberi Vertu óhræddur við að segja
vinum og vandamönnum hvern hug þú
berð til þeirra. Gættu þess að láta það
ekki stíga þér til höfuðs.
19. feb. - 20. mars

Fiskar Þér er nauðsynlegt að brydda upp
á einhverju nýju til þess að gefa lífinu lit.
Til allrar hamingju hjálpar þessi kraftur
þér til þess að ljúka því sem þú ætlar þér.
R
agnar Guðmundsson
fæddist í Reykjavík 8.
desember 1940 og ólst
upp í Vesturbænum.
Hann segir að margt
hafi verið brallað á æskuárunum.
„Ég verð alltaf KR-ingur þótt ég
hallist nú að ÍBV líka. Maður er al-
inn þarna upp og neitar ekki uppeld-
inu.“ Ragnar gekk í Vesturbæj-
arskólann, en á sumrin var hann í
sveit í Mófellsstaðarkoti í Skorradal
hjá vinafólki föður síns. „Faðir minn
var í hestum og við vorum með hross
rétt fyrir neðan Borgarspítalann í
Fossvoginum. Ég fór í sveitina í
gegnum einhver hestasambönd
pabba. Það var alveg rosalega góður
tími hjá góðu fólki og ég er enn í
sambandi við afkomendur þeirra.“
Ragnar lærði rakaraiðnina hjá
Agli Valgeirssyni á Vesturgötunni
og útskrifaðist úr Iðnskólanum 1961.
Eftir útskriftina vildi hann breyta
alveg til og réð sig til sjós í Vest-
mannaeyjum og reri eina vertíð á
Jóni Stefánssyni VE með Sigurði
Elíassyni og fór svo að vinna í gúan-
óinu.
„Um sumarið 1962 kynnist ég
Siggu, konunni minni, fyrir alvöru
en hún er borin og barnfædd í Eyj-
um og þá var teningunum kastað og
ég ákvað að setja niður rætur í Eyj-
um.“ Árið 1964 stofnaði Ragnar sína
eigin stofu en þá voru þrír aðrir rak-
arar í Eyjum. Eftir að tveir hættu
ákváðu Ragnar og Einar Þor-
steinsson rakari að sameina stof-
urnar og reka saman sem þeir gerðu
allt þar til Einar féll frá tíu árum síð-
ar. Þegar Ragnar er spurður hvort
hann viti ekki öll leyndarmál Eyja-
manna eftir öll þessi ár á rakarastof-
unni hlær hann bara og segir að
vissulega hafi stofan verið mikill
samkomustaður og mörg mál rædd.
„Það má segja að þetta hafi verið
nokkurs konar fréttastofa í þá daga.
Það var rifist um bæði sjómennsku,
afla og stjórnmál og alla mögulega
hluti. Það var mikið að gera og mikið
af fólki á stofunni, en allt fór þetta
nú fram í mestu makindum og ró eft-
ir að menn voru búnir að hella úr
skálum reiði sinnar eða segja mein-
ingu sína hraustlega.“
Árið 1973 þegar gaus á Heimaey
flutti Ragnar fjölskyldu sína í íbúð
uppi á landi en fór strax aftur til
Eyja til að vinna við endurbygg-
inguna. Hann var einn fyrsti bunu-
stokksmaðurinn í Eyjum, en þeir
leiddu sjó upp í hraunið til að kæla
það. „Við settum líka í gang gúanó-
verksmiðjuna og tókum við tæpum
26 þúsund tonnum af loðnu í gosinu.“
Nærri helmingur húsa bæjarins fór
undir ösku og ekki fluttu allir til
baka. Ragnar kýs þó að líta á björtu
hliðarnar. „Þetta var mikill átaka-
tími, en mjög skemmtilegur þótt
mann langi ekki til að lifa hann upp
aftur.“
Stuttu eftir að Ragnar fór að
klippa Vestmannaeyinga byrjaði
hann í golfi og hann á orðið mikið
safn verðlauna fyrir golf ásamt
tveimur Íslandsmeistaratitlum öld-
unga. „Ég starfaði mikið fyrir Golf-
klúbbinn og var formaður hans um
hríð. Ég hef eignast marga góða fé-
laga í gegnum golfið. Dóttir mín,
Helga, er líka þrælgóður golfari þótt
hún hafi byrjað seint, en ég kenndi
henni nú eitthvað.“ Ragnar er
félagsmaður í Kiwanisklúbbnum
Helgafelli og er líka mikill skot-
veiðimaður. „Ég byrjaði að æfa skot-
fimi úti í Eyjum um 1970. Þar erum
við með skotveiðiklúbb og það eru
skemmtilegir strákar með mér í
þessu og ég er eins og guðfaðirinn í
hópnum, langelstur.“
Undanfarin 26 ár hefur Ragnar
Ragnar Guðmundsson hárskeri í Vestmannaeyjum – 80 ára
Rakarinn Ragnar á rakarastofunni tilbúinn að ræða málin við kúnnana.
Öll mál rædd á rakarastofunni
Hjónin Sigríður og Ragnar hafa verið saman í 58 ár. Skotveiðimaðurinn Ragnar hér búinn að veiða hreindýr.
Til hamingju með daginn
Selfoss Thelma Lind Sigþórsdóttir
fæddist 10. júní 2020 kl. 21.55. Hún vó
3.834 g og var 51 cm löng. Foreldrar
hennar eru Sigþór Magnússon og
Guðrún Arna Sigurðardóttir.
Nýr borgari
–– Meira fyrir lesendur
NÁNARI UPPLÝSINGAR
um auglýsingapláss:
Berglind Bergmann
Sími: 569 1246
berglindb@mbl.is
BÍLA-SÉRBLAÐ
BÍLA
fylgir Morgunblaðinu
þriðjudaginn 15. desember 2020BLAÐ
30 ára Rebekka Rós
ólst upp á Seltjarn-
arnesinu og býr núna í
Vesturbænum. Hún er
lyfjafræðingur að
mennt, en hefur unnið
sem flugfreyja með há-
skólanáminu, en einnig
hjá Lyfjum og heilsu. Núna er hún í barns-
burðarleyfi. Helstu áhugamál eru ferðalög,
útivist og þá sérstaklega fjallgöngur.
Maki: Einar Bjarni Ómarsson, nemi í við-
skiptafræði í Háskóla Íslands.
Börn: Baldvin Ómar, f. 2016, og Benedikt
Axel, f. 2020.
Foreldrar: Baldvin Jónsson, f. 1953,
barnalæknir í Stokkhólmi og Kolbrún
Benediktsdóttir, f. 1953, röntgenlæknir á
Landspítalanum.
Rebekka Rós
Baldvinsdóttir
24 DÆGRADVÖL