Morgunblaðið - 08.12.2020, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 8. DESEMBER 2020
Guðni Einarsson
gudni@mbl.is
„Við höfum aldrei áður séð annað
eins magn af sendingum og nú. Við
vorum að keyra út alla helgina og
náðum að afhenda nánast allt. Svo í
morgun komu fjórfalt fleiri send-
ingar en á venjulegum degi,“ sagði
Björn Viðar Ásbjörnsson, sölu- og
markaðsstjóri DHL Express, í gær.
Flutningarnir
hafa aukist stöð-
ugt frá því að far-
aldurinn byrjaði.
„Við búum svo
vel að vera með
okkar eigin flug-
vél sem flýgur
alla virka daga
milli Englands og
Keflavíkur og
lendir hér
snemma morg-
uns. Þess vegna eru margar erlend-
ar netverslanir farnar að senda með
okkur,“ sagði Björn Viðar. Enn eru
að koma vörur eftir útsölur svarta
föstudags og netmánudags. Þá er
mikið keypt vegna jólanna. Send-
ingum frá flutningsneti DHL, sem
er það stærsta í heimi og nær til
meira en 220 landa, er safnað saman
á Englandi. Svo koma þær hingað
með Boeing-757-þotu DHL Ex-
press. Aukninguna má fyrst og
fremst þakka aukinni netverslun og
bættist hún við þá flutninga sem
fyrir voru. Sendingarnar nema þús-
undum hvern dag. DHL Express
hefur einnig þjónað fyrirtækjum og
helstu stofnunum landsins um ára-
bil.
„Það er líka gríðarlega mikil
aukning í útflutningi. Bæði er mikil
aukning hjá íslenskum netversl-
unum í sölu til útlanda og svo flytj-
um við ferskan fisk. Vélin fer venju-
lega full héðan,“ sagði Björn Viðar.
DHL Express hefur fjölgað
starfsmönnum um meira en þriðj-
ung á einu ári. Fjölgunin nær til
allra deilda fyrirtækisins, sem er
með starfsstöðvar í Reykjavík,
Garðabæ og Keflavík.
Veðrið getur valdið truflunum
„Venjulega erum við í útkeyrslu
frá mánudegi til föstudags. Nú
keyrðum við út alla helgina og jafn-
vel langt fram á kvöld. Starfsfólk á
öllum deildum hjálpar til við út-
keyrsluna,“ sagði Björn Viðar. DHL
Express hefur árum saman verið í
samstarfi við Íslandspóst og verk-
taka um að keyra sendingar heim til
viðtakenda þegar álagið er mest. Af-
hendingartími hefur eitthvað lengst
miðað við þegar flutningsmagn er
með venjulegum hætti.
Veðrið setur stundum strik í
reikninginn. Þótt flugvélin hafi get-
að lent hér hefur afgreiðslan stund-
um beðið þar til hægt er að opna
flugvélina. Um daginn sneri vélin
frá landinu vegna óveðurs og í öðru
tilfelli lagði hún ekki af stað vegna
óveðurs. „Okkar starfsfólk í Kefla-
vík, sem sér um að afgreiða vélina,
hefur unnið ótrúlegt þrekvirki. Við
reynum að fá vélina alltaf til lands-
ins, þó ekki sé nema til að taka vör-
urnar frá landinu. Auk þess að flytja
fisk og vörur frá netverslunum er-
um við að fara með sýni fyrir Land-
spítalann og annað,“ sagði Björn
Viðar.
DHL Express hefur fjárfest mik-
ið í innviðum á þessu ári. Bæði bíla-
flota til útkeyrslu, tölvukerfi og
tækjum til að skanna sendingar.
„Við gerum okkar besta til að koma
sendingunum út sem fyrst. Send-
ingar sem koma til landsins fyrir jól-
in verða afhentar fyrir jól. Fólk þarf
ekki að hafa áhyggjur af því,“ sagði
Björn Viðar.
Jólatilboðið slær í gegn
DHL Express er eins og undan-
farin ár með sérstakt jólatilboð fyrir
fólk sem vill senda jólapakka til út-
landa. Björn Viðar sagði að það
hefði slegið í gegn. Afgreiðslutíminn
í móttökustöðinni í Miðhrauni 2 í
Garðabæ hefur verið lengdur til
klukkan 19.00 virka daga til jóla til
að dreifa álaginu.
Brjálað að gera í
pakkaflutningunum
 Mikil aukning hjá DHL Express  Starfsfólki fjölgað
Ljósmynd/DHL
DHL Vélin flaug um alla Evrópu merkt „Thank You“ og regnboga til að
þakka heilbrigðisstarfsfólki og starfsfólki DHL fyrir fórnfýsi í faraldrinum.
Björn Viðar
Ásbjörnsson
„Frummat hefur farið fram á áætl-
uðum kostnaði vegna bóta vegna
riðuveiki í Skagafirði. Er áætlað að
heildarbætur muni nema um 200
millj. kr. sem fyrirhugað er að verði
mætt með sérstöku viðbótarframlagi
úr ríkissjóði,“ segir í svari Kristjáns
Þórs Júlíussonar landbúnaðarráð-
herra við fyrirspurn Höllu Signýjar
Kristjánsdóttur, þingmanns Fram-
sóknarflokksins, á Alþingi í gær.
Ráðherrann bendir á að í fjárlaga-
frumvarpi næsta árs sé gert ráð fyrir
123 milljóna kr. fjárveitingu vegna
varna gegn dýrasjúkdómum en
hugsanlega þurfi að endurskoða þá
fjárhæð þegar fyrir liggur hvernig
bótagreiðslur skiptast milli ára.
Í svarinu segir að hafin sé vinna í
atvinnuvega- og nýsköpunarráðu-
neytinu í samráði við Matvælastofn-
un við að meta og endurskoða reglur
og stjórnsýslu hvað varðar málefni
riðuveiki, varnarlínu búfjár, bótafyr-
irkomulags vegna búfjársjúkdóma
og niðurskurðar o.fl.
„Í vinnunni verður sérstaklega
tekið til skoðunar hvort til staðar séu
aðrar aðgerðir sem fela í sér minna
inngrip, röskun og kostnað en þær
aðgerðir sem gripið hefur verið til
undanfarna áratugi ef riðuveiki
greinist í fé,“ segir í svarinu.
Fram kemur að vegna þess hversu
umfangsmikið riðusmitið í Skaga-
firði sé hafi magn úrgangs verið
meira en tiltækur brennsluofn réð
við og því ákveðið að urða það magn
sem ekki var unnt að brenna. „Sú
staða sem skapaðist vegna riðuveiki í
Skagafirði kallar á skoðun á því
hvort nauðsynlegt sé að tryggja að
fyrir hendi séu innviðir sem gera þar
til bærum yfirvöldum kleift að fara
að reglum við eyðingu á úrgangi sem
þessum. Þyrfti í því skyni að kanna
hvort auka þyrfti afkastagetu þeirra
staða þar sem úrgangi er brennt með
fullnægjandi hætti,“ segir í svarinu.
Áætlaðar bætur
200 milljónir kr.
 Endurskoða reglur
vegna riðuveiki, um
varnarlínur og bætur
Morgunblaðið/RAX
Sauðfé Endurskoða á reglur og
stjórnsýslu vegna riðuveiki.
Allir sem greindust með kórónu-
veiruna í fyrradag voru í sóttkví.
Smitin voru sjö talsins, en alls voru
tekin um 450 sýni innanlands. Þór-
ólfur Guðnason sóttvarnalæknir
gladdist yfir fregnunum á fundi al-
mannavarna í gær. Þá sagði hann að
það ætti að styttist mjög í bólusetn-
ingu gegn veirunni hér á landi.
Að því er fram hefur komið í frétt-
um erlendis er óvíst hversu margir
munu láta bólusetja sig gegn veir-
unni. Á Spáni er helmingur þjóð-
arinnar mótfallinn bólusetningu og
um þriðjungur í Svíþjóð. Nú síðast
greindi formaður lyfjanefndar þýsku
læknasamtakanna frá því að ekki
liggi fyrir nægar rannsóknarnið-
urstöður um bóluefnin til að hægt sé
að treysta þeim fyllilega. Sjálfur
kvaðst hann ófús til að láta bólusetja
sig. Að sögn Þórólfs verður enginn
Íslendingur skyldaður í bólusetningu,
en hún verði þó gjaldfrjáls.
Til að hjarðónæmi náist þarf þátt-
töku allt að 70% landsmanna í bólu-
setningunni. Algjört lykilatriði er að
sem flestir taki þátt í ferlinu til að það
virki sem skyldi. Að sögn Þórólfs er
undirbúningur nú í fullum gangi. Þó
er enn óljóst hversu margir skammt-
ar munu berast hingað til lands.
Á fundi almannavarna var jafn-
framt greint frá upptöku nýs viðvör-
unarkerfis fyrir kórónuveiruna, en
það byggir á litakóðunarkerfi Veð-
urstofu Íslands. Því er ætlað að auka
fyrirsjáanleika til lengri tíma hvað
aðgerðir stjórnvalda gegn veirunni
varðar. Þannig eru vonir bundnar við
að hægt verði að lágmarka heild-
arskaða samfélagsins vegna sam-
komutakmarkana og annarra að-
gerða.
Heimild: covid.is
Óstaðsett 2 2
Austurland 0 0
Norðurland vestra 0 3
Suðurland 9 22
Vestfirðir 1 17
Vesturland 7 92
Einangrun
(virk smit)
Sóttkví
Einangrun og
sóttkví eftir
landshlutum
Viðvörunarkerfi:
Nýgengi innanlands:
46,4 nýtt smit sl. 14 daga á 100.000 íbúa
100
80
60
40
20
0
Fjöldi inn an lands smita
frá 30. júní
7 ný inn an lands smit greindust sl. sólarhring
75
7
16
86
99
21
júlí ágúst september október nóvember des.
Rautt ástand – mikil fjöldatakmörkun Grátt ástand – sóttvarnir í fyrirrúmi
Appelsínugult ástand – mikil fjöldatakmörkun Gult ástand – hertar sóttvarnir
Höfuðborgarsvæði 160 299
Suðurnes 15 25
Norðurland eystra 3 0
Fólki ekki skylt
að fá bóluefni
 Efasemdir um ágæti bóluefnisins