Morgunblaðið - 08.12.2020, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 8. DESEMBER 2020
Setning úr viðtali datt út
Í viðtali í Sunnudagsblaði Morgunblaðsins við Rögnvald Ólafsson og Helgu
Rósu Másdóttur datt út hluti af síðustu setningu viðtalsins. Málsgreinin frá
Helgu Rósu átti að hljóma svona:
„Ég er aðeins farin að finna fyrir létti. Ég finn að ég er rólegri að fara út
þar sem við erum búin með þetta, þótt við förum auðvitað varlega og viljum
sýna samstöðu. Fólk verður að fara varlega.“
Beðist er velvirðingar á þessu.
LEIÐRÉTT
Fylgi Sjálfstæðisflokksins mældist
nú 27,1%, rúmlega tveimur pró-
sentustigum meira en við síðustu
könnun MMR sem framkvæmd var
fyrri hluta nóvember. Fylgi Sam-
fylkingarinnar minnkaði um tæp
þrjú prósentustig og mældist 13,8%,
fylgi Framsóknarflokksins minnk-
aði um rúmlega tvö prósentustig og
mældist 7,6% og fylgi Miðflokksins
minnkaði einnig um rúmlega tvö
prósentustig og mældist 7,0%.
Þetta kemur fram í könnun sem
MMR framkvæmdi á tímabilinu 26.
nóvember til 3. desember 2020.
Heildarfjöldi svarenda var 944 ein-
staklingar, 18 ára og eldri.
Fylgi Flokks fólksins jókst um
rúmlega tvö prósentustig frá síð-
ustu mælingu og mældist nú 6,2%.
Sjálfstæðisflokkurinn hefur ein-
ungis einu sinni mælst með meira
fylgi á yfirstandandi kjörtímabili en
það var í mars síðastliðnum, þar
sem fylgi hans mældist 27,3%
Stuðningur við ríkisstjórnina
mældist nú 50,0% og minnkaði um
tæplega tvö prósentustig frá síð-
ustu könnun, þar sem stuðningur
mældist 51,7%.
Sjálfstæðisflokkur bætir við fylgi sitt
Ágúst Ingi Jónsson
aij@mbl.is
Tekjufall hefur orðið hjá mörgum
frjálsum félagasamtökum og fjár-
öflun orðið erfiðari eftir að heims-
faraldur kórónuveiki skall á í byrjun
árs, að sögn Jónasar Guðmunds-
sonar, hagfræðings og formanns Al-
mannaheilla. Í þessum samtökum
þriðja geirans, sem svo hefur verið
kallaður, eru almannaheillasamtök
og sjálfseignarstofnanir sem starfa í
almannaþágu.
Misjöfn staða félaga
Jónas segir að staðan sé misjöfn á
milli félaga og samtaka. Sumum
gangi vel og það
sé ánægjulegt því
þörfin sé mikil í
þessu árferði og
vandamálin víða
og þyngri en oft-
ast áður. Margir
glími við fátækt,
jafnvel hungur,
og fylgikvillar at-
vinnuleysis og
annarra erfið-
leika séu oft dep-
urð, kvíði og ótti. Hefðbundnar leið-
ir til fjáröflunar félaganna séu
margar lokaðar þar sem viðburðum
hafi verið frestað og aflýst og erfið-
ara sé að nálgast sjálfboðaliða vegna
sóttvarnaráðstafana. Ánægjulegt sé
að fjölmiðar hafi tekið við sér og
vakið athygli á vandanum.
Jónas segir að breskar rann-
sóknir gefi til kynna erfiða stöðu hjá
mörgum félagasamtökum. Hér-
lendis segist hann telja að stuðn-
ingur almennings hafi verið nokkuð
stöðugur, en ekki geti allir veitt
stuðning vegna erfiðra aðstæðna.
Mörg fyrirtæki hafi þurft að draga
úr stuðningi af þessum sökum, en
önnur hafi sýnt rausnarskap. Hann
segir þetta fyrstu vísbendingar úr
rannsókn sem prófessorarnir Stein-
unn Hrafnsdóttir og Ómar H. Krist-
mundsson eru að gera, þar sem
meðal annars er kannað hvaða áhrif
kórónufaraldurinn hefur haft á al-
mannaheillafélög.
Almannaheill eru regnhlífar-
samtök fjölbreytts hóps félaga, sem
berjast fyrir margvíslegum hags-
munamálum. Jónas áætlar að 2-300
félög gætu fallið undir skilgreiningu
samtakanna fyrir aðild, þ.e. berjast
fyrir samfélagslegu markmiði eða
hlutverki og að bæta hag ótiltekins
fjölda fólks.
Ærin verkefni á erfiðum tímum
Auk þeirra félaga og samtaka sem
styðja beint við fólk með fram-
lögum, styrkjum og gjöfum nefnir
Jónas réttindafélög eins og
neytendasamtök og Kvenréttinda-
félagið, þar sé þörf á öflugri starf-
semi eftir að aðstæður breyttust.
Innan vébanda Almannaheilla séu
einnig félagasamtök sem halda uppi
góðum gildum og menningu og
mörg þeirra hafi átt erfitt upp-
dráttar. Þá séu verkefni samtaka
eins og á vegum eldri borgara og
sjúklingafélaga ærin á erfiðum tím-
um og innan þeirra raða séu við-
kvæmir hópar sem þurfi á stuðningi
að halda.
Á vegum Háskóla Íslands og Al-
mannaheilla er nú unnið að heild-
stæðri könnun á því hver hlutur
þriðja geirans sé í þjóðarbúskapn-
um. Slíkar upplýsingar hafa ekki
legið fyrir til þessa, að sögn Jónasar.
Morgunblaðið/Árni Sæberg
Aðstoð Kaupfélag Skagfirðinga og dótturfyrirtæki hyggjast afhenda hjálp-
arstofnunum 40 þúsund matarskammta fyrir jólin, en víða er þröngt í búi.
Fjáröflun félaga erfið
og tekjufall hjá mörgum
 Vandamálin eru víða og þyngri en oftast áður
Jónas
Guðmundsson
Fást í verslunum okkar
á Selfossi og í Ármúla 42
MÓTORHAUSA
sögur
Nú þegar fyrsti snjór vetrarins er kominn á suðvesturhorni landsins er
gustukaverk að fóðra fugla himinsins, sem oft eru í vanda staddir og vant-
ar eitthvað gott í gogginn. Margir strá til dæmis korni á skafla sem spör-
fuglarnir eru fljótir að finna og koma í svo hundruðum skiptir, með fjaðra-
bliki og fallegu kvaki.
Sömuleiðis er einfalt að þræða epli á trjágreinar sem hentar sérstaklega
vel þar sem gæludýr, til dæmis hundar og kettir, eiga til að gæða sér á
korninu sem sáldrað er yfir snjóinn. Aldrei fer vel á því að stela annarra
æti og þau siðalögmál gilda jafnt meðal mannfólks og málleysingja.
Suður með sjó er því veitt eftirtekt að svartþrestir eru sérstaklega hrifn-
ir af rauðum eplum. Í heimagarði í Njarðvík í Reykjanesbæ fylgdist fólk
með því um helgina þegar þrestir hámuðu í sig tvö heil epli, uns þeir hófu
sig aftur til flugs með fullan maga.
Mikilvægt er að muna eftir smáfuglunum
Flugu með fullan maga
Morgunblaðið/Svanhildur Eiríksdóttir
Allar plastflöskur sem Coca-Cola á
Íslandi framleiðir verða úr endur-
unnu plasti (rPET) frá og með fyrsta
ársfjórðungi næsta árs. Talið er að
notkun á nýju plasti muni með þessu
minnka um 530 tonn árlega. „Við er-
um einn stærsti matvælaframleiðandi
landsins en því fylgir skylda og
ábyrgð. Með því að skipta yfir í rPET
fer notkun á nýju plasti niður um 86%
á hverju ári og minnkar kolefna-
fótspor framleiðslunnar vegna plast-
flaskna um sem nemur ígildi 400
tonna af koltvísýringi,“ segir Einar
Snorri Magnússon, forstjóri Coca-
Cola European Partners á Íslandi.
Þá segir Einar að fyrirtækið haldi
áfram að vinna að aukinni sjálfbærni
innan framleiðslunnar. Fyrirtækið sé
jafnframt með metnaðarfull markmið
á sviði umhverfisverndar.
aronthordur@mbl.is
Nota endurunnið plast
Kókflöskur Í umhverfisvænu plasti.