Morgunblaðið - 08.12.2020, Blaðsíða 17

MORGUNBLAÐIÐ ÞRIÐJUDAGUR 8. DESEMBER 2020
10,1%
fretta-
bladid.is
14,2%
Fréttablaðið
8,9%
visir.is
9,9%
ruv.is
5,0%
RÚV
2,4%
vb.is
4,3%
DV
6,5%
dv.is
38,8%
38,8% allra frétta frá tíu stærstu fréttamiðlum landsins koma
frá fréttastofu Morgunblaðsins og mbl.is. Þessi elsta fréttastofa
landsins er mönnuð reynslumiklu fagfólki sem hefur aðeins eitt
markmið — að miðla vönduðum fréttum og fjölbreyttu efni til
lesenda á hverjum degi.
Ekki missa af því sem skiptir máli.
Komdu
í áskrift
strax
í dag
Sím
i 569 1100
m bl.is/a s kri
ft
Við skrifum fleiri fréttir
Heimild: Creditinfo - Fjölmiðlavaktin 2020
19,2%
Morgun-
blaðið
19,6%
mbl.is
Umræðan
Vatnajökuls-
þjóðgarður er tólf ára
gömul stofnun í stöð-
ugri þróun. Þar starfa
um 35 manns á heils-
árgrundvelli, lang-
flestir á starfsstöðvum
á landsbyggðinni. Að
sumarlagi bætast við
um 70 starfsmenn sem
sinna landvörslu,
fræðslu og öðrum til-
fallandi verkefnum.
Þjóðgarðurinn nær til Vatnajökuls
og stórra svæða í nágrenni hans,
þar á meðal þjóðgarðanna sem fyr-
ir voru í Skaftafelli og Jökulsár-
gljúfrum. Sumarið 2019 var stigið
mikilvægt skref í þróun þjóðgarðs-
ins þegar hann var samþykktur á
heimsminjaskrá UNESCO sem
staðfestir að hann er einstakur á
heimsvísu.
Vatnajökulsþjóðgarði hefur frá
upphafi verið ætlað að styrkja
byggð og atvinnustarfsemi í ná-
grenni hans, m.a. með því að hvetja
til sjálfbærrar nýtingar svæðanna.
Vatnajökulsþjóðgarður er því vett-
vangur umfangsmikillar atvinnu-
starfsemi sem er ein forsenda þess
að þjóðgarðurinn nái tilgangi sín-
um.
Til þess að skýra leikreglur
vegna atvinnutengdr-
ar starfsemi í Vatna-
jökulsþjóðgarði sam-
þykkti stjórn hans
atvinnustefnu í júní
2019. Í aðdraganda
þess að stefnan var
samþykkt átti sér stað
víðtækt samráð við
fyrirtæki og samtök í
ferðaþjónustunni og
voru haldnir opnir
fundir á öllum svæðum
þjóðgarðsins og í
Reykjavík auk raf-
rænnar könnunar.
Stefnan útfærir leiðarljós um nátt-
úruvernd og sjálfbærni, samvinnu,
virðingu og gæði.
Í reglugerð umhverfis- og auð-
lindaráðherra frá 20. mars 2020 er
atvinnutengd starfsemi í Vatnajök-
ulsþjóðgarði skilgreind sem „þjón-
usta sem aðrir en þjóðgarðurinn
bjóða gegn þóknun innan marka
þjóðgarðsins“. Í reglugerðinni er
atvinnutengdri starfsemi innan
þjóðgarðsins skipt í tvennt með eft-
irfarandi hætti:
a. Starfsemi sem er þess eðlis að
ekki er þörf á að setja sér-
stakar takmarkanir varðandi
umfang eða fjölda rekstrar-
aðila sem sinna sambærilegri
starfsemi innan þjóðgarðsins
eða einstakra svæða hans.
b. Starfsemi sem er þess eðlis að
þörf er á að takmarka umfang
eða fjölda þeirra rekstraraðila
sem sinna sambærilegri starf-
semi innan þjóðgarðsins eða
tiltekinna svæða hans.
Hefðbundin landnýting og starf-
semi henni tengd telst ekki at-
vinnutengd starfsemi samkvæmt
reglugerðinni, s.s. búfjárbeit, fugla-
veiði, hreindýraveiði, veiði í ám og
vötnum og nýting rekaviðar.
Í flestum tilfellum geta gestir og
ferðaþjónustufyrirtæki heimsótt
Vatnajökulsþjóðgarðs án takmark-
ana. Það er þó áskilið í lögum að
fyrirtæki sem stunda atvinnu-
starfsemi innan þjóðgarðsins þurfi
að gera samninga við Vatnajökuls-
þjóðgarð um þá starfsemi. Vegna
ólíkra forsendna þeirra sem þegar
veita þjónustu með fastri aðstöðu
innan þjóðgarðsins verða samn-
ingar gerðir í skrefum og leyfis-
veitingar innleiddar með góðum
fyrirvara og skýrum leiðbeiningum.
Í undantekningartilvikum þarf
að skilgreina fjölda gesta eða fjölda
fyrirtækja á ákveðnum svæðum,
t.d. vegna öryggis ferðamanna.
Dæmi um þetta er þróunarverkefni
á suðursvæði Vatnajökulsþjóðgarðs
sem er unnið í samvinnu við fyrir-
tæki sem hafa kallað eftir skýrum
leikreglum, m.a. við að takmarka
fjölda ferðamanna í íshellaferðir og
jöklagöngur. Þegar hefur orðið til
mikilvæg reynsla og þekking sem
ekki var fyrir hendi áður en verk-
efnið hófst. Á þessari reynslu og
áframhaldandi samtali við ferða-
þjónustufyrirtækin verður haldið
áfram að þróa aðferðir þar sem
meginmarkmiðið er sjálfbær upp-
bygging atvinnustarfsemi í þjóð-
garðinum í sátt við samfélagið og
náttúruna.
Atvinnustefna Vatnajökulsþjóðgarðs
Eftir Magnús
Guðmundsson » Vatnajökulsþjóð-
garði hefur frá
upphafi verið ætlað
að styrkja byggð og
atvinnustarfsemi í
nágrenni hans.
Magnús
Guðmundsson
Höfundur er framkvæmdastjóri
Vatnajökulsþjóðgarðs.
Nú líður að jólum og margir
fara að huga að skreytingum á
leiði. Það er hugljúf stund að
fara með skreytta grenigrein í
kirkjugarðinn á aðfangadag.
Þeir sem það gera upplifa ein-
staka stemningu í garðinum.
Fólk kemur með greinarnar
sínar og tendrar ljós á leiði
ástvina sem farnir eru yfir
móðuna miklu. Þetta er fal-
legur siður. Fyrir nokkrum
árum fór ég að hugsa hvort
það væri mögulegt að hafa
skreytinguna lífræna. Það er
hægt að kaupa ýmislegt lit-
skrúðugt í grænmetis- og
ávaxtahornum búðanna sem
jafnframt er ætilegt. Aum-
ingja þrestirnir í kirkjugarð-
inum verða alveg ruglaðir
þegar þeir sjá allar þessar lit-
skrúðugu greinar sem skreyttar eru með gervieplum og
alls konar plast- eða málmskrauti, ásamt slaufu. Þetta
dót eyðileggst seint í náttúrunni. Þá datt mér í hug að slá
tvær flugur í einu höggi og vera með ætilega skreytingu.
Fyrsta árið sem ég setti grein með epli og vínberjum litu
þrestirnir ekki við góðgætinu. Þeir héldu að þetta væri
allt í plati. En viti menn. Síðustu tvö árin var skreytingin
á greininni uppétin í byrjun janúar þegar ég kom til að
taka til á mínum leiðum.
Þá má í leiðinni huga að mat-
arsóun. Á mínu heimili fer lítið í
moltutunnuna á veturna, en allt æti-
legt, svo sem kartöflur, kjötbollur,
grófrifið brauð,
kjöt, fiskur, rús-
ínur og epli, er
skorið í litla bita
og gefið smáfugl-
unum úti í garði.
Gott er einnig að
bæta við feiti.
Unnur Skúladóttir
fv. fiskifræðingur.
Velvakandi Svarað í síma 569-1100 frá kl. 10-12.
Ekki gabba þrestina í kirkjugarðinum
Glaðningur smáfuglanna Greinin, skreytt
með lífrænu skrauti, gleður fuglana. Gjarn-
an má bæta við könglum.
Ljósmynd/Unnur Skúladóttir